Wase 13
O Jisu kei na Nona Vale na Tamana Vakalomalagi
Sa lako o Jisu ki na valetabu e Jerusalemi. Era sa tu e kea e vuqa na tamata me ra vakacabo isoro ena nodra vakamatea e dua na manumanu ka vakama ena icabocabo ni isoro. Na vakacabo isoro oqo e vukea na nodra nanuma na tamata baleta na iVakabula, ni na solia na Nona bula me vakararawataki ka mate ena vukudra.
Eso vei ira na tamata e sega na nodra manumanu me ra vakacabora. E a volitaki na manumanu vei ira oqo ena loma ni valetabu. Era sa kocova na volivolitaki me levu na nodra ilavo. Era sa sega ni nanuma na Kalou
Sa raici ira na tamata o Jisu ni ra sa volitaki manumanu ena valetabu. E kaya o Koya ni valetabu sa Nona vale na Tamada Vakalomalagi, e vanua tabu. E kaya o Koya ni sa ka tabu me caka na veivoli e kea.
A cakava o Jisu e dua na kuita, vakatoboicutaka na nodra teveli, ceburaka na nodra ilavo ena vuloa, ka vakatalai ira tani na dauvolivolitaki. E sega ni vinakata o Koya me ra cakava na veika ca ena vale nei Tamana Vakalomalagi.