Wase 7
O Iratou na Tamata Vuku
Eso na tamata vuku era tiko ena dua tale na vanua. Era sa kila tu na veika era a tukuna na parofita baleta na sucu i Jisu. Ena gauna era a raica kina na kalokalo e lomalagi, era sa kila ni sa sucu e dua na tui vou.
Eratou sa lako na tamata vuku me laki raici Eroti, na nodra tui na kai Jiu, e Jerusalemi. Eratou a taroga vua na vanua e tiko kina na tui vou. A kaya vei iratou o Eroti me ratou laki vakasaqaqara e Peceliema. Kevaka eratou sa raica na gonelailai me ratou na lesu ka tukuna vei Eroti.
Eratou a gole na tamata vuku ki Peceliema ka kunei Jisu kina. Eratou a sokalou Vua ka solia Vua na iloloma talei. A qai tukuni vei iratou ena dua na tadra me ratou kakua ni lesu tale i Jerusalemi ka tukuna vei Eroti ni ratou sa raica na gonelailai. Eratou a sega ni cakava.