1 Amazwi kaJakobe, umfowabo kaNefi, awakhuluma kubantu baNefi:

2 Bhekani, bafowethu abathandekayo, mina, Jakobe, ngibizwe nguNkulunkulu, futhi ngigcotshwe ngendlela yohlelo lwakhe olungcwele, futhi ngingcweliswe ngumfowethu uNefi, enimbuka ^anjengenkosi noma umvikeli, futhi enincike kuye ukuthi aniphephise, bhekani niyazi ukuthi ngikhulume kini izinto eziningi kakhulu.

3 Nokho, ngikhuluma kini futhi; ngokuba nginesifiso sokuba kuzuze imiphefumulo yenu. Yebo, intshisekelo yami inkulu ngani; futhi nani uqobo lwenu niyakwazi ukuthi selokhu kwaba njalo. Ngokuba nginincengile ngayo yonke inkuthalo; futhi nginifundisile amazwi kababa; futhi ngikhulumile kini mayelana nazo zonke izinto ezibhaliwe, kusukela ekudalweni komhlaba.

4 Manje, bhekani, ngizokhuluma kini mayelana nezinto ezikhona, kanye nalezo eziyokwenzeka; ngalokho-ke, ngizonifundela amazwi ^aka-Isaya. Futhi lawo ngamazwi umfowethu afisa ukuthi ngiwakhulume kini. Futhi ngiwakhuluma kini ngenxa yenu, ukuze nifunde futhi nidumise igama likaNkulunkulu wenu.

5 Manje, amazwi engizowafunda yiwo lawo u-Isaya awakhuluma mayelana nayo yonke indlu ka-Israyeli; ngalokho-ke, ningawabhekisa kini, ngokuba ningabendlu ka-Israyeli. Futhi ziningi izinto ezakhulunywa ngu-Isaya ezingabhekiswa kini, ngenxa yokuthi ningabendlu ka-Israyeli.

6 Manje, yilawa amazwi; ^aIsho kanje iNkosi uNkulunkulu: Bheka, ngiyophakamisa isandla sami kubo abeZizwe, futhi ngimise ^bisibonakaliso sami kubantu; futhi bayoletha amadodana akho ezingalweni zabo, kanye namadodakazi akho bayowatshatha emahlombe abo.

7 Amakhosi ayoba ngoyihlo abakondlayo, nezindlovukazi zabo ngomama bakho abakondlayo; bayokukhothamela ubuso babo bubheke phansi, futhi bakhothe uthuli lwezinyawo zakho; futhi uyokwazi ukuthi ngiyiNkosi; ngokuba abayikujabha ^alabo abangilindayo.

8 Manje mina, Jakobe, ngizokhuluma mayelana nalokho okuphathelene nalamazwi. Ngokuba bheka, iNkosi ingikhombisile ukuthi labo ^aababeseJerusalema, lapho saphuma khona, babulewe futhi ^bbathwalwa bathunjwa.

9 Nokho, iNkosi ingikhombisile ukuthi bayophinda ^ababuye. Futhi phezu kwalokho ingikhombisile ukuthi iNkosi uNkulunkulu, oNgcwele ka-Israyeli, uyozibonakalisa kubo esenyameni; futhi emva kokuthi isizibonakalisile bayoyishaya futhi ^bbayibethele, njengokwamazwi engelosi eyawakhuluma kimi.

10 Futhi emva kokuthi sebezenze lukhuni izinhliziyo zabo futhi baziqinisa izintamo zabo ngokumelene noNgcwele ka-Israyeli, bheka, ^aizahlulelo zoNgcwele ka-Israyeli ziyokuza phezu kwabo. Futhi usuku luyeza lapho beyoshaywa futhi bahlushwe.

11 Ngalokho-ke, emva kokuthi sebebalekisiwe bayiswa emuva naphambili, ngokuba isho kanje ingelosi, abaningi bayozwa ubuhlungu enyameni, futhi abayikuyekelwa ukuthi babhujiswe, ngenxa yemithandazo yabathembekile; bayohlakazwa, futhi bashaywe, futhi bazondwe, nokho, iNkosi iyokuba nesihawu kubo, kuthi ^auma bethola ^bulwazi ngoMkhululi wabo, bayophinda ^cbaqoqelwe ndawonye emazweni ayifa labo.

12 Futhi babusisiwe ^aabeZizwe, labo umphrofethi abhale ngabo; ngokuba bheka, uma kungukuthi bayophenduka futhi bangalwi neSiyoni, futhi bangazihlanganisi nalelo ^bbandla elikhulu nelinengekile, bayosindiswa; ngokuba iNkosi uNkulunkulu iyozigcwalisa ^cizivumelwano eyazenza kubantwana bayo; futhi ngalesi sizathu umphrofethi wazibhala lezi zinto.

13 Ngalokho-ke, labo abalwa neSiyoni kanye nabantu besivumelwano beNkosi bayokhotha uthuli lwezinyawo zabo; futhi abantu beNkosi abayikuba ^anamahloni. Ngokuba abantu beNkosi yibo labo ^babayilindayo; ngokuba basakulindile ukuza kukaMesiya.

14 Futhi bheka, ngokwamazwi omphrofethi, uMesiya uyophinda aziveze ^aokwesibili ukuze ababuyise; ngalokho-ke, ^buyoziveza kubo ngamandla kanye nangenkazimulo enkulu, kangangoba izitha zabo ^cziyobhujiswa, uma lolo suku lufika lapho beyokholwa kuye; futhi akukho namunye oyobhujiswa okholwa kuye.

15 Futhi labo abangakholwa kuye ^abayobhujiswa, ^bngomlilo, kanye nangesivunguvungu, nangokuzamazama komhlaba, nangokuchitheka kwegazi, ^cnangomashaya bhuqe, kanye nangendlala. Futhi bayokwazi ukuthi iNkosi inguNkulunkulu, oNgcwele ka-Israyeli.

16 ^aNgokuba kungani impango ingasuswa kubo abanamandla, noma ^babathunjwe ngokomthetho bakhululwe na?

17 Kepha isho kanje iNkosi: Ngisho ^anabathunjwa balabo abanamandla bayosuswa, futhi nempango yalabo abesabekayo iyokhululwa; ngokuba ^buNkulunkulu onaMandla ^cuyobakhulula abantu bakhe besivumelwano. Ngokuba isho kanje iNkosi: Ngiyophikisana nabo labo abaphikisana nawe—

18 Futhi ngiyodlisa labo abakucindezelayo, inyama yabo uqobo; futhi bayodakwa yigazi labo uqobo njenganewayini elimtoti; futhi yonke inyama iyokwazi ukuthi mina Nkosi ngingumSindisi wakho kanye ^anoMkhululi wakho, ^bonaMandla kaJakobe.