Wase 35
Na Kai Samaria Dauloloma
E tukuna o Jisu e levu na italanoa, se vosa vakatautauvata, me vukei ira na tamata me ra vulica na dina.
Ena dua na siga a tarogi Jisu e dua na iliuliu ni Jiu ena veika me cakava me rawata kina na bula tawamudu. A tarogi koya na iVakabula na cava e tukuna tiko na ivolanikalou. A kaya mai na iliuliu ni dodonu vua e dua na tamata me lomana na Kalou ka lomana talega na wekana. A kaya o Jisu vua ni dina o koya. A qai taroga o iliuliu oqo, “Ko cei na kai noqu?”
A sauma o Jisu ena dua na italanoa. Ena dua na siga a lako tiko e dua na tagane e gaunisala ki na korolevu o Jeriko. Era a qai butakoca ka mokuti koya eso na tamata ca. Era sa qai biuti koya tu e sala, me mate kina.
Vakalailai ga sa gole mai e dua na bete Jiu ka raica na tagane oqo. Sa lako vakatikitiki sara ena sala na bete oqo. A sega ni vukea na tagane oqo.
E dua tale na tagane kai Jiu e cakacaka e valetabu a lako talega mai. Sa raica ni sa mavoa tu na tagane oqo. Ia a sega talega ni vukei koya ka lako talega vakatikitiki ena sala.
Sa qai lako mai e dua na kai Samaria. O ira na Jiu kei ira na kai Samaria era sega ni dau veivinakati. Ia ni sa raica na tagane na kai Samaria, sa lomani koya dina sara. Sa qai vauca na nona mavoa ka vakaisulutaki koya.
Luke 10:33–34; Joni 4:9; Bible Dictionary, “Samaritans.” 768
Sa kauta na tagane na kai Samaria ki na dua na bure ka qaravi koya kina me yacova na siga e tarava. Ni sa vakarau lako na kai Samaria, sa solia eso na ilavo vua na itaukei ni bure me qaravi kina na tagane.
Ni sa talanoa oti o Jisu, sa taroga vua na iliuliu ni Jiu o cei vei iratou oqo e wekana dina na tagane sa mavoa.
A kaya na iliuliu ni o koya na kai Samaria baleta ni a vukea na tagane sa mavoa. E tukuna o Jisu vua na iliuliu ni Jiu me bula vakataka na kai Samaria.