Wase 1
Ilisapeci kei Sakaraia
Erau kai Jiu o Sakaraia kei Ilisapeci na watina, ka rau vakaitikotiko e Jerusalemi. Rau a vakamuria na ivakaro ni Kalou. E vuqa na yabaki na nodrau a masulaka tu mai me dua na luvedrau. Ni rau sa qase sara, e se bera ga ni rau vakaluveni.
O Sakaraia e dua na bete ni valetabu. Ena dua na siga a rairai mai vua e dua na agilosi na yacana o Keperieli. A kaya kina o Keperieli ni sa na sauma na Kalou na nodrau masu o Sakaraia kei Ilisapeci. Sa na yaco me dua na luvedrau. A kaya o Keperieli me rau na vakayacani koya ko Joni.
A kaya o Keperieli ni na yaco o Joni me dua na parofita ivalavala dodonu ni Kalou. Ena vakavulici ira na tamata me baleti Jisu Karisito.
E sega ni vakabauta na agilosi o Sakaraia. Sa qase sara o Ilisapeci ka sa sega ni rawa me vakaluveni. A kaya kina o Keperieli ni baleta ga ni sa sega ni vakabauta o Sakaraia na ka sa yalataka na Kalou, ena galu tiko o Sakaraia me yacova ni sa sucu o Joni.