Wase 20
Veituberi ena Masu o Jisu
E vakavulici iratou na Nona tisaipeli o Jisu ena ivakarau ni masu. A kaya o Koya ni so na tamata era masu me ra raici ira kina na tani. E vakavulica o Jisu ni dodonu me da cabora na noda masu yadudua ni da tiko taudua, ke rawa.
E kaya o Koya ni so na tamata e duadua tikoga na veika era masulaka tiko. Era sega sara ni vakasamataka vakavinaka na veika era dau tukuna tiko. E kaya o Jisu ni dodonu me da masulaka mai na yaloda dina na veika eda gadreva.
Sa qai masu na iVakabula me vakaraitaka kina vei iratou na Nona tisaipeli na ivakarau ni masu. A tekivu ena Nona cavuta, “Tamai keimami … mai lomalagi.” A vakacaucautaki Tamana Vakalomalagi ka tarava na Nona kerea Vua me vukei. A qai cavuta “emeni” ni sa oti na Nona masu. Ni oti o ya, sa qai kaya o Jisu vei iratou na tisaipeli me ra masu Vua na Tamana ena yacana. Sa yalataka kina ni na sauma mai na Tamana Vakalomalagi na nodratou masu.