Wase 16
Na Luve ni iLiuliu
E dua na turaga iliuliu kai Jiu sa tauvimate bibi na luvena tagane. Era nanuma kece na tamata ni sa na mate na luvena tagane.
Sa biuta mai vale na luvena na iliuliu oqo ka lako yani vakayawa ki na korolevu o Kena. Sa kunei Jisu mai kea.
Sa kerea vua na iVakabula na turaga oqo me gole yani me laki vakabulai luvena tagane. Sa qai kaya vua o Jisu ni sa na bula na luvena tagane. Sa vakabauti Jisu na turaga oqo, ka sa lesu tale ki vale.
Era sa cici mai na nona tamata me ra tavaki koya. Era sa tukuna vua ni sa daumaka na luvena tagane ka sa na bula. A taroga sara se gauna cava sa daumaka kina na luvena. Era sa tukuna vua. Sai koya na gauna vata ga a kaya kina o Jisu ni sa na bula.
Sa kila kina na turaga oqo ni sa vakabulai luvena o Jisu Karisito. O koya kei na nona matavuvale kece eratou sa vakabauta na iVakabula.