1. E i na, kare atura a Moronai i akamutu i te akateateamamao no te tamaki e kia paruru i tona ra iti tangata mei te ngati Lamana, e kua akaue oki aia i tona au nuku kia akamata i te akamataanga o te rua ngauru o te mataiti i te tutaraanga o te au akava, kia akamata ratou i te ko ma te akaputu i te one takapini i te au oire i roto i te au enua katoatoa i roto i te ngati Niphai ra.

2. E kua akaue aia kia tukunaia tetai au rakau ki rungao i taua putunga one ra, koia oki kia maaniia te au aua rakau mei te teitei o te tangata nei e pini ua ake te au oire.

3. E kua akaue katoa aia kia maaniia tetai aua rakau, ei mea teitei e te ketaketa katoa oki.

4. E kua akaue katoa aia kia akatuia tetai are teitei ei akara i taua angaanga o te aua ra, e kua akaue katoa aia kia maaniia tetai ngai paruruanga ki runga i taua are teitei ra, e kia kore oki ratou e puta i te ana e te toka a te ngati Lamana ra.

5. E kua papa oki ratou i te pepei mai i te toka mei runga mai i reira kia tau ki ta ratou i anoano e ki to ratou maroiroi kia ta i te tangata tei tamata i te aere vaitata mai ki te patu o taua oire ra.

6. Kua na reira a Moronai i te akateateamamao anga i te au akapuanga no te taeanga o to ratou au enemi ki te au oire katoatoa e pini ua ake te enua.

7. E i na, kua akaue atu a Moronai i tona au vaeau kia aere atu ki te itinga o te ra ki roto i te metepara, e kua aere atu ratou e kua tuaru pouroa atu i te ngati Lamana i te itinga o te ra ki roto i to ratou au enua tikai i te tuanga apatokerau o te enua ra ko Zarahemela.

8. E ko te enua ko Niphai, e mea tika ua te reira mei te itinga ki te opunga, o te tai.

9. E i muri ake i to Moronai tuaru anga i te ngati Lamana ki vao i te metepara i te itinga o te ra ra, i te pae i apatokerau i to ratou uaorai enua ra, kua akaue atura aia kia aere te aronga o te enua ra ko Zarahemela e te au enua e pini ua ake ki roto i te metepara ki te itinga o te ra ra, e kia tae atu ratou ki te kena o te pae tai ra, noo ei.

10. E kua akanoo katoa aia i tetai au vaeau ki te pae apatonga ra, ki te kotinga o to ratou ra enua, e kua akaue atura aia kia akatu ratou i tetai patu paruru, e kia rauka ia ratou i te paruru i to ratou au nuku e to ratou iti tangata mei te rima o to ratou au enemi.

11. E kua na reira oki aia i te paruru anga atu i te au ngai maroiroi o te ngati Lamana i roto i te metepara i te itinga o te ra, e pera katoa ki te opunga o te ra, e kua akaketaketa aia i te kotinga o te enua o te ngati Niphai e te ngati Lamana i rotopu i te enua ko Zarahemela e te enua ko Niphai, mei te opunga o te tai, e tika rava atu ki te kapuaanga o te kauvai ko Sidona, e kua peke i te ngati Niphai te enua pouroa i apatonga ra, e pera katoa ki te enua i te pae apatokerau ra i te pae i te enua ko Bounetifula, kia tau ki ta ratou i inangaro ra.

12. Kua na reira a Moronai e tona au nuku i te tamata anga i te paruru atu i te maroiroi e te mana o te ngati Lamana i roto i to ratou ra au enua, kia kore o ratou mana ki rungao i to ratou au enua, e kua tupu tona ra nuku ki te maataanga i te au rā tataki tai, e no te tuatua au oki ta tana angaanga i akatupu i roto ia ratou ra.

13. I na, kua akamata te ngati Niphai i te akamou i te tango o tetai oire, e kua topa ratou i te ingoa o taua oire ra ko Moronai, e tei te pae tai i te itinga o te ra, e tei te pae apatonga i te kotinga i te enua o te ngati Lamana ra.

14. Kua tuku katoa ratou i tetai tango ki rotopu i te oire ko Moronai e te oire ko Aarona, ma te kapitianga i te kotinga o Moronai e Aarona, e kua kapiki ratou i te ingoa o te oire me kore te enua ko Niphaiha.

15. E kua akamata katoa ratou i roto i taua mataiti rai i te akatu i tetai au oire e manganui ki te pae i apatokerau, e ko tetai kua kapiki ratou e ko Lihai i te tuanga i te pae i apatokerau i te pae tai ra.

16. E ope akera te rua ngauru o te mataiti.

17. E te meitaki ua ra te ngati Niphai i muatangana ra, e i te akamataanga o te rua ngauru ma tai o te mataiti i te tutaraanga o te au akava ki rungao i te au tangata o Niphai ra.

18. E kua manuia tikai ratou, e kua riro ratou ei aronga apinga nui, e kua uangaia ratou, e kua maroiroi i runga i te enua.

19. E no reira, kua kite tatou i te aroa e te tuatua tika e te au ravenga a te Atu i te akatupu anga i tana au tuatua ki te tamariki a te tangata nei, e kua kite tatou i teianei e, kua tupu tana au tuatua i tuatuaia maira e Lihai, ko tei na ko mai e.

20. E ao toou e to taau au tamariki, e ka akameitakiia ratou kia tau ki to ratou akono anga i taku au akaueanga, e ka meitaki ratou i te enua nei. Ina ra, e akamaara, me kore ratou e akono i taku au akaueanga ka tipu keia ratou mei mua i te aroaro o te Atu.

21. E kua kite tatou e, kua akatikaia taua au tuatua ra ki te au tangata o Niphai, e ko ta ratou mārō e te karoanga, e ta ratou ta anga tangata, e ta ratou aruanga, e ta ratou akamorianga idolo, e ta ratou akaturi, e ta ratou au angaanga viivii i roto ia rotou uaorai, tei akatupu i to ratou au tamaki e te mate maata.

22. E ko ratou tei maroiroi i te akono i te au akaueanga a te Atu, kua akaoraia ratou i te au taime ravarai, e ko te tausanianga o to ratou akarongo kore, e kua kapitiia ki te ngati Lamana.

23. E kare atu e taime mataora mei te reira i roto i te ngati Niphai i roto i te au rā o Moronai mei te taime mai o Niphai, e tae rava mai ki teia taime nei, i roto i te rua ngauru ma tai o te mataiti i te tutaraanga o te au akava.

24. E kua ope akera te rua ngauru ma rua o te mataiti i te tutaraanga o te au akava ra ma te au, e pera katoa ki te rua ngauru ma toru o te mataiti.

25. E i te akamataanga o te rua ngauru ma ā o te mataiti i te tutaraanga o te au akava, kua tupu katoa te au ki roto i te au tangata o Niphai naringa kare te pekapeka i tupu ki rotopu ia ratou no te enua ko Lihai, e te enua ko Morianetona, tei tukati atu ki te kotinga o Lihai, e tei te pae taatai nga enua e rua ra.

26. I na, kua tuatua akera te aronga i te enua ra ko Morianetona e, no ratou tetai pae o te enua ra ko Lihai, no reira oki i tupu ei te pekapeka maata i roto ia ratou, e kua rave iora te au tangata o Morianetona i te au apinga tamaki kia tamate atu ia ratou ki te koke.

27. Ina ra, kua oro atura te au tangata o te enua ra ko Lihai ki te puakapa o Moronai, ma te pati atu kiaia kia tauturu mai ia ratou, e kare oki e no ratou te apa.

28. E kite akera te au tangata o Morianetona ko tei aratakiia e tetai tangata ko Morianetona tona ingoa e, kua oro atu te au tangata Lihai ki te puakapa o Moronai, kua mataku tikai ratou, e ko te aere aea mai te nuku vaeau o Moronai ko te ta aea ia ratou.

29. No reira a Morianetona i akatupu ei i te manako ki roto i to ratou ngakau e, kia oro atu ratou ki te enua i te pae i apatokerau, e e maata oki to reira vai mamaata, e kia rave i te enua i te pae i apatokerau ra.

30. E i na, ka rave tikai ratou i te reira (e ka riro teia ei tumu no te aue) ina ra, e tangata riri vave oki a Morianetona, e kua riri aia ki tetai o tona au tavini vaine, e kua papa iora aia iaia.

31. Kua oro atura aia, e tae atura ki te puakapa o Moronai, e kua akakitekite atura kia Moronai i tei tupu, e to ratou inangaro katoa kia oro atu ki te enua i apatokerau ra.

32. E teianei, kua mataku akera te aronga i roto i te enua ra ko Bounetifula, me kore ra ko Moronai, ko te akarongo aea ratou i te tuatua a Morianetona, e ko te kapiti aea ia ratou ki tona au tangata, e ka rauka mai oki iaia taua au enua ra e ka riro te reira ei tumu no te tumatetenga no te ngati Niphai ra, e ka akakoreia to ratou au.

33. No reira, kua tono atu a Moronai i te nuku vaeau ma to ratou au puakapa, kia arai atu i te au tangata o Morianetona, e kia akamutu i to ratou oroanga ki te enua i apatokerau ra.

34. E kare oki ratou i tae ki mua ia ratou, kua tae ra ratou ki te pae i te kotinga o te enua ko Desolationa, i reira i rokoia atu ei e ratou, na te enua oiti e tae atu ei ki te enua i te pae i apatokerau ra, e na rotopu ïa i te tai ki te pae enua i apatonga, e te pae tai i te opunga e te itinga o te ra ra.

35. E kua aravei atu te nuku i tonokiaia atu e Moronai, e ko tei aratakiia e tetai tangata ko Teanekuma tona ingoa, e kua aravei atu i te au tangata o Morianetona, e e aronga manako ketaketa oki to Morianetona (kua akanauruia e tana ra tuatua kino e te tuatua taparu) e kua akamata tetai tamakianga ki rotopu ia ratou, e kua ta oki a Teanekuma ia Morianetona. E ope akera nga mataiti e rua ngauru ma ā i te tutaraanga o te au akava ki rungao i te tangata o Niphai.

36. E kua akaokiia mai te au tangata o Morianetona. E kia papau akera ratou i te koreromotu o te au, e kua akaokiia ratou ki te enua ra ko Morianetona, e kua kapiti ratou ma te au tangata o Lihai, e kua akaokiia ratou ki to ratou enua.

37. E i taua mataiti rai, kua rauka te au i te iti tangata o Niphai, e ko Niphaiha te rua o te akavanui, e kua mate atu aia. E kua tutara aia ma te tuatua tika ki mua i te Atua.

38. Kare ra aia i akatika ia Alama kia akono i te papa tuatua e te au mea tei manakoia e Alama e tona ai tupuna, e mea tapu roa ïa, e no reira, kua oronga atu a Alama i te reira au mea ki tana tamaiti ko Hilamana.

39. I na, kua ikiia te tamaiti a Niphaiha ei akava, e ei mono i tona metua, e kua ikiia aia ei akava maata, e ei kavana ki rungao i te au tangata ma te taputou anga tapu, kia akava aia ma te tuatua tika, e kia akatupu i te au e te tu rangatira o te tangata, e kia akatika ia ratou kia akono i ta ratou au peu tapu i te akamori anga i te Atu i to ratou Atua, e kia tauturu e kia akatika i te angaanga a te Atua e ope roa ake tona au puke ra, kia akautunga i te au tangata tuatua kino, kia tau ki ta ratou ara.

40. E i na, ko Pahorana tona ingoa. E kua riro a Pahorana ei mono no tona metua, e kua akamata aia i te akava i te tangata o Niphai i te openga o te mataiti e rua ngauru ma ā.