Lewena
iVurevure
Eso na itukutuku era tiko ena ivola oqo era kau mai na nodra vosa na tamata era volai toka e ra.
Na Bible Dictionary ena iVolatabu Levu ni Yalododonu Edaidai ( KJV) ni (1979)
James E. Talmage, Jisu na Karisito, iKatolu ni Tabaki (1916)
iVakavuvuli ni Parofita o Josefa Simici, digia o Joseph Fielding Smith [1976], 365).
Kivua e Wilika
Na iTukuni ena Veiyalayalati Vou a volai vakatabakidua sara ga baleti iko. Na italanoa kece oqo era kau mai na dua na ivola e vakalou. Ni o wilika na italanoa kece oqo, mo kila tiko ni sa tukuni ira dina tiko na tamata era a bula ena dua na gauna makawa
Wilika vakawasoma na italanoa kece oqo me yacova ni sa matata vinaka vei iko. O na vinakata mo wilika mai ena iVolatabu. Ena ruku ni iyaloyalo, o na raica kina na tikinivola ka na wiliki kina na italanoa oqo mai na iVolatabu se na ivola tale eso. Me veivuke vei iko o tamamu, tinamu, qasenivuli, se dua na nomu itokani mo raica rawa na italanoa ena ivolanikalou.
Kevaka o sega ni kila e dua na vosa, mo qai raica ena “Vosa me Kilai”ena daku ni ivola oqo. Kevaka o gadreva mo kila vakavinaka e dua na vanua, raica ena wase “Vanua me Kilai” Kevaka o sega ni kila e dua na tamata, raica ena wase “Tamata me Kilai.” E tiko talega ena ivola oqo e dua na wase era tiko kina na iyaloyalo ni Vanua Tabu kei na veitaravi ni gauna ni Veiyalayalati Vou.
Kivei Ira na iTubutubu kei na Qasenivuli
Na ivola oqo ena vukei iko mo vakavulica vakavinaka na ivolanikalou. Vakayagataka na wase “Vosa me Kilai,” “Vanua me Kilai,” kei na “Tamata me Kilai” me vukei ira na gone me ra kila vakavinaka na vosa, tamata, kei na veivanua ena ivola oqo. Na veivuke tale eso ena ivola oqo o ya na mape, itaba, kei na veitaravi ni gauna.
Ni o veivakavulici, mo wasea na nomu ivakadinadina baleta na iVolatabu. Vakayaloqaqataki ira o vakavulica me ra masulaka ka vakasaqara vagumatua na nodra ivakadinadina ni ivolanikalou kei na iVakabula, o Jisu Karisito. Ena tubu vakalevu sara na nodra kila vakavinaka o ira o vakavulica ni ko wilika vei ira na nodra italanoa talei mai na iVolatabu sara ga.