1 Cunan yalishca jipa Korihor huañushca jipa, Alma yachanacunata chasquishpa Zoramitacuna Apunchijpaj ñangunata pandachinajujta, Zorampash, pimi paicunapaj pushaj carca, llactapuracunapaj shungucunata pushajurca cungurishpa adorachun upa yanga dioscunata, paipaj shungu cutin llaquiri callarirca llactapuracunapaj na ali ruraicunamanda.

2 Cai carca imamanda Almapaj jatun llaquiri paipaj llactapuracunapaj na ali ruraicunata yachaimanda; chaimanda paipaj shungu ninandapacha llaquirirca Zoramitacuna Nefitacunamanda chaupirijpi.

3 Cunan Zoramitacuna paipuracuna tandanajushca carca alpapi imata paicuna shutichirca Antiónum, Zarahemla alpapaj indi llujshij ladoman carca, cai carca jatun mama cocha pata manñaman, cai carca Jersón alpa uraiman, urai jichushca pambahuanbash mujunashca carcapash, cai jichushca pamba Lamanitacuna junda carca.

4 Cunan Nefitacuna ninanda manllarca Zoramitacuna Lamanitacunahuan ali rijsicunaman tigrachun, cai Nefitacunapaj jatun chingachi cagrijpi.

5 Cunan, achil shimipaj yachachijcuna shuj jatun quimirita llactapuracunata apangapa cashpa ima ali cajta rurachun—ari, cai ashtahuan ushaita charirca llactapuracunapaj yuyaicunapi espadapa randi, nacashpa cutishuj cuzas, paicunata imapash tucushca cajpishna—chaimanda Alma yuyarca ali chari canman paicuna Diospaj achil shimipaj ushaita ali caj na ali caj ricuchun.

6 Chaimanda pusharca Ammónda, Aarón, Omnertapash, Himnita saquirca Zarahemla iglesiapi; ashtahuangari quimsa callaricunata paihuan pusharca, Amulektapash, Zeezromtapash, picuna Melekpi carca; paipaj ishcai churicunatapash pusharca.

7 Cunan paipaj rucu churita na pusharca paihuan, paipaj shuti carca Helamán; ashtahuangari shuticuna picunata pai pushashca carcami Shiblón, Coriantónpash; cai shuticuna carca picuna paihuan rirca Zoramitacunapaman, achil shimita paicunaman yachachingapa.

8 Cunan Zoramitacuna Nefitacunamanda chaupirishcacuna carca; chaimanda paicunaman Diospaj achil shimita yachachishca cashca carca.

9 Ashtahuangari paicuna jatun pandaicunapi urmashca carca, imashpa Diospaj rurachunbacha saquishcacunata na pactachingapa atirirca, paicunapaj catichunbacha saquishcacunata, Moiséspaj catichunbacha saquishcacunamanda shina.

10 Na pactachinajurcapash iglesiapaj ruranacunata, achil mañashpa catinata, Diosta punllan punllan ninanda mañashpapash, ama tentacióngunaman yaicungapa.

11 Ari, tucuripi, Apunchijpaj ñangunata pandachirca tauca viajecunapi; chaimanda, cai cashcamanda, Alma paipaj huauquicunapash llactaman achil shimita yachachingapa rirca.

12 Cunan, imaura paicunapaj alpaman chayajpi, riqui, paicunapaj manllarihuan tuparca Zoramitacuna tandanajuna huasicunata shayachishcata, semanapi shuj punlla paipuracuna tandanajuj carca, cai punlla shutichishca carca Apunchijpaj punlla; paicuna adorarca Alma paipaj huauquicunapash nimaura na ricushca layapi;

13 Paicunapaj tandanajuna huasi chaupipi shayachishca carca shuj pushtuta, shayarina pushtuta, imami umata yali jatun carca; jahuaman shuj personalla yaicuna.

14 Chaimanda, pipash adorangapa munashpa chaipi shayaringapa rina carca, paipaj maquicunata jahua pachaman chutashpa, mañana shinlli shimihuan, nishpa:

15 Achil, Dios achil; ñucanchi crinchi Dios cajta, crinchipash achil cajta, shuj espíritu carcangui, shuj espíritu cangui, shuj espíritu cagringui mana tucurinacaman.

16 Achil Dios, ñucanchi crinchi quiquin chaupishcangui ñucanchipa huauquicunamanda; ñucanchi na crinchi ñucanchipaj huauquicunapaj punda ruraicunapi, imami maquin maquin cumushca paicunapaj taitacunapaj mana yachaimanda; ashtahuangari ñucanchi crinchi quiquin ajllashcangui ñucanchita quiquinba achil huahuacuna cachun; yachachishcanguipash ñucanchiman Cristo na tianata.

17 Ashtahuangari quiquin paillata cangui, caina, cunan, imaurapash na tucurinacaman; ñucanchita ajllashcangui quishpirishca cachun, ñucanchita muyushcacunaca ajllashca can quiquinba fiñaihuan ucu pachaman shitashca cachun; cai achilyachishcamanda, Oh Dios, pagui ninchi; paguininchipash ñucanchita ajllashcamanda, ñucanchi huauquicunapaj juizu illa punda ruraicunata na catichishcamanda, cai ali charichin Cristopi crichun, paicunapaj shungucunata apan quiquinmanda caruyachun, ñucanchi Dios.

18 Cutin quiquinda pagui ninchimi, Oh Dios, ñucanchi ajllashca shuj achil llactapuracuna canchi. Shinacapashcachun.

19 Cunan yalishca jipa Alma, paipaj huauquicunapash, paipaj churicunapash cai achil mañaicunata uyashca jipa, paicuna ninandapacha manllarishca carca.

20 Riqui, tucui runacuna rishpa chai achil mañaicunatallata curca.

21 Cunan chai pushtuta paicuna shutichirca Rameúmptom, cai, shuj shimirimaiman tigrachishpa, achil púlpito can.

22 Cunan, cai púlpitomanda curca, tucui runacuna, Diosman cai achil mañaitallata, paicunapaj Diosta pagui nishpa paicunata ajllaimanda, na saquishcamanda paicunapaj huauquicunapaj punda ruraicunata catichun, paicunapaj shungucuna na saquishcamanda shamuna cuzascunapi ama crichun, caicunamanda nimata na yacharca.

23 Cunan, tucui llactapuracuna cashna laya pagui nishpa, paicunapaj huasicunaman tigrarca, nimaurapash paicunapaj Diosmanda cutinga na parlashpa imaura cutin tandanajungacaman achil púlpitopi, pagui ningapa paicunapaj laya.

24 Cunan imaura Alma caita ricushpa paipaj shungu llaquiyarca; imashpa ricurca paicuna shuj na ali rurajcuna cajta, shuj huaglichij llactapuracuna; ari, ricurca paicunapaj shungucuna churashca cajta curipi, culquipi, tucui laya fino charinacunapi.

25 Ari, pai ricurcapash paicunapaj shungucuna jariyaimanda ninanda jariyashpa alsarishcacuna carca.

26 Paipaj shimita jahua pachaman vichai alsashpa, mañarca, nishpa: Oh, imauracaman, Oh Apunchij, saquigringui quiquinba sirvij runacuna cai pachapi aichapi causachun, ricungapa shinapacha na ali ruraicunata runacunapaj huahuacunapi?

27 Riqui, Oh Dios, paicuna quiquinda mañan, ashtahuangari paicunapaj shungucuna langai tucun paicunapaj jariyaihuan. Riqui, Oh Dios, paicuna shimicunahuan mañan, jariyashca cashpapash, jatunbacha caniyashpapash, cai pachapaj yanga cuzascunahuan.

28 Riqui, Oh ñuca Dios, paicunapaj valishca churajunacuna, paicunapaj sortijascuna, paicunapaj huatarinacuna, paicunapaj curi juyaillayachinacuna, tucui paicunapaj valishca cuzascuna imacuna paicuna juyaillayachin; riqui, paicunapaj shungucuna caicuna churashcacuna, shinapash quiquinda mañan, nin—Ñucanchi pagui ninchi, Oh Dios, shuj ajllashca llactapuracuna canchi, cutishujcunaca tucuchi tucushca cagrijpi.

29 Ari, paicuna nin quiquin yachaj chayachishcangui paicunaman Cristo na tianata.

30 Oh Apunchij Dios, imauracaman saquigringui shina na ali ruraita, na crinata cai llactapuracunapi tiachun? Oh Apunchij, shinlli caita carahuai, ñuca irquiyaicunata apangapa. Ñuca irqui cani, shina na ali ruraicuna cai llactapuracunapi ñuca almata nanachin.

31 Oh Apunchij, ñuca shungu ninanbacha llaquirishca can; quiquin cushichipai Cristopi ñuca almata. Oh Apunchij, quiquin saquihuai ñuca shinlli cai ushachun, pacienciahuan ñuca llaquiri ushangapa cai llaquicunata imacuna ñucapaman shamujpi, cai llactapuracunapaj na ali ruraicunamanda.

32 Oh Apunchij, ñuca almata cushichipai, éxitota cuhuai, ñuca consiervocunatapash picuna ñucahuan can—ari, Ammón, Aarón, Omner, Amulekpash, Zeezrom, ñuca ishcai churicunatapash—Ari, tucui caicunata quiquin cushichipai, Oh Apunchij. Ari, quiquin paipaj almacunata Cristopi cushichipai.

33 Paicunata saquipai shinllicuna cai ushachun, paicunapaj llaquicunata apai ushachun imacuna paicunapaman shamunga cai llactapuracunapaj na ali ruraicunamanda.

34 Oh Apunchij, ñucanchita saquihuai éxitota charingapa paicunata ñacutin quiquinbaman Cristopi apamungapa.

35 Riqui, Oh Apunchij, paicunapaj almacuna juyaillacuna can, paicunamanda taucacuna ñucanchi huauquicuna can; chaimanda ñucanchiman cui, Oh Apunchij, ushaita, yachaitapash ñucanchi apamui ushangapa ñucanchi huauquicunata, cutin quiquinbaman.

36 Cunan yalishca jipa imaura Alma cai shimicunata nishca carca, pai tucui picuna paihuan cajcunapaj jahuapi paipaj maquicunata churarca. Riqui, imashna pai churarca paicunapaj jahuapi paipaj maquicunata, paicuna jundashca carca Achil Espírituhuan.

37 Caita rurashca jipa paipuramanda caishumanda chaishumanda chaupirirca, paicunamanda na musparishpa yarishpa imata micunamanda, na cashpa imata ufianamanda, na cashpa imata churajunamandapash.

38 Apunchijca paicunaman cararca ama yarjai cachun, ama yacunayachishcacachunbash; ari, paicuna shinllicachunbash, ima laya llaquicunatapash ama charichun, Cristopaj cushijuipi yalishca cachunlla. Cunan cai carca Almapaj achil mañaimanda; cai imashpa pai fehuan achil mañaimanda.