1 Futhi ngalolo suku, abesifazane abayisikhombisa bayobamba indoda eyodwa, bethi: Sizokudla isinkwa sethu, futhi sembathe izingubo zethu; kuphela sivumele sibizwe ngegama lakho ukuze ususe ^aihlazo kithi.

2 Ngalolo suku ^aigatsha leNkosi liyoba lihle futhi likhazimule; isithelo somhlaba siyoba sihle kakhulu futhi sibukeke kulabo abaphunyuka bakwa-Israyeli.

3 Futhi kuyokwenzeka ukuthi, labo abashiyiwe eSiyoni futhi basala eJerusalema bayobizwa ngokuthi bangcwele, bonke labo ababhaliwe phakathi kwabaphilayo eJerusalema—

4 ^aLapho iNkosi ^bisikugezile ukungcola kwamadodakazi eSiyoni, futhi nalapho isilihlanzile igazi laseJerusalema phakathi kwayo ngomoya wokwahlulela kanye nangomoya ^cwokushisa.

5 Futhi iNkosi iyodala phezu kwayo yonke indawo yokuhlala yentaba yaseSiyoni, futhi naphezu kwemihlangano yayo; ^aifu kanye nomusi emini kanye nokukhanya kwelangabi lomlilo ebusuku; ngokuba ngaphezu kwayo yonke inkazimulo yaseSiyoni kuyoba khona ukuvikelwa.

6 Futhi kuyoba khona idokodo lomthunzi emini ekushiseni, futhi libe yindawo ^ayesiphephelo, kanye nenqaba kuzo izivunguvungu kanye nakuyo imvula.