1 Kwaye ngoku, kwenzekile okokuba uAlma, owayesabile kuzo izicaka zikakumkani uNowa, waye ^awaguquka ezonweni zakhe nakubo ubugwenxa, kwaye wahamba-hamba fihlakeleyo phakathi kwabantu, waze waqalisa ukufundisa amazwi ka-Abhinadayi—

2 Ewe, ngokunxulumene noko kwakusezayo, kananjalo ngokunxulumene novuko lwabafileyo, ^anenkululeko yabantu, eyayiza kwenzeka ^bngamandla, neentlungu, nokufa kukaKrestu, novuko lwakhe nokunyukela kwakhe ezulwini.

3 Kwaye kangangobuninzi babo ababelimamela izwi lakhe waye wabafundisa. Kwaye ebafundisela ngasese, ukuze ingabi nakufikelela kulwazi lukakumkani. Baze abaninzi bawakholelwa amazwi akhe.

4 Kwaye kwenzekile okokuba kangangobuninzi babo abathi bamkholelwa babheka phambili kuyo ^aindawo eyayibizwa ngokuba yiMormoni, ekubeni ilifumene igama layo kukumkani, ikwimida yelizwe ebelizaliswe, ngamathuba athile okanye amaxesha, zizilo zasendle.

5 Ngoku, kwakukho eMormoni umthombo wamanzi acwengileyo, waza uAlma waya apho, apho ke kufuphi namanzi kwakukho udada lwemithana emincinane, apho ke wathi emini wazimela khona ekufuniseni kukakumkani.

6 Kwaye kwenzekile okokuba kangangobuninzi babo abathi bamkholelwa baya apho ukuba beve amazwi akhe.

7 Kwaye kwenzekile emva kweentsuku ezininzi kwabakho inani elincumisayo elahlanganisana kunye endaweni eyiMormoni, ukuza kuva amazwi ka-Alma. Ewe, bonke babehlanganisene kunye abo babekholelwa elizwini lakhe, ukuba bamve. Kwaye ^awayebafundisa, kwaye wayebashumayeza inguquko nenkululeko, nokholo eNkosini.

8 Kwaye kwenzekile okokuba wathi kubo: Qaphelani, nanga amanzi aseMormoni (kuba ayebizwa njalo) kwaye ngoku, njengoko ^aninqwenela ukuza kuwo ^bumhlambi kaThixo, ukuze nibizwe njengabantu bakhe, nize ^cnikulungele ukuthwalisana imithwalo yenu, ukuze ibe lula;

9 Ewe, kwaye nikulungele ukulila nabo balilayo; ewe, nize nibathuthuzele abo baswele ukuthuthuzelwa, nibe nokuma ^anjengamangqina kaThixo ngamaxesha onke nakuzo zonke izinto, nakuzo zonke iindawo eninokuthi nibe kuzo, ewe ngokokude kube sekufeni, ukuze nibe nokukhululwa nguThixo, nize nibalwe kunye nabo ^bbangabovuko lokuqala, ukuze nibe nokuba ^cnobomi obungunaphakade—

10 Ngoku ndithi kuni, ukuba oku kungumnqweno weentliziyo zenu, yintoni eninayo ngokuchasene ^anokubhaptizwa egameni leNkosi, njengobungqina phambi kwakhe bokuba ningene ^bkumnqophiso kunye naye, wokuba niya kumsebenzela kwaye niyigcine imiyalelo yakhe, ukuze abe nokuwuthulula uMoya wakhe ngobuninzi phezu kwenu?

11 Kwaye ngoku bakuba bewavile abantu la mazwi, baqhwaba izandla zabo luvuyo, baze badanduluka: Lo ngumnqweno weentliziyo zethu.

12 Kwaye ngoku kwenzekile okokuba uAlma athabathe uHelam, yena engomnye wabokuqala, kwaye wahamba waza wema phaya emanzini, waza wadanduluka, esithi: Owu Nkosi, thulula uMoya wakho phezu kwesicaka sakho, ukuze ndibe nokuwenza lo msebenzi ngobungcwele bentliziyo.

13 Kwaye akuba ewathethile la mazwi, ^auMoya weNkosi waba phezu kwakhe, kwaye wathi: Helam, ^bndiyakubhaptiza, ^cndinegunya elivela kuThixo onaMandla Onke, njengobungqina bokuba ungene kumnqophiso wokuba umsebenzela ude ufe ngokwasemzimbeni onokufa; kwaye inga uMoya weNkosi ungathululelwa phezu kwakho; kwaye inga ingakunika ubomi obungunaphakade, ^dngenkululeko kaKrestu, lowo wamlungisayo ukususela ^ekwisiseko sehlabathi.

14 Kwaye emva kokuba uAlma ewathethile la mazwi, bobabini uAlma noHelam ^abazingcwaba emanzini; baza baphakama baphuma emanzini begcobile, bezaliswe nguMoya.

15 Kwaye kwakhona, uAlma wathabatha omnye, waza wahamba waya phambili okwesibini emanzini, waza wambhaptiza ngokohlobo lokuqala, ngaphandle kokuba yena akazange azingcwabe kwakhona emanzini.

16 Kwaye ngolu hlobo wathi wabhaptiza wonke ubani owathi wahamba waya endaweni yaseMormoni; kwaye inani lalimalunga namakhulu amabini anesine emiphefumlo; ewe, kwaye ^ababhaptizwa kumanzi aseMormoni, kwaye bezaliswe ^blubabalo lukaThixo.

17 Kwaye babizwa ngokuba balibandla likaThixo, okanye ^aibandla likaKrestu, ukususela kwelo lixa ukuya phambili. Kwaye kwenzekile okokuba nabani na owabhaptizwayo ngamandla negunya likaThixo wongezelelwa kulo ibandla lakhe.

18 Kwaye kwenzekile okokuba uAlma, ^aenegunya elivela kuThixo, wamisa ababingeleli; kwanombingeleli omnye kuwo onke amashumi amahlanu enani labo wathi wabamisa ukuba bashumayele kubo, kwaye nokuba ^bbabafundise ngokunxulumene nezinto eziphathelele nobukumkani bukaThixo.

19 Kwaye wabayalela ukuba bangafundisi nanye into ngaphandle kokuba kube zezo zinto awathi wazifundisa, kwaye nezazithethwe ngomlomo wabaprofeti abangcwele.

20 Ewe, wade wabayalela ukuba kumele ^abangashumayeli nto ngaphandle kokuba kube yinguquko nokholo eNkosini, eyabakhululayo abantu bayo.

21 Kwaye wabayalela ukuba akumele kubekho ^ambambano komnye nomnye, kodwa nje kumele bakhangele phambili ^bngasonye, benenkolo enye nobhaptizo olunye, beneentliziyo ezithungelene ^celumanyanweni naseluthandweni omnye komnye.

22 Kwaye njalo wabayalela ukuba bashumayele. Kwaye njalo baba ^angabantwana bakaThixo.

23 Kwaye wabayalela ukuba maze bawuqwalasele ^aumhla wesabatha, kwaye bawugcine ungcwele, kananjalo nemihla yonke bamele banike imibulelo kuyo iNkosi uThixo wabo.

24 Kananjalo wabayalela ukuba ababingeleli awathi wabamisa kumele ^abasebenze ngezandla zabo ukuze babe nokuzixhasa.

25 Kwaye kwabakho usuku olunye kuzo zonke iiveki olwalumiselwe ukuze bahlanganisane kunye ukuze bafundise abantu, kwaye ^abanqule iNkosi uThixo wabo, kananjalo, kaninzi kangangoko kwakusemandleni abo, ukuba bahlanganisane kunye.

26 Kwaye ababingeleli kwakungafuneki baxhomekeke ebantwini ngenkxaso yabo; kodwa ngomsebenzi wabo babeza kufumana ^aubabalo lukaThixo, ukuze babe nokomelela eMoyeni, ^bbenolwazi ngoThixo, ukuze babenako ukufundisa ngamandla negunya elivela kuThixo.

27 Kwaye kwakhona uAlma wayalela ukuba abantu bebandla bamele banikele ngezinto zabo, ^abonke ngokwaloo nto anayo; ukuba unako ngobuninzi kakhulu kumele anikele ngobuninzi kakhulu; kwaye lowo unako okuncinane, makufunwe nje okuncinane kuye; kwaye lowo ungenanto umele anikwe.

28 Kwaye njalo bamele banikele ngezinto zabo ngentando yabo ekhululekileyo neminqweno emihle kuThixo, nakwabo babingeleli basweleyo, ewe, nakubo bonke abasweleyo, abamiphefumlo ize.

29 Kwaye oku wakuthetha kubo, eyalelwe nguThixo; kwaye baye ^abahamba bethe tye phambi kukaThixo, ^bbenikela omnye komye kunye okwasenyameni nokwasemoyeni ngokweentswelo zabo neemfuno zabo.

30 Kwaye ngoku kwenzekile okokuba konke oku kwenziwa eMormoni, ewe, ^angasemanzini aseMormoni, ehlathini elaye likufuphi namanzi aseMormoni; ewe, indawo yaseMormoni, amanzi aseMormoni, ihlathi laseMormoni, hayi ubuhle babo emehlweni abo abathi apho bafumana ulwazi ngoMkhululi wabo; ewe, okunjani ukusikeleleka kwabo, kuba baya kuvuma bembonga ngonaphakade.

31 Kwaye ezi zinto zenzeka ^aemideni yelizwe, ukuze zingafikeleli kulwazi lokumkani.

32 Kodwa qaphelani, kwenzekile okokuba ukumkani, efumanise intshukumo ephakathi kwabantu, wathumela izicaka zakhe ukuba zibajonge. Ke ngoko ngomhla ababehlanganisene kunye ukuphulaphula ilizwi leNkosi bafunyanwa baziswa kukumkani.

33 Kwaye ngoku ukumkani waye wathi uAlma wayexhokonxela abantu ukuba bamvukele, ke ngoko wathumela umkhosi wakhe ukuba ubatshabalalise.

34 Kwaye kwenzekile okokuba uAlma nabantu beNkosi ^abalunyukiswa ngokuza komkhosi kakumkani; ke ngoko bathabatha iintente zabo neentsapho zabo basinga entlango.

35 Kwaye ngenani babengamakhulu amane anamashumi amahlanu emiphefumlo.