1 Manje, bhekani, bafowethu, sengikhulumile kini, njengokuba uMoya ungiphoqile; ngalokho-ke, ngiyazi ukuthi lokhu kufanele ngempela kwenzeke.

2 Futhi izinto eziyobhalwa kuleyo ^ancwadi ziyoba ^bngeziyigugu elikhulu kubantwana babantu, futhi ikakhulukazi kuyo inzalo yethu, eyinsalela yendlu ka-Israyeli.

3 Ngokuba kuyokwenzeka ngalolo suku ukuthi ^aamabandla akhiwe, kodwa hhayi eNkosini, lapho omunye eyothi komunye: Bheka, mina, yimi engingoweNkosi; futhi abanye bayothi: Mina, yimi engingoweNkosi; futhi wonke umuntu uyokusho kanjalo owakhe amabandla, kepha hhayi eNkosini—

4 Futhi ayobanga elinye nelinye; futhi abaphristi bawo bayobanga omunye nomunye, futhi bayofundisa ^angokwemfundo yabo, futhi bawuphike uMoya oyiNgcwele, okuyiwona onikeza ukukhuluma.

5 Futhi ^abaphika ^bamandla kaNkulunkulu, oNgcwele ka-Israyeli; futhi bathi kubantu: Lalelani thina, nizwe umyalelo wethu; ngokuba bhekani ^cakekho uNkulunkulu namuhla, ngokuba iNkosi noMkhululi isiwenzile umsebenzi wayo, futhi isinikeze amandla ayo kubantu;

6 Bhekani, lalelani umyalelo wami; uma beyokuthi kukhona isimangaliso esenzekile ngesandla seNkosi, ningakukholwa lokho; ngokuba ngalolusuku akayena uNkulunkulu ^awezimangaliso; usewenzile umsebenzi wakhe.

7 Yebo, futhi kuyoba khona abaningi abayothi: ^aDlana, phuza, futhi ujabule, ngokuba kusasa sizofa; futhi kuyo kuba kuhle kithi.

8 Futhi phezu kwalokho kuyoba khona abaningi abayothi: Dlana, phuza, futhi ujabule; nokho, mesabe uNkulunkulu—^aakayikukubeka cala ekwenzeni isono esincane; yebo, ^bqamba amanga kancane, sizakala ngomunye ngenxa yamazwi akhe, mbela umakhelwane wakho ^cumgodi; akukho bungozi kulokhu; futhi yenza zonke lezi zinto, ngokuba kusasa sizofa; futhi uma kungukuthi sinecala, uNkulunkulu uyosishaya ngemivimbo embalwa, ekugcineni siyosindiswa embusweni kaNkulunkulu.

9 Yebo, futhi kuyoba khona abaningi abayofundisa ngalendlela, amanga kanye nangeze kanye ^anezimfundiso ^beziwubuwula, bayokhukhumala ezinhliziyweni zabo, bafune ngokujula ukufihla amasu abo eNkosini; futhi imisebenzi yabo iyoba sebumnyameni.

10 Futhi ^aigazi labangcwele liyokhala emhlabathini ngokumelene nabo.

11 Yebo, bonke baphambukile ^aendleleni; bangenwe ^byinkohlakalo.

12 Ngenxa ^ayokuziqhenya, nangenxa yabafundisi bamanga, nemfundiso yamanga, amabandla abo angenwe yinkohlakalo, futhi amabandla abo aphakeme; ngenxa yokuziqhenya bakhukhumele.

13 ^aBaphanga ^babampofu ngenxa yezindlu zabo ezingcwele ezinhle; baphanga abampofu ngenxa yezingubo zabo ezinhle; futhi bahlupha abamnene nabampofu ngenhliziyo, ngoba ^cekuziqhenyeni kwabo bakhukhumele.

14 Bagqoka ^aizintamo ezilukhuni kanye namakhanda aphakeme; yebo, futhi ngenxa yokuziqhenya, nobubi, nezinengiso, nobufebe, bonke ^bbadukile ngaphandle kwabayingcosana, abangabalandeli baKristu abathobekile; nokho, bayaholwa, kuze kuthi ngezikhathi eziningi baphambuke ngenxa yokuthi bafundiswa ngemiyalo yabantu.

15 O ^aabahlakaniphileyo, nabafundile, kanye nabacebile, abakhukhumele ^bekuziqhenyeni kwezinhliziyo zabo, kanye nabo bonke labo abashumayela izimfundiso zamanga, nabo bonke labo abenza ubufebe, futhi baphendukezele indlela eqondile yeNkosi, ^cmaye, maye, maye kubo, kusho iNkosi uNkulunkulu uSomandla, ngokuba bayophonswa phansi esihogweni!

16 Maye kubo labo ^aababuyisela eceleni abalungile njengento engelutho futhi bahlambalaze lokho okuhle, futhi nabathi kuyinto engenamsebenzi! Ngokuba usuku luyeza lapho iNkosi uNkulunkulu masinyane iyobahambela abantu basemhlabeni; futhi ngalolo suku lapho ^bsebevuthwe ngokugcwele ebubini obukhulu bayofa.

17 Kepha bheka, uma abantu basemhlabeni bengaphenduka ebubini babo nasezinengisweni abayikubhujiswa, kusho iNkosi yamaBandla.

18 Kepha bheka, lelo bandla elikhulu nelinengekile, ^aisifebe somhlaba wonke, kufanele ^bliwele emhlabeni, futhi kuyoba kukhulu ukuwa kwalo.

19 Ngokuba umbuso kadeveli kufanele ^auzanyazanyiswe, futhi labo abangabawo kufanele ukuthi baphehlelwe ekuphendukeni, noma ^budeveli uzobabamba ^cngamaketanga akhe aphakade, futhi baphehlelwe entukuthelweni futhi balahleke ngokomoya;

20 Ngokuba bheka, ngalolo suku ^auyodlanga ezinhliziyweni zabantwana babantu, futhi abaphehle ukuze bathukuthelele lokho okuhle.

21 Futhi abanye ^auyobathulisa, futhi elokhu ebakhohlisa ukuthi balondeke ngokwasenyameni, ukuze bathi: Konke kulungile eSiyoni; yebo, iSiyoni iyaphumelela, konke kuhle—futhi ngaleyo ndlela ^budeveli uyoyilutha imiphefumulo yabo, futhi abahole ngobuqili abayise phansi esihogweni.

22 Futhi bheka, abanye uyabakhohlisa, futhi abatshele ukuthi asikho ^aisihogo; futhi uthi kubo: Mina angisiye udeveli, ngokuba akekho—futhi ubanyenyezela kanje ezindlebeni zabo, aze ababambe ^bngamaketanga akhe asabekayo, abayise lapho kungasekho khona ukukhululwa.

23 Yebo, babanjwa ngokufa, kanye nangesihogo; futhi ukufa, kanye nesihogo, kanye nodeveli, futhi bonke labo ababanjwe ngazo lezi zinto kumele bame phambi kwesihlalo sobukhosi sikaNkulunkulu, futhi ^abahlulelwe ngokwemisebenzi yabo, ukusuka lapho sekufanele baye endaweni elungiselelwe bona, ngisho ^bichibi lomlilo kanye nesibabuli, okuwukuhlupheka okungenakuphela.

24 Ngakho-ke, maye kulowo okhululekile eSiyoni!

25 Maye kulowo omemeza ethi: Konke kulungile!

26 Yebo, maye kulowo ^aolalela imiyalelo yabantu, futhi aphike amandla kaNkulunkulu, nesipho sikaMoya oyiNgcwele!

27 Yebo, maye kulowo othi: Sesithole okwanele, futhi ^aasisakudingi okunye!

28 Futhi ukuphetha, maye kubo bonke labo abathuthumelayo, futhi ^aabathukuthele ngenxa yeqiniso likaNkulunkulu! Ngokuba bheka, lowo owakhe phezu ^bkwedwala ulemukela ngokuthokoza; futhi lowo owakhe phezu kwesisekelo esiyisihlabathi uyathuthumela funa awe.

29 Maye kulowo oyokuthi: Sesilitholile izwi likaNkulunkulu, futhi ^aasisalidingi ^belinye izwi likaNkulunkulu, ngokuba sanele!

30 Ngokuba bheka, isho kanje iNkosi uNkulunkulu: Ngiyobanika abantwana babantu umugqa phezu komunye umugqa, ^aumyalelo phezu komunye umyalelo, ingcosana lapha nengcosana laphaya; futhi babusisiwe labo abalalela imiyalelo yami, futhi baboleke indlebe ekuqondiseni kwami, ngokuba bayofunda ^bukuhlakanipha; ngokuba kulowo ^comukelayo ngiyomnika ^dokunye; futhi kulabo abayothi, Sesanele, kubo kuyothathwa ngisho nalokho abanakho.

31 Uqalekisiwe lowo obeka ^aithemba lakhe kumuntu, noma enze inyama ibe yingalo yakhe, noma olalela imiyalelo yabantu, ngaphandle uma imiyalelo yabo inikwa ngamandla kaMoya oyiNgcwele.

32 ^aMaye kubo abeZizwe, kusho iNkosi uNkulunkulu wamaBandla! Ngokuba naphezu kokuba ingalo yami ngiyoyelulela kubo usuku nosuku, bayongiphika; nokho, ngiyokuba nesihawu kubo, kusho iNkosi uNkulunkulu, uma beyophenduka futhi beze kimi; ngokuba ^bingalo yami yeluliwe lonke usuku, kusho iNkosi uNkulunkulu wamaBandla.