Enóspaj Quilcashca

1 Riqui, yalishca jipa ñuca, Enós, rijsishpa ñuca taita shuj ali runa cashcata—pai yachachihuarca paipaj shimirimaipi, viñachihuarcapash shinlli tacurishpa Apunchijpaj tacuripipash—caimanda ñuca Diospaj shuti achilyachishca cachun—

2 Cangunaman villasha macanajuita Diospaj ñaupapi charishcata, nara ñuca chasquishpa ñuca juchacunamanda anchuchinata.

3 Riqui, rircani sachapi animalcunata huañuchingapa; shimicunata imata ñuca catilla uyarcani ñuca taita mana tucurina causaimanda parlajta, santocunapaj cushijuita, ñuca shungu ucumanbacha huashajurca.

4 Ñuca alma yarjachirca; cungurircani ñuca Rurajpaj ñaupaman, mañarcani achil ushai mañaipi ninanda mañaipipash ñuca almamandalla; tucui punlla mañarcani; ari, tutayajpipash ñuca shimita vichai alsajurcanira jahua pachaman chayangacaman.

5 Shuj shimi shamuhuarca, nishpa: Enós, quiquinba juchacuna perdonashca can, can achilyachishca cangui.

6 Ñuca, Enós, yacharcani Diosca na llullai ushajta; chaimanda, ñuca juchaca anchuchishca carca.

7 Ñuca nircani: Apunchij, cai imashnata rurashca can?

8 Pai nihuarca: Cristopi quiquinba femanda, pitami can nimaura nara uyashca nara ricushca cangui. Tauca huatacuna yalinga nara pai aichapi ricurimurijllapita; chaimanda, ri quiquinba fe mapa illa saquishca.

9 Cunan, yalishca jipa imaura cai shimicunata uyashca cashpa munai callarircani ñuca huauqui, Nefitacunapaj ali caita; chaimanda, paicunamanda Diosman tucui ñuca almata jicharcani.

10 Ñuca espíritupi cashna macanajujpira, riqui, Apunchijpaj shimi shamurca ñuca yuyaiman cutin, nishpa: Ñuca ricugrishami quiquinba huauquicunata paicunapaj utsia ñuca rurachunbacha saquishcacunata alichimanda. Paicunaman cai pambata cushca cani, shuj achil pamba can; na llaquichishachu shina cajpica paicunapaj na ali ruraicunamanda canga; chaimanda, ñuca ricugrisha quiquinba huauquicunata ñuca nishcashina; paicunapaj na alita rurashcacuna llaquirinahuan uriajuchisha paicunapaj umacunamanllata.

11 Jipaman ñuca, Enós, cai shimicunata uyashca cashpa ñuca fe Apunchijpi shinlli cangapa callarirca; ñuca achil mañarcani ashtaca ninan munaihuan ñuca huauqui Lamanitacunamanda.

12 Yalishca jipa achil mañashca tucui shungu trabajashcapash jipa Apunchij nihuarca: Quiquinba femanda imashna munashcacunata cusha.

13 Cunan riqui, cai ñuca munashca carca imata paimanda shuyarcani—Imashpapash ñuca llactapuracuna, Nefitacuna, na ali ruraipi urmajpica, Lamanitacuna ama tucuchishca cachun, Apunchij Dios alchishpa charichun ñuca llactapuracunapaj, Nefitacunapaj shuj tandachishca quilcashcata alichichun; shina cai cachun paipaj achil rigrapaj ushaihuan, shuj shamui punlla Lamanitacunaman apashca cachun, imashpapash, paicuna quishpirinaman pushamushca cachun—

14 Cunan horas ñucanchi munaicuna ciertopacha feman tigrachina yanga cashca. Paicunapaj fiñaipi jurarca, ushashpallaca, ñucanchipa tandachishca quilcashcacunata ñucanchindi tucuchingapa, tucui ñucanchi punda taitacunapaj yachachishcacunatapash.

15 Chaimanda, yachashpa Apunchij Dios ñucanchipaj tandachishca quilcashcacunata alchishpa chari ushana carca, catilla mañarcani, pai nihuashca carca: Ima cuzastapash fehuan mañajpi, chasquinata crishpa Cristopaj shutipi, chasquinguimi.

16 Ñuca feta charircani, Diosta mañarcani tandachishca quilcashcacunata alchishpa charichun; pai achil pactachita ñucahuan rurarca Lamanitacunaman apamunata paipaj propio punllapi.

17 Ñuca, Enós, yacharcani cai cagrijta imashna pai cai conveniota rurashca caimanda; chaimanda ñuca alma casilla saquirirca.

18 Apunchij nihuarca: Quiquinba taitacunapash cai cuzastallata mañahuarca; cai paicunapaj femanda cushca canga; paicunapaj fe quiquinbashnalla carca.

19 Cunan yalishca jipa ñuca, Enós, Nefipaj llactapuracunaman rircani, achil villachishpa shamuna cuzascunamanda, ñuca uyashca ricushca cuzascunamanda testificashpa.

20 Ñuca testimoniota cuni Nefipaj llactapuracunaca utsialla munarca Lamanitacunata cutinlla apamungapa Diospi ciertopacha feman. Ashtahuangari ñucanchi trabajocuna yanga carca; paicunapaj fiñai ninanbacha carca, paicuna pushai tucushca carca paicunapaj aya canayaihuan paicuna sacha runacunaman tigrarca, imamandapash millayaicuna, yahuarta yacunayachij llactapuracuna, yanga dioscunata cungurijcunapacha mapallacunapash; sacha paipura micurij animalcunata micujcuna; facha huasicunapi causajcuna, jichushca pambapi yangata purijcuna, paicunapaj lomocunapi uchilla cara chumbicunahuan uma ajchacunatapash cuchurishcacuna; arcopi paicunapaj ruraj ushajcuna carca, cimitarracunapi, jachacunapipash. Paicunamanda taucacuna na imatapash micuj carca ashtahuangari chahua aichatalla; catilla mascanajurca ñucanchita tucuchingapa.

21 Yalishca jipa Nefipaj llactapuracuna pambata tarpurca, tucui laya muyucuna viñarca, fucushcacunapash, tandanajushca jihua micuj huagracuna, chivocuna, sacha chivocuna tauca caballocunapash.

22 Taucapacha achil villachijcuna ñucanchipapi tiarca. Llactapuracuna na cazuj runacuna carca, shinlli yuyaipi chasquingapa.

23 Nimapash na tiarcachu ashtahuangari ninanbacha shinlliyaicuna, yachachicuna, achil villachicunapash macanajuicunamanda, plituricunamandapash, tucuchicunapash, paicunata catilla huañuimanda yarichicuna, mashna mana tucurina canata, ricushpa chasquichinacunapash, Diospaj ushaipash, tucui cai cuzascunapash—paicunata catilla tangaj shina alichirichun Apunchijpaj manllaipi. Ñuca nircani nimapash, cai cuzascunalla ashtaca na pandanalla parlaipi, alichi ushanga, ama ñapash tucurinaman urai richun. Cashna laya ñuca quilcani paicunamanda.

24 Ñuca ricurcani macanajuicunata Nefitacuna Lamanitacunahuan ñuca causai punllacunapi.

25 Yalishca jipa ña rucuyai callarircani, patsaj canchischunga iscun huatacuna yalishca carca imaura ñucanchi taita Lehi Jerusalénda saquishcamanda.

26 Ñuca ricurcani ñalla pambarina pushtuman urai rina cajta, Diospaj ushaihuan tangachishca cani yachachingapa achil villachingapa cai llactapuracunaman, shimita villana ciertopachata imami Cristopi can. Ñuca villashcani tucui ñuca causai punllacunapi, caipi ashtahuan cushijushcani cai pachamandapash yalishpa.

27 Ñuca ña rini ñuca samana pushtuman, cai can ñuca Jatun Causachijhuan; ñuca yachanimi paipi ñuca samasha. Cushijunipash punllapi imaura ñuca huañuna na huañunata churajujpi, paipaj ñaupapipash shayarisha; jipaman ricusha paipaj ñavita sumaj caihuan, pai nihuanga: Ñucapaman shamui, can achilyachishca cangui, canman shuj pushtu alichishca tian ñuca taitapaj mansióncunapi. Shinacapashcachun.