1 Manje mina, Nefi, ngeke ngikwazi ukuzibhala zonke izinto ezafundiswa phakathi kwabantu bami; futhi angiyona ^aingcweti ekubhaleni, njengasekukhulumeni; ngokuba uma umuntu ^bekhuluma ngamandla kaMoya oyiNgcwele amandla kaMoya oyiNgcwele akuthwala lokho akuyise ezinhliziyweni zabantwana babantu.

2 Kepha bhekani, kukhona abaningi ^aabaqinisa izinhliziyo zabo ngokumelene noMoya oyiNgcwele, ukuze ungabi nandawo kubo; ngalokho-ke, balahla izinto eziningi ezibhaliwe futhi bazithathe njengezinto eziyize.

3 Kepha mina, Nefi, ngikubhalile lokho engikubhalile, futhi ngikuthatha njengento ^aebaluleke kakhulu, futhi ikakhulukazi kubantu bami. Ngokuba ^bngibathandazela njalo emini, futhi amehlo ami amanzisa umcamelo wami ebusuku, ngenxa yabo; futhi ngiyakhala kuNkulunkulu wami ngokukholwa, futhi ngiyazi ukuthi uyokuzwa ukukhala kwami.

4 Futhi ngiyazi ukuthi iNkosi uNkulunkulu iyoyingcwelisa imikhuleko yami ukuze kuzuze abantu bami. Futhi amazwi engiwabhalile ebuthakathakeni ayokwenziwa ^aaqine kubo; ngokuba ^babavumisa ukuthi benze okuhle; abazisa ngoyise; futhi akhuluma ngoJesu, futhi abavumisa ukuthi bakholwe kuye, futhi babekezele kuze kube sekugcineni, okungukuphila ^cokuphakade.

5 Futhi akhuluma ^akakhulu ngokumelene nesono, njengokuba ^bsobala kweqiniso; ngalokho-ke, akekho umuntu oyowathukuthelela amazwi engiwabhalile ngaphandle kokuthi enomoya kadeveli.

6 Ngiyathokoza ngokusobala; ngiyathokoza ngeqiniso; ngiyathokoza ngoJesu wami, ngokuba ^auwukhululile umphefumulo wami esihogweni.

7 ^aNginesihe ngabantu bami, kanye nokholo olukhulu kuKristu ukuthi ngiyohlangana neminingi imiphefumulo engenasici esihlalweni sakhe sokwahlulela.

8 Nginesihe ^angomJuda—ngithi umJuda, ngokuba ngiqonde wona lapho ngavela khona.

9 Phezu kwalokho nginesihe ^angabeZizwe. Kepha bheka, akukho engikufisayo ngalaba ngaphandle kokuthi ^bbabuyisane noKristu, futhi bangene ^cesangweni elincane, futhi ^dbahambe ^eendleleni engumngcingo eholela ekuphileni, futhi baqhubeke kuleyo ndlela kuze kuphele usuku lokuvivinywa.

10 Manje, bafowethu abathandekayo, futhi ngokunjalo nomJuda, kanye nani nonke mikhawulo yomhlaba, walaleleni lamazwi futhi ^anikholwe kuKristu; futhi uma ningakholwa kulamazwi kholwani kuKristu. Futhi uma niyokholwa kuKristu niyokholwa ^bkulamazwi, ngokuba ^cangamazwi kaKristu, futhi unginike wona; futhi ^dafundisa bonke abantu ukuthi benze okuhle.

11 Futhi uma engewona amazwi kaKristu, yahlulelani—ngokuba uKristu uyonikhombisa, ^angamandla kanye nangenkazimulo enkulu, ukuthi angamazwi akhe, ngosuku lokugcina; futhi wena nami siyoma ubuso nobuso phambi ^bkwesihlalo sakhe; futhi niyokwazi ukuthi ngiyalwe nguye ukuthi ngizibhale lezi zinto, naphezu kobuthakathaka bami.

12 Futhi ngiyathandaza kuBaba egameni likaKristu ukuthi abaningi bethu, uma kungethina sonke, basindiswe ^aembusweni wakhe ngalolo suku olukhulu nolokugcina.

13 Manje, bafowethu abathandekayo, bonke labo okungabendlu ka-Israyeli, kanye nani nonke mikhawulo yomhlaba, ngikhuluma kini njengezwi lalowo ^aokhala othulini: Salani kahle kuze kube lolo suku olukhulu luyafika.

14 Futhi nina eningenakuhlanganyela ebuhleni bukaNkulunkulu, futhi nihloniphe ^aamazwi amaJuda, futhi ngokunjalo ^bnamazwi ami, kanye namazwi ayophuma emlonyeni weMvana kaNkulunkulu, bhekani, ngivalelisa ukuvalelisa kwaphakade, ngokuba lamazwi ^cayonilahla ngecala ngosuku lokugcina.

15 Ngokuba lokho engikubopha emhlabeni, kuyobekwa obala ngokumelene nani ^aesihlalweni sokwahlulela; ngokuba iNkosi ingiyale kanjalo futhi kufanele ngilalele. Amen.