1 Uye zvino zvakaitika kuti Jesu akati apedza kutaura uku akatarisa kugungano, akati kwavari: Tarisai, manzwa mashoko andadzidzisa ndisati ndakwira kuna Baba vangu; naizvozvo, uyo wose acharangarira kutaura kwangu uku ^anokukuita, iyeye ^bndichamumutsa pazuva rokupedzisira.

2 Uye zvakaitika kuti apo Jesu akanga ataura mashoko iwaya akaona kuti pakati pavo pakange pane vamwe vaishamiswa, nokukahadzika kuti achaita sei ^anomutemo waMosesi; nokuti havana kunge vanzwa kuti zvakare zvakanga zvapfuura, uye kuti zvinhu zvose zvakanga zvava zvitsva.

3 Uye akati kwavari; Musashamiswa kuti ndataura kwamuri kuti zvinhu zvakare zvapfuura, uye kuti zvinhu zvose zvava zvitsva.

4 Tarisai, ndinoti kwamuri ^amutemo wakazadzikiswa uyo wakapiwa kuna Mosesi.

5 Tarisai, ^andini ndakapa murairo, ndini ndakabvumirana nevanhu vangu veIsraeri; naizvozvo, mutemo mandiri ^bwakazadzikiswa, nokuti ndakauya kuzozadzikisa mutemo; naizvozvo une magumo.

6 Tarisai, ^ahandiparadze maporofita, nokuti avo vose vasati vazadzikiswa mandiri, zvirokwazvo ndinoti kwamuri, vose vachazadzikiswa.

7 Uye nokuti ndati kwamuri zvinhu zvakare zvapfuura, handingaparadze izvo zvakataurwa pamusoro pezvinhu zvichauya.

8 Nokuti tarisai, ^achibvumirano chandakaita nevanhu vangu hachisati chazadzikiswa chose; asi mutemo uyo wakapiwa kuna Mosesi une magumo mandiri.

9 Tarisai, ndiri ^amutemo, ^bnechiedza. Tarisai kwandiri, mushingirire kusvikira kumagumo, ^cmuchararama; nokuti kune uyo ^dachashingirira kusvika kumagumo ndichapa upenyu hwokusingaperi.

10 Tarisai, ndakakupai ^amirairo; naizvozvo chengetai mirairo yangu. Uye ndiwo murairo nemaporofita, nokuti zvechokwadi ^bvanopupura pamusana pangu.

11 Uye zvino zvakaitika kuti Jesu akati ataura mazwi aya, akati kune gumi nevaviri vaye vaakanga asarudza:

12 Muri vadzidzi vangu; uye muri chiedza kuvanhu ava, vakasara vechizvarwa chemba ^ayaJosefa.

13 Uye tarisai, iyi ^ainyika yenhaka yenyu; Baba vakaipa kwamuri.

14 Uye hakuna imwe nguva apo Baba vakandipa mirairo yokuti ^anditaure izvi kuhama dzenyu muJerusarema.

15 Kana imwe nguva apo Baba vakandipa mirairo yokuti nditaure maererano ^anamamwe marudzi emba yaIsraeri, ayo akatungamirirwa naBaba kubva munyika iyoyo.

16 Izvi ndizvo zvandakarairwa chete naBaba, kuti nditaure kwavari:

17 Kuti ndine mamwe makwai asiri edanga rino; iwayo ndinofanira kuuya nawoo, achanzwa izwi rangu; uye richazova danga rimwechete, ^anomufudzi mumwechete.

18 Uye zvino, nenzira yokuoma mitsipa nokusatenda kwavo havana ^akunzwisisa shoko rangu; naizvozvo ndakarairwa naBaba kuti ndisataure zvakare pamusana pechinhu ichi kwavari.

19 Asi zvirokwazvo, ndinoti kwamuri Baba vakandiraira ini, uye ndinokutaurirai, kuti makapatsanurwa kubva kwavari nokuda kwokusarurama kwavo; naizvozvo inzira yokusarurama kwavo inoita kuti vasakuzivei.

20 Uye zvirokwazvo, ndinoti kwamuri zvakare mamwe marudzi Baba vakapatsanura kubva kwavari; uye inzira yokusarurama kwavo kuti vasavazive.

21 Uye zvirokwazvo ndinoti kwamuri, ndimi avo vandakataura ndichiti: Ndina ^amamwe makwai asati ari edanga rino, iwo zvekare ndinofanira kuuya nawo, uye achanzwa izwi rangu, rikazova danga rimwechete, nomufudzi mumwechete.

22 Uye havana kundinzwisisa, nokuti vaifungidzira kuti ndaireva ^amaJentairi; nokuti havainzwisisa kuti maJentairi vaifanira ^bkudzorwa nokuparidza kwavo.

23 Uye havana kundinzwisisa kuti ndakati vachanzwa izwi rangu; havana kundinzwisisa zvakare zvandakati ^amaJentairi haafanire kuti nerimwe zuva vanzwe izwi rangu—nokuti handaifanira kuzviratidza kwavari kunze kwokunge zvaitwa neMweya ^bMutsvene.

24 Asi tarisai, mose manzwa izwi ^arangu, mukandiona; uye muri makwai angu, makaverengerwa pakati peavo ^bvandakapiwa naBaba.