1. E tae akera ki te rua ngauru ma ono o te mataiti i te tutaraanga o te au akava ki rungao i te au tangata o Niphai, i na, kia ara mai te au tangata Lamana i te popongi i te marama mua, i na, kua kite oki ratou ia Amalikaia e kua mate ki roto i tona uaorai puakapa, e kua kite katoa ratou e kua papa a Teanekuma i te tamaki mai ia ratou i taua ra ra.

2. E teianei, e kite akera te ngati Lamana i teia, kua mataku roa akera ratou e kua akakore ratou i ta ratou i akakoro ra, e kua aere tika atura ki te enua i apatokerau ra. Kua oro atura ratou ma to ratou au nuku katoa ki te oire ra ko Muleka, kia ora ratou i roto i te au aua ra.

3. Kua ikiia te taeake o Amalikaia ei ariki ki rungao i te au tangata ra, ko Amorona te ingoa, i na, kua ikiia te ariki ko Amorona, e koia oki te taeake o te ariki ra ko Amalikaia, ei mono iaia.

4. E kua akaue atura aia kia mou rai tona iti tangata i taua au oire ra tei raveia na roto i te akamaringianga toto, e kare rava oki ratou i rave ana i tetai oire mari ua ra na roto i te akamaringianga toto.

5. E teianei, kua kite iora a Teanekuma e, ka mou rai te ngati Lamana i taua au oire e manganui ra, e te au enua tei nooia e ratou ra, e kia akara atura aia ia ratou e manganui ra, kua manako iora a Teanekuma e, e mea puapinga kore kia tamata atu i te tamaki atu ia ratou i roto i to ratou au akapuanga ra.

6. Kua akavaitata mai ra aia i tona au tangata mei te mea ra e te akapapa nei ratou no te tamaki, te teateamamao ra aia i te paruru iaia uaorai mei ia ratou na roto i te patu anga i tetai patu takapini ei ngai paruruanga.

7. E kua na reira oki aia i te akapapa anga no te tamaki, e tae rava atu ki taeanga mai o tetai nuku maata ta Moronai i tono mai ei akamaroiroi i tona ra nuku.

8. E kua tuku mai a Moronai i te akaueanga kiaia, kia tapeka aia i te au mou auri katoatoa te ka mou i tona rima, no te mea e manganui oki ta te ngati Lamana mou auri, e kia tapeka katoa aia i te au tangata o te ngati Lamana, ei tutaki i tei tapekaia ana e te ngati Lamana ra.

9. E kua akaue katoa atu aia iaia kia paruru i te enua ra ko Bounetifula, e kia paruru oki i te enua kokota ra e tae atu ki te enua i te pae i apatokerau ra, ko te rauka aea taua ngai ra i te ngati Lamana, e kia rauka ia ratou i te akapekapeka mai ia ratou no te au tuanga katoatoa.

10. E kua akaue katoa maira a Moronai iaia ma te inangaro kia akono meitaki aia i taua tuanga o te enua ra, e kia kimi katoa aia i te ravenga e ngaro ei te ngati Lamana i taua tuanga ra, kia tau ki tei rauka iaia, e penei ake ka rauka akaou mai iaia na roto i tana ravenga muna, e me kore ra, na roto i tetai ravenga ke, te au oire tei raveaia mei roto i to ratou rima e kia paruru, ma te akaketaketa i te au oire e pini ua ake tei kore i topa ki roto i te rima o te ngati Lamana.

11. E kua karanga atura aia kiaia, ka aere atu au kia koe ina ra, tei rungao ia matou te ngati Lamana i te kotinga o te enua i te pae i te opunga o te ra i te pae tai, e i na, e aere au e aro atu ia ratou, e no reira kare au e tae atu kia koe.

12. E teianei, kua akaruke atura te ariki (ko Amorona) i te enua ra ko Zarahemela, e kua akakite atu ki te ariki vaine i te mate o tona taeake, e kua akaputuputu mai i tetai urupu tangata maata, e kua aere tika atu ki te ngati Niphai, ki te kotinga o te enua i te pae tai, i te pae opunga o te ra ra.

13. E kua na reira oki aia i te tamata anga i te akapekapeka atu i te ngati Niphai, e kia akavare i tetai pae o to ratou nuku e kia aere ki tera tuanga o te enua ra, e kua akaue atura aia ki te au tangata tei noo ei tāpū i te au oire i raveia e ïa ra, kia tamaki atu i te ngati Niphai i te pae tai i te itinga o te ra ra, e kia rave mai i to ratou au enua kia tau ki to ratou maroiroi, e kia tau ki te maroiroi o to ratou au nuku.

14. E kua na reira oki te ngati Niphai i te rokoiaangaia e taua au tumatetenga maata ra, i te openga o te rua ngauru ma ono o te mataiti i te tutaraanga o te au akava ki rungao i te au tangata o Niphai.

15. Ina ra, e tae akera ki te rua ngauru ma itu o te mataiti i te tutaraanga o te au akava, kua akaueia a Teanekuma e Moronai, ko tei akatinamou i te au nuku ei paruru i nga kotinga o taua enua ra i te pae i te opunga o te ra ra, e kua akamata iora aia i tona tere ki te enua ra ko Bounetifula, e kia rauka iaia i te tauturu atu ia Teanekuma e tona au tangata i te rave akaou anga mai i te au oire tei ravea keia mei ia ratou ra.

16. Kua akaueia a Teanekuma kia tamaki atu i te oire ra ko Muleka, e mei te mea e ka rauka, kia rave akaou mai aia i taua oire ra.

17. E kua akateateamamao iora a Teanekuma no te tamaki atu i te oire ra ko Muleka, e ma te aere tika atu ratou e tamaki i te ngati Lamana ra, kua kite ra aia e, kare i te mea tau iaia kia akavi atu ia ratou no te mea te noo nei ratou ki roto i to ratou au akapuanga ra, kua akaruke iora aia i tona akakoroanga, e kua oki akaou maira ki te oire ko Bounetifula, kia tiaki i te taeanga mai, o Moronai, e kia rauka te maroiroi i tona ra nuku.

18. E tae akera ki te openga o te rua ngauru ma itu o te mataiti ra i te tutaraanga o te au akava ki rungao i te au tangata o Niphai ra, i tae mai ei a Moronai e tona ra nuku ki te enua ra ko Bounetifula.

19. E tae akera ki te akamataanga o te rua ngauru ma varu o te mataiti, i rave ei a Moronai e Teanekuma e pera katoa te au rangatira mamaata i tetai uipaanga tamaki, e eaa ta ratou ravenga ka rave kia aere mai ei te ngati Lamana ki vao kia tamaki mai ia ratou ra, e te ravenga taparu oki e aere mai ei ratou ki vao i to ratou au punanga ra, kia akavi ia ratou e kia rave akaou mai i te oire ra ko Muleka.

20. E kua tono atura ratou i tetai au karere ki te nuku o te ngati Lamana ra, ko tei tiaki i te oire ra ko Muleka, ki to ratou ra arataki ko Iakoba te ingoa, ma te pati atu kiaia kia aere mai ki vao e tona nuku e aravei mai ia ratou ki te enua papu ra i rotopu i nga oire e rua ra, Ina ra, e tangata Zoroma oki a Iakoba, e kare atura i tika iaia kia aere mai e tona ra nuku kia tamaki mai ia ratou i te enua papu ra.

21. Kare takiri a Moronai ravenga kia aravei ia ratou i te enua papu ra, no reira, kua kimi aia i tetai ravenga kia puereere i te ngati Lamana, kia aere mai ki vao mei roto mai i to ratou punanga pakari ra.

22. E no reira, kua akaue atura aia ia Teanekuma kia apai i tetai tuanga tangata meangiti kia aere ki raro e kia vaitata atu ki te pae tai ra, e kua aere atura a Moronai e tona ra nuku i te po anga ki roto i te metepara, ki te tuanga opunga o te oire ra ko Muleka, e po akera, kia kite akera te au tiaki o te ngati Lamana ia Teanekuma, kua oro atura ratou e kua akakite atura kia Iakoba ra to ratou arataki.

23. E kua aere maira te au nuku o te ngati Lamana e tamaki mai ia Teanekuma, e kua manako oki ratou e, ka mataku a Teanekuma ia ratou no to ratou maata e no te meangiti oki ia ratou. E kite atura a Teanekuma i te au nuku o te ngati Lamana i te aere anga mai kiaia ra, kua akamata aia i te aere ke atu ki raro i te pae o te tai ra i te pae i apatokerau ra.

24. E kite maira te ngati Lamana e kua oro aia ra, kua maroiroi iora ratou, e kua arumaki iora ia ratou ma te ririnui. E ia Teanekuma e arataki ke atu ei i te ngati Lamana tei arumaki puapinga kore ua ia ratou, i na, kua akaue atura a Moronai i tetai pae o tona ra nuku i ona ra kia aere ki roto i te oire, e rave i te reira.

25. E kua na reira ratou, e kua ta oki i te au tangata katoa tei vaioia ei tiaki no taua oire ra, koia oki ko te au tangata katoa tei kore i akaruke i ta ratou au apinga tamaki ra.

26. E kua na reira a Moronai i raukaʼi taua oire ra ko Muleka i tetai pae o tona ra nuku, ka aere ei aia ma te toenga e aravei atu i te ngati Lamana ka oki mai ei ratou mei te arumaki anga ia Teanekuma ra.

27. E kua arumaki atura te ngati Lamana ia Teanekuma e kia vaitata atura ki te oire ra ko Bounetifula kua aravei maira a Lihai e tetai nuku meangiti tei akarukeia atu ei tiaki i te oire ra ko Bounetifula, ia ratou.

28. E kite akera te au rangatira mamaata o te ngati Lamana ia Lihai e tona ra nuku i te aereanga mai kia ratou ra, kua oro atu, ko te kore aea e rauka akaou ia ratou te oire ko Muleka i mua ake ka peke ei ia Lihai. Kua roiroi oki ratou i to ratou aereanga, kareka ra te au tangata o Lihai, kua maroiroi ratou.

29. E teianei, kare te ngati Lamana i kite e tei muriao ia ratou a Moronai e tona ra au nuku, e ko ta ratou e mataku ra ko Lihai e tona au tangata.

30. E kare oki a Lihai i inangaro kia aravei mai aia ia ratou kia aravei roa ra ratou ia Moronai e tona ra nuku.

31. E kare i mamao roa te ngati Lamana kua koropiniia ratou e te ngati Niphai, te au tangata o Moronai i tetai tua e te au tangata o Lihai i tetai tua, e aronga maroiroi oki ratou katoatoa e te ririnui, kareka ra te ngati Lamana kua roiroi ratou no te mamao o to ratou aerenga.

32. Kua akaue atura a Moronai i tona au tangata kia tamaki atu ia ratou e kia oronga rava mai ratou i ta ratou au apinga tamaki ra.

33. Kua arataki maira a Iakoba ia ratou e tangata ngati Zoroma oki aia, e e tangata ngakau mataku kore oki e kua arataki oki aia i te ngati Lamana ki te tamaki ma te riri otooto ia Moronai.

34. Tei muao oki a Moronai i te aereanga, e no reira, kua ta atu a Iakoba ia ratou e ma te tikoti atu ki roto i te oire ko Muleka. Ina ra, e ririnui ake a Moronai e tona au tangata, e no reira kare rava ratou i tuku ua i te ngati Lamana.

35. E kua tamaki akera nga nuku e rua ra, e rikarika akera te tamaki anga, e manganui oki tei matemate i nga nuku e rua ra, e kua puta iora a Moronai, e kua mate takiri atura a Iakoba.

36. E kua tamaki maira a Lihai na muri ia ratou ma tona ra au toa uritumu e kua tuku maira te ngati Lamana i ta ratou au apinga tamaki, e ko te toenga o ratou, no te kononinoni, kare ratou i kite e me ka aere ratou kiea.

37. E kite akera a Moronai i to ratou maro maata kua karanga atura aia kia ratou e me ka apai mai kotou i ta kotou au apinga tamaki e akaruke mai, kare matou e akamaringi i to kotou toto.

38. E rongo akera te ngati Lamana i teia tuatua nei, kua aere mai to ratou au rangatira mamaata, te katoatoa rava tei kore i mate e kua tuku maira i ta ratou au apinga tamaki ki te pae vaevae o Moronai ma te akaue atu i to ratou au tangata kia akapera.

39. Ina ra, e manganui tei kore, e ko tei kore i tuku mai i ta ratou au apinga tamaki, kua tapekapekaia e kua raveaia ta ratou au apinga tamaki e kua mārōia ratou kia aere ma to ratou au taeake ki te enua ko Bounetifula.

40. E teianei, kua maata atu te au mou auri i te aronga tei mate, i na, e maata atu i tei matemate i nga tua e rua ra.