1 I awor ami, Moroni, a skirbi e palabranan kual a wòrdu mandá n’ami, segun mi memoria; i mi a bisa boso e kosnan ku mi a seya; p’esei no mishi ku nan ku e fin pa tradusí nan; pasobra esei ta prohibí pa boso, eksepto ku den futuro Dios lo husga esaki prudente.

2 I mira, kisas lo bo por tin e privilegio di mustra e planchanan na esnan ku lo yuda pa saka e obra aki dilanti;

3 I pa e poder di Dios nan lo wòrdu mustrá na tres; pues nan lo sa ku siguransa ku e kosnan aki ta bèrdat.

4 I for di e boka di tres testigu lo establesé e kosnan aki; i e testimonio di tres, i e obra aki, den kual lo mustra e poder di Dios i tambe su palabra, di kual e Tata, i e Yu, i e Spiritu Santu ta duna testimonio—i tur esaki lo para komo un testimonio kontra e mundu na e último dia.

5 I si t’asina ku nan arepentí i bini na e Tata den nòmber di Hesus, nan lo wòrdu risibí den e reino di Dios.

6 I awor, si mi no tin outoridat pa e kosnan aki, bosnan husga; pasobra boso lo sa ku ami tin outoridat ora ku boso lo mira mi, i nos lo para dilanti Dios na e último dia. Amèn.