1 Cunan, ñuca churi, ñuca yashpa ricuipi ashtahuan imachari tian canbaj yuyaita preocupachijun, can na yuyaipi chasqui ushangui—imami can Diospaj alicaimanda juchata rurajta castigopi; imashpa yuyangapa munangui cai na alicai can yashpa juchata ruraj shuj llaquinayai canapi churashca cachun.

2 Cunan riqui, ñuca churi, ñuca aliguta villagrini cai cuzasta quiquinman. Riqui, Apunchij Dios ñucanchi callari taitacunata Edén jardínmanda calpachishca jipa, alpata tarpuchun, maimanda paicunata japishca carca—ari, pai runata llujchirca, pai indi llujshij lado Edén jardín tucurinaman churarca, querubin, shuj rupajuj espadata tucui ladoman muyujuchun, causana yurata huacaichichun—

3 Cunan, ñucanchi ricunchi runaca Dios layaman tigrarca ali, na alitapash yachashpa; paipaj maquita chutashpa, japipapash causana yuramanda, micuipapash mana tucurinacaman causaipapash, Apunchij Dios querubin, rupajuj espadatapash churarca, pai ama fucushcamanda micuchun—

4 Shina ñucanchi ricunchi, shuj punlla runacunaman cushca tian arrepentirichun, ari, ruraj na ruraj ricungapa punlla, shuj punlla arrepentiringapa, Diosta sirvingapapash.

5 Riqui, Adán paipaj maquita ñapash chutanman carca, causana yuramanda micunmanbash carca, pai causanman carca mana tucurinacaman, imashna Diospaj shimi nishcashna, arrepentirina punllata na charishpa; ari, Diospaj shimipash na pactashca canman carca, jatun quishpirinapaj ima ruranapash chaipi saquirinman carca.

6 Ashtahuangari riqui, cai ricuchishca carca runaman huañuchun—chaimanda, imashna paicuna jarcai tucushca carca causana yuramanda cai alpa jahuallamandapash shinallata huañuchishca cana carca—runacuna mana tucurinacaman chingashcaman tigrarca, ari, paicuna urmashca runacunaman tigrarca.

7 Cunan, ricungui caimanda ñucanchi callari taitacuna Apunchijpaj ñaupamanda llaquichishca carca ishcandi temporalmente, espiritualmentepash; shina ñucanchi ricunchi paicuna tigrarca paicunapaj propio munaita catijcunaman.

8 Cunan riqui, na ali carca runacuna quishpichishca cana cai temporal huañuimanda, imashpa cai tucuchinman carca cai jatun cushijuipaj planda.

9 Chaimanda, shina almaca nimaurapash huañui ushan, urmanaca apamushca tucui runacunapaj jahuaman shuj espiritual huañuita shinallata shuj temporaltapash, cashna nishpa, Apunchijpaj ñaupamanda anchuchi tucushcacuna carca, minishtirishca carca tucui runacuna cai espiritual huañuimanda quishpichishca cana.

10 Chaimanda, paicuna aichcacuna, sensualcuna, ayacunaman tigrashca carca, canacaimandallata, cai ruraj na ruraj ricungapa canaca tigrarca paicuna prepararingapa; caica preparatorio canaman tigrarca.

11 Cunan yari, ñuca churi, cai na canman carca jatun causachinapaj planmanda na cajpica (shuj ladoman saquishpa) imashna ñapash paicuna huañunman carca paicunapaj almacuna llaquinayaicuna canga, Apunchijpaj ñaupamanda anchuchi tucushcacuna.

12 Cunan, imalaya na tian runacunata quishpichina cai urmashca canamanda, imata runallata paipaj jahuaman apamurca paipaj propio mandashcata na ruraimanda;

13 Chaimanda, alicaimanda, jatun causachinapaj plan na rurashca cana carca, runacunapaj arrepentimientopaj minishtirishcacunapilla cai ruraj na ruraj ricuna caipi, ari, cai prepararina cana; cai minishtirishcacuna caimandalla, shungumanda llaquina na pactai ushanman, alipaj rurashcacunata tucuchishpalla shina canman carca. Cunan alipaj rurashcacuna na tucuchishca cangachu; shina cashpaca, Diosca saquinman Dios canata.

14 Shina ricunchi tucui runacuna urmashcacuna carca, alicaipaj charirishcacunapash carca; ari, Diospaj alicaica, imatami paicunaman churashca mana tucurinacaman paipaj ñaupamanda llaquichishca cachun.

15 Cunan, shungumanda llaquinapaj plan na pactanman carca, shujpa juchacunamanda huañui rurashca caimandalla; chaimanda Dios paillata cai pachapaj juchacunamanda huañurca, shungumanda llaquinapaj planda pactachingapa, alicaipaj mañashcacunata munaillayachingapa, Dios alipacha cachun, ali Dios, shungumanda llaquij Diospash.

16 Cunan, arrepentimiento runacunapaman na shamui ushan imashpapash shuj castigo tiajpi, imami mana tucurinaman carca almapaj causana layallata, shuj layapi cushijuipaj planmanda contra ricuchishca, imami carca mana tucurina imashna almapaj causana shinallata.

17 Cunan, imashnata shuj runa arrepentiri ushan pai juchata rurashpalla? Imashnata pai juchata rurai ushan catichunbacha saquishcacuna na tiajpica? Imashnata catichunbacha saquishcacuna tiai ushan imashpapash shuj castigo tiajpilla?

18 Cunan, shuj castigo ricuchishca tian, ali catichunbacha saquishcacunata cushca, imami runacunaman concienciapaj llaquiyaicunata cun.

19 Cunan, catichunbacha saquishcacuna cushca na tiajpica—shuj runa huañuchishpaca pai huañunman—manllanmanlla pai huañunata huañuchishpaca?

20 Shinapash, catichunbacha saquishcacuna juchapaj contra na tiajpica runacunaca jucha ruranata na manllanmanllu.

21 Nima catichunbacha saquishcacuna na cushca cajpica, runacuna juchata rurajpica imatashi alicaica ruranman, nacashpa shungumanda llaquinapash, imashpa na imatapash rurai ushanmanllu runacunata?

22 Ashtahuangari catichunbacha saquishcacuna cushca tian, shuj castigopash ricuchishca, arrepentimientopash cushca, cai arrepentimiento, shungumanda llaquinata mañan; shuj layapi, alicai mañan causajcunata ruranbash catichunbacha saquishcacunata, catichunbacha saquishcacuna churan castigota; na shina cajpica, alicaipaj rurashcacuna tucuchishca canman, Diospash saquinman Dios canata.

23 Ashtahuangari Diosca na saquinllu Dios canata, shungumanda llaquinapash mañan arrepentiringapa munajta, shungumanda llaquinapash shamun shujpa juchacunamanda huañuimanda; shujpa juchacunamanda huañui yalichun apamun huañushcacunapaj cutin causarinata; huañushcacunapaj cutin causarinapash runacunata cutin tigrachimun Diospaj ñaupaman; shina paicuna paipaj ñaupaman cutinlla apamushca can, paicunapaj rurashcacunamanda ricushpa chasquichi tucungapa, catichunbacha saquishcacunahuan, alicaihuanbash.

24 Riqui, alicai ruran tucui paipaj mañashcacunata, shungumanda llaquinapash mañan tucui ima paipaj cajcunata; shina, nipipash ashtahuangari ciertopacha arrepentiringapa munanajujcuna quishpirishca canga.

25 Imata, yanguichi shungumanda llaquina alicaita shuhuai ushanllu? Ñuca nini, Na; ni shuj jotatapash. Shina cashpaca, Dios saquinman Dios canata.

26 Shinami Dios shinan paipaj jatun na tucurina munaita, imami cai pacha rurashcamanda alichishca can. Shinami shamun runacunaman quishpichina jatun causachinapash, shinapash paicunapaj tucurina llaquicaipash.

27 Chaimanda, Oh ñuca churi, pipash shamungapa munaj shamui ushan libremente ufiangapa causaipaj yacucunata; pipash na shamungapa munajpash shinallata shamuchun na munai na munai churashcachu; ashtahuangari tucuri punllapi cai cutinlla apamushca canga paipaman imashna rurashcacunamanda.

28 Pai na alita ruranata munashca cajpica, paipaj punllacunapi na arrepentirishca cashpaca, riqui, na ali paipaman tigrachishca canga, imashna Diospaj cutinlla apamunamanda.

29 Cunan, ñuca churi, ñuca munani cai cuzascuna ashtahuan ama llaquichichun, saqui canba juchacunalla canda llaquichichun, cai llaqui canda arrepentimientoman apachun.

30 Oh ñuca churi, ñuca munani can ashtahuan ama negaichu Diospaj alicaita. Ama ashallatapash juchachiringapa munaichu canba juchacunamanda, Diospaj alicaita na nishpa; ashtahuangari saqui Diospaj alicai, paipaj shungumanda llaquinatapash, paipaj longanimidadtapash canba tucui shunguta dominachun; saquinguipash cai alpacaman humillachun.

31 Cunan, Oh ñuca churi, can Diospaj cayashca cangui cai llactapuracunaman achil shimita yachachichun. Cunan, ñuca churi, ri quiquinba ñanda, ciertopacha shungumanda achil shimita villai, almacunata arrepentimientoman apamungui, jatun shungumanda llaquinapaj plan paicunata mañachun. Diospash canman carachun ñuca shimicuna nishca shina. Shinacapashcachun.