1 Cunan caicuna can shimicuna imata Amulek llactapuracunaman yachachirca picuna Ammoníah alpapi carca, nishpa:

2 Ñuca cani Amulek; Giddonapaj churi cani, pimi Ismaelpaj churi carca, pimi Aminadipaj cati aillu carca; cai Aminadillata carca pimi ima nijta villarca quilcashcacunata imacuna achil huasipaj pircapi carca, imami quilcashca carca Diospaj dedohuan.

3 Aminadi Nefipaj cati aillu carca, pimi Lehipaj churi carca, pimi Jerusalénpaj alpamanda shamurca, pimi carca Manaséspaj cati aillu, pimi Josépaj churi carca pimi Egiptoman jatui tucushca carca paipaj huauquicunapaj maquicunahuan.

4 Riqui, ñuca canipashmi ashalla ali cachishca runa tucui picunamanda ñucata rijsicunamanda; ari, riqui, ñuca charini tauca aillucunata rijsicunatapash, ñuca chari ushashcanipash ashtaca charijyaicunata shinlli na shaijushpa maquihuan trabajocunamanda.

5 Shina cashpapash, tucui cai jipa, ñuca nimaura na ashtacata yachashcanichu Apunchijpaj ñangunamanda, paipaj na villashcacunata juyailla ushaipash. Ñuca nircani nimaura na ashtaca yachashcani cai cuzascunata; ashtahuangari, ñuca pandani, ñuca ricushcani ashtaca paipajna villashcacunata paipaj juyailla ushaitapash; ari, cai llactapuracunapaj causaicunata alchishpa charinapipash.

6 Shina cajpipash, ñuca shunguta shinlliyachishcani, imashpa tauca viaje cayai tucurcani ñuca na uyarcani; chaimanda ñuca yacharcani cai cuzascunamanda, shina cashpapash na yachangapa munarcani; chaimanda ñuca rircani na cazuipi Diospaj contra, ñuca shungupaj na ali ruraipi, shina cunan cai canchis quillapaj chuscu punllacaman, cai can ricushpa chasquichijcunapaj reinado chunga huatapi.

7 Ñuca rijujpi shuj ninan ladolla ailluta ricungapa, riqui Apunchijpaj shuj ángel ricurimuhuarca nircapash: Amulek, tigrai canbaj propio huasiman, Apunchijpaj shuj achil villachijta micuchingui; ari, shuj achil runa, pimi Diospaj shuj ajllashca runa; pai tauca punllacunata cai llactapuracunapaj juchacunamanda ayunashca, pai yarjachishca can, paita chasquingui quiquinba huasipi micuchingui, pai achilyachinga quiquinda quiquinba huasitapash; Apunchijpaj achilyachishca quiquinba jahuapi quiquinba huasipipash canga.

8 Yalishca jipa ñuca ángelpaj shimita cazurcani, ñuca huasiman tigrarcanipash. Chaiman tigrajuijpica tuparcani runata pimanda ángel nihuarca: Chasquingui quiquinba huasipi—riqui cai carca chai runallata pimi parlajushcarca cangunaman Diospaj cuzascunamanda.

9 Ángelca nihuarca pai can shuj achil runa; chaimanda ñuca yachani pai can shuj achil runa Diospaj shuj ángel nishca caimanda.

10 Cutin, ñuca yachani cuzascuna imamanda pai testificashcata ciertopacha can; riqui cangunaman nini, imashna Apunchij causan, shina paipaj ángelta cachamurca cai cuzascunata ñucaman ricuchingapa; caita pai rurashca cai Alma ñuca huasipi causajujpi.

11 Riqui, pai achil yachishca ñuca huasita, ñucatapash, ñuca huarmicunatapash, ñuca huahuacunatapash, ñuca taitatapash ñuca aillucunatapash; ari, shina tucui ñuca aillucunata achil yachirca, Apunchijpaj achilyachishca ñucanchi jahuapi carca imashna pai parlashca shimicunamanda.

12 Cunan, imaura Amulek cai shimicunata parlajpi llactapuracunaca manllari callarirca, yachaimanda shuj ashtahuan tiajta ricushcata nij, pimi testificarca cuzascunamanda imamanda paicuna juchachishca carca, cuzascunamandapash ima shamuna carca, achil villachinapaj espíritumanda imami paicunapi carca.

13 Shina cajpipash, paicunamanda huaquin tiarca picuna tapuchingapa munanajujcuna, paicunata pandachingapa munashca imata ruranahuan paicunapaj shimicunapi japingapa, paicunapaj contra testimoniota taringapa, paicunapaj ricushpa chasquichijcunaman cungapa paicuna ricushpa chasquichishca cachun catichunbacha saquishcacunahuan, huañuchishca cachun nacashpa cárcelman shitachun, na ali ruraicunamanda imata rurashcashna ricuri ushachun nacashpa paicunapaj contra testifican.

14 Cunan cai runacuna picuna mascanajurca tucuchingapa, abogadocuna carca, picuna llactapuracunahuan ajllashpa churashca carca catichunbacha saquishcacunata ricushpa rurachichun paicunapaj imata rurangapa tandanajui punllacunapi, nacashpaca llactapuracunapaj na ali ruraicunapaj imata rurangapa tandanajuipi ricushpa chasquichijcunapaj ñaupapi.

15 Cunan cai abogadocuna yachashca carca llactapuracunapaj tucui umachingapa ruranacunapi; cai carca paicuna alicuna cachun paicunapaj profesiónpi ali yachashcacuna.

16 Yalishca jipa paicuna Amulekta tapuchi callarirca, shina paipaj shimicunapi pandachun nacashpaca pai parlashpa shuj shimicunata nichun.

17 Cunan paicuna na yacharca Amulek yachai ushajta paicunapaj yuyaicunata. Ashtahuangari yalishca jipa imashna paita tapuchi callarirca, paicunapaj yuyaicunata pai yashpa ricurca, paicunata nirca: Oh can na ali huagli mirai, abogadocuna llullacunapash, ayapaj imapi shayachinacunata churanajunguichi; imashpa canguna tujllashpa japin laya Diospaj achilcunata trampapi urmachingapa ruranajunguichi.

18 Imacunata ruranata yuyanajunguichi ali rurajcunapaj ñangunata huaglichingapa, Diospaj fiñaita cangunapaj umacunaman apamungapa, shina cai llactapuracunata tucuilla tucuchingacaman.

19 Ari, ali Mosíah nirca, pimi ñucanchipaj tucuri jatun mandaj carca, imaura pai ña paipaj reinota cugrijushpa, piman cunata na charishpa, rurashpa cai llactapuracunata paicunapaj propio shimicunahuan mandashca cachun—ari, pai ali nirca punlla chayajpica imaura cai llactapuracunapaj shimi na ali ruraicunata ajllajpi, cai punlla chayamujpica cai llactapuracunamanda na ali ruraipi urmajpi, paicuna ña canga tucuchi tucungapa.

20 Cunan cangunata nini ali Apunchijca cangunapaj na ali ruraicunata ricushpa chasquichin; ali pai cai llactapuracunata yachachichun paipaj ángelcunapaj shimihuan: Arrepentirichi, arrepentirichi, jahua pachapaj reino ñami caipi.

21 Ari, ali pai caparishpa yachachin, paipaj ángelcunapaj shimihuan: Ñuca urai shamusha ñuca llactapuracunapaman, ñuca maquicunapi pacta caihuan alicaihuanbash.

22 Ari, cangunata nini ali rurajcunapaj achil mañaicunamanda na cashpaca, picuna cai alpapi cunan can, cunanllata ricuj shamushca canguichiman tucuilla tucuchinahuan; shina cashpapash na cangachu manllanayai tamiahuan, imashna carca llactapuracunahuan Noépaj punllacunapi, ashtahuangari cangami ninan yarjaihuan, jatun unguicunahuan macanajuicunahuanbash.

23 Ashtahuangari ali rurajcunapaj achil mañaicunamandami huacaichi tucushca canguichi; cunan chaimanda, cangunapamanda ali rurajcunata shitajpica chaica Apunchijca paipaj maquita na jarcangachu; ashtahuangari paipaj ninan fiñaipi pai cangunapaj contra shamunga; chaica canguna llaquichishca canguichi ninan yarjaihuan, jatun unguicunahuan, macanajuicunahuan; cai punlla maquipi can arrepentirijpilla na shina canga.

24 Cunan yalishca jipa llactapuracuna ashtahuan fiñashca carca Amulekhuan, paicuna caparirca, nishpa: Cai runa plitun ñucanchipa catichunbacha saquishcacunapaj contra maijan alicuna can, ñucanchi yachaj abogadocunatapash picunata ñucanchi ajllashcanchi.

25 Ashtahuangari Amulek paipaj maquita chutarca, paicunata ashtahuan shinlli caparirca, nishpa: Oh can na ali huagli mirai, imashpata Satanás ninandapacha cangunapa shungunata mishashca can? Imashpata cangunallata paipaj munaiman curinguichi pai cangunapaj jahuapi ushaita chari ushachun, cangunapaj ñavicunata ñausayachichun, canguna ama yuyaipi chasquichun ima parlashca shimicunata, paicunapaj ciertopachahuan?

26 Riqui, ñuca testificashcanichu cangunapaj catichunbacha saquishcacunapaj contra? Canguna na yuyaipi chasquinguichi; canguna ninguichi ñuca parlashca cani cangunapaj catichunbacha saquishcacunapaj contra; ashtahuangari na shinachu, ashtahuangari ñuca parlashcani cangunapaj catichunbacha saquishcacunapaj favorpi, cangunapaj ricushpa chasquichinaman.

27 Cunan riqui, cangunata nini, cai llactapuracunapaj tucuchinaca callarijun shayachishpa cangunapaj abogadocunapaj cangunapaj ricushpa chasquichijcunapaj na ali ruraicunahuan.

28 Cunan yalishca jipa imaura Amulek cai shimicunata parlajpi llactapuracuna caparirca paipaj contra, nishpa: Cunan ñucanchi yachanchi cai runaca ayapaj huahua can, ñucanchita llullashca; ñucanchipaj catichunbacha saquishcacunapaj contra parlashca. Cunan pai nin caipaj contra na parlashcani.

29 Cutin, ñucanchi abogadocunata ñucanchi ricushpa chasquijcunatapash pliturca.

30 Yalishca jipa abogadocuna caicunata paicunapaj shungucunapi churarca cai cuzascunata yarichun paipaj contra.

31 Paicunahuan shuj tiarca paipaj shuti Zeezrom carca. Cunan pai Amulekta, Almatapash tucuipa yalishca juchachij carca, pai tucuimanda ashtahuan yachashca runa carca, llactapuracunahuan ashtaca asuntocunata ruranacunata charirca.

32 Cunan cai abogadocunapaj munai carca charijyangapa; shina culquita mirachin carca paicunapaj trabajomanda.