Aarónpaj, Mulokipaj, paicunapaj huauquicuna, Lamanitacunaman yachachishcacunata shuj tandachishpa quilcashca.
21 capítulomanda 26 capítulocaman charin.
21 Capítulo
Aarón Amalekitacunata Cristomanda, shujpa juchamanda huañushcamandapash yachachin—Aarón paipaj huauquicuna Middonipi cárcelai tucushca can—paicunapaj cacharichishca jipa, tandanajuna huasicunapi yachachin taucacuna crin—Lamoni religiónpaj libertadta saquin Ismaelpaj alpacunapi llactapuracunaman. Nara 90–77 C.Ñ.
1 Cunan imaura Ammón paipaj huauquicunahuan paipuracuna shicanyarishpa Lamanitacunapaj alpapaj manñacunapi, riqui Aarón rirca shuj alpa ima Lamanitacuna shutichishca carca, Jerusalén, paicunapaj taitacunapaj nacirishca alpamanda shina shutichirca; caimi Mormónpaj manñacunamanda carulla carca.
2 Cunan Lamanitacuna, Amalekitacunapash, Amulónpaj llactapuracunapash shuj jatun llactata shayachirca, maijan Jerusalénda shutichishca carca.
3 Cunan Lamanitacuna paicunamandallata shinllicuna carca, ashtahuangari Amalekitacuna, Amulonitacunapash ashtahuan shinllicuna carca; chaimanda paicuna Lamanitacunapaj shungucunata shinlliyachirca, paicuna shinllicunaman tigrachun na ali ruraicunapi, paicunapaj millanayaicunapipash.
4 Yalishca jipa Aarón Jerusalén llactaman shamurca, Amalekitacunaman paicunamara yachachi callarirca. Paicunaman yachachi callarirca paicunapaj tandanajuna huasicunapi, paicuna shayachishca carca tandanajuna huasicunata Nehorcunapaj layata catishpa; Amalekitacunamanda, Amulonitacunamandapash taucacuna Nehorcunamanda carca.
5 Chaimanda, Aarón yaicujpi paicunapaj shuj tandanajuna huasiman llactapuracunaman yachachingapa, paicunaman parlajpi, riqui shayarirca shuj Amalekita paihuan fiñari callarirca, nishpa: Imata can cai quiquin testificashca? Ricushcanguichu shuj ángelta? Imashpata ángelcuna ñucanchiman na ricurimun? Riqui nachu cai llactapuracuna quiquinba llactapuracunashna alicuna?
6 Nishcanguipash, imashpapash ñucanchi arrepentirishpalla na tucurishunllu. Imashnata yachangui yuyaicunata, ñucanchipaj shungucunapaj munaicunata? Imashnata yachangui ñucanchi imamanda arrepentirinata? Imashnata yachangui ñucanchi na alita ruraj llactapuracuna cajta? Riqui, ñucanchi shayachishca canchi achil pushtucunata, ñucanchipura tandanajungapa Diosta adorangapa. Ñucanchi crinchipacha Dios quishpichinga tucui runacunata.
7 Cunan Aarón paita nirca: Cringuichu Diospaj Churi shamunga runacunata jatun causachingapa paicunapaj juchacunamanda?
8 Runaca nirca: Ñucanchi na crinchichu quiquin yachajta nima cashna cuzasta. Ñucanchi na crinchichu cai juizu illa punda ruraicunapi. Ñucanchi na crinchichu quiquin yachajta shamuna cuzascunata, na crinchipashchu quiquinba taitacuna ñucanchi taitacunapash yachashcata cai cuzascunamanda imata paicuna parlashca, ima shamunacunamanda.
9 Cunan Aarón paicunaman callarirca achil quilcashcacunata yachachingapa shamuna Cristomanda, huañushcamanda cutin causarinamandapash, runacunapaj jatun causachina na tiajpash imashpapash huañuimandalla Cristopaj llaquiricunamandapash, shujpa juchamanda paipaj yahuarta jichashcamandapash.
10 Yalishca jipa paicunaman cai cuzascunata villai callarijpi paita fiñarca, paita asishpa ricui callarirca; paicuna na uyangapa munarca parlashca shimicunata maijan pai parlarca.
11 Chaimanda, imaura pai ricushpa paipaj shimicunata na uyangapa munajta, paicunapaj tandanajuna huasicunamanda llujshirca, chayarca shuj uchilla llactaman maijan shutichishca carca Ani-Anti, chaipi Mulokita tuparca paicunaman achil shimita yachachijujta; Ammapash paipaj huauquicunapash. Paicuna taucacunahuan fiñarca achil shimicunamanda.
12 Yalishca jipa paicuna ricurca llactapuracuna paicunapaj shungucunata shinlliyachijta, chaimanda paicuna llujshirca Middonipaj alpaman chayamurca. Paicuna shimicunamanda yachachirca taucacunata, huaquinguna crirca shimicunapi imata paicuna yachachirca.
13 Shina cajpipash, Aarón huaquin paipaj huauquicunahuan japishpa cárcelpi churashca carca, paicunamanda puchushcacuna calparca Middonipaj alpaman muyundi ladolla llactacunaman.
14 Cárcelpi churashcacuna tauca cuzascunata llaqui yalirca, paicuna cacharishca carca Lamonipaj Ammónpaj mañaihuan, micuchishca, churachishcapash carca.
15 Paicuna cutin rirca achil shimita villangapa, shina paicuna cacharichishca carca cárcelmanda callaripi; shina paicuna llaquirishca carca.
16 Paicuna rinajurca Apunchijpaj Espíritu maiman pushashcaman, Diospaj achil shimita yachachishpa Amalekitacunapaj tucui tandanajuna huasicunapi, nacashpa tucui Lamanitacunapaj tandanajushcacunapi maipi paicuna saquijpi.
17 Yalishca jipa Apunchij paicunata achilyachi callarirca, shinashpa taucacunata ciertopachapaj yachaiman apamurca; ari, taucacunata crichirca paicuna juchashcacunata, paicunapaj punda taitacunapaj yachachishcacunata imami na alicuna cajtapash.
18 Yalishca jipa Ammón, Lamonipash Middonipaj alpamanda Ismaelpaj alpaman tigrarca, maijan paicunapaj chasquina alpa carca.
19 Jatun mandaj Lamoni na saquingapa munarca Ammón paita servichun, nacashpa paipaj sirvij runa cachun.
20 Ashtahuangari pai rurachirca tandanajuna huasicuna shayachishca cachun Ismaelpaj alpapi; rurachircapash paipaj llactapuracuna, nacashpa paipaj reinadopi caj llactapuracunata paipuracuna tandanajuchun.
21 Paicunamanda cushijurca, tauca cuzascunata yachachirca. Villarcapash paicuna cajta shuj llactapura picuna paipaj mandopi carca, paicuna libre llactapuracuna carca, paicuna librecuna llaquichicunamandapash carca jatun mandajpaj, paipaj taita; imashpa saquishca carca pai cai llactapuracunata reinachun maijanguna Ismaelpaj alpapi carca, tucui muyundi alpacunapipash.
22 Paicunaman villarcapash libertadta charichun Apunchij paicunapaj Diosta adorachun paicuna munashcapi, maijan pushtupi cashpapash, jatun mandaj Lamoni reinadopaj alpapi cashpaca.
23 Ammón yachachirca jatun mandaj Lamonipaj llactapuracunaman; yalishca jipa paicunaman yachachirca tucui cuzascunata ali rurai cuzascunamanda. Pai cutin yarichirca paicunata punllan punllan, tucui utsiallahuan; paicunapash paipaj shimicunata yashpapacha uyarca, paicunapash alipachacuna carca Diospaj rurachunbacha saquishcacunata alichingapa.