Ako ʻo e Tokāteliné
Tui kia Sīsū Kalaisí
Naʻe akoʻi mai ʻe he ʻAposetolo ko Paulá “ko e tuí ko e tuʻunga ia ʻo e ngaahi meʻa ʻoku ʻamanaki lelei ki ai, ko e fakamoʻoni ʻo e ngaahi meʻa taʻe hā mai” (Hepelū 11:1). Ko e tuí ko ha tefitoʻi moʻoni ʻo e ngāue mo e mālohi. Ko e taimi pē ʻoku tau ngāueʻi ai ha taumuʻa mahuʻinga, ʻoku tau ngāue ʻaki ʻa e tuí. ʻOku tau fakahaaʻi ʻetau ʻamanaki lelei ki ha meʻa ʻoku ʻikai ke tau lava ʻo sio ki ai.
Vakai Fakalūkufuá
Naʻe akoʻi mai ʻe he ʻAposetolo ko Paulá “ko e tuí ko e tuʻunga ia ʻo e ngaahi meʻa ʻoku ʻamanaki lelei ki ai, ko e fakamoʻoni ʻo e ngaahi meʻa taʻe hā mai” (Hepelū 11:1). Naʻe fai ʻe ʻAlamā ha fakamatala tatau: “Kapau ʻoku mou maʻu ʻa e tuí ʻoku mou ʻamanaki lelei ki he ngaahi meʻa ʻoku ʻikai ke mamata ki ai, ʻa ia ʻoku moʻoni” ( ʻAlamā 32:21). Ko e tuí ko ha tefitoʻi moʻoni ʻo e ngāue mo e mālohi. Ko e taimi pē ʻoku tau ngāueʻi ai ha taumuʻa mahuʻinga, ʻoku tau ngāue ʻaki ʻa e tuí. ʻOku tau fakahaaʻi ʻetau ʻamanaki lelei ki ha meʻa ʻoku ʻikai ke tau lava ʻo sio ki ai.
Lekooti e Ngaahi Ongo ʻOkú ke Maʻú
Tui ki he ʻEiki ko Sīsū Kalaisí
Koeʻuhí ke lava ʻe he tuí ʻo taki ki he fakamoʻuí, kuo pau ke fakatefito ia ʻi he ʻEiki ko Sīsū Kalaisí (vakai, Ngāue 4:10–12; Mōsaia 3:17; Molonai 7:24–26; Ngaahi Tefito ʻo e Tuí 1:4). Te tau lava ʻo fakaʻaongaʻi ʻetau tui kia Kalaisí ʻi he taimi ʻoku tau maʻu ai ha fakamoʻoni ʻokú Ne moʻuí, ko ha ʻilo totonu ki Hono ʻulungāngá, pea mo ha ʻilo ko ʻetau feingá ke moʻui fakatatau mo Hono finangaló.
ʻOku ʻuhinga ʻa e tui kia Sīsū Kalaisí ke falala kakato kiate Ia—ʻo falala ki Hono mālohí, potó, mo e ʻofa taʻe fakangatangatá. ʻOku kau ai e tui ki Heʻene ngaahi akonakí. ʻOku ʻuhinga ia ke tui neongo ʻoku ʻikai mahino kiate kitautolu ʻa e meʻa kotoa pē, ka ʻoku mahino ia kiate Ia. Koeʻuhí kuó Ne ʻosi aʻusia ʻetau ngaahi mamahí, ngaahi faingataʻaʻiá, mo e ngaahi vaivaí, ʻokú Ne ʻafioʻi ai ʻa e founga ke tokoniʻi kitautolu ke tau lelei ange ʻi hotau ngaahi faingataʻaʻia fakaʻahó (vakai, ʻAlamā 7:11–12; Tokāteline mo e Ngaahi Fuakava 122:8). Kuó Ne “ikuʻi ʻa māmani” (Sione 16:33) mo teuteuʻi ʻa e hala ke tau maʻu ai ʻa e moʻui taʻengatá. ʻOkú Ne mateuteu maʻu pē ke tokoniʻi kitautolu kapau te tau manatuʻi ʻEne kolé: “Sio pē kiate au ʻi he fakakaukau kotoa pē; ʻoua ʻe tālaʻa, ʻoua ʻe manavahē” (Tokāteline mo e Ngaahi Fuakava 6:36).
Moʻui ʻi he Tuí
Ko e tuí ʻoku mahulu hake ia ʻi he falala taʻe fai ha ngāué. ʻOku tau fakahaaʻi ʻetau tuí ʻaki ʻetau ngāué—ʻaki ʻetau tōʻonga moʻuí.
Naʻe talaʻofa ʻa e Fakamoʻuí, “Kapau te mou tui kiate au te mou maʻu ʻa e mālohi ke fai ʻa e meʻa kotoa pē ʻoku totonu ke fai ʻiate aú” (Molonai 7:33). ʻE lava ʻe he tui kia Sīsū Kalaisí ʻo fakaʻaiʻai kitautolu ke tau muimui ʻi Heʻene sīpinga haohaoá (vakai, Sione 14:12). ʻE lava ʻe heʻetau tuí ʻo taki kitautolu ke fai ha ngaahi ngāue lelei, talangofua ki he ngaahi fekaú, mo fakatomala mei heʻetau ngaahi angahalá (vakai, Sēmisi 2:18; 1 Nīfai 3:7; ʻAlamā 34:17). ʻE lava ke tokoniʻi kitautolu ʻe heʻetau tuí ke tau ikunaʻi ʻa e ʻahiʻahí. Naʻe faleʻi ʻe ʻAlamā hono foha ko Hilamaní, “Akoʻi ʻa kinautolu ke nau lavaʻi ʻa e ʻahiʻahi kotoa pē ʻa e tēvoló, ʻaki ʻenau tui ki he ʻEiki ko Sīsū Kalaisí” ( ʻAlamā 37:33).
ʻE fakahoko ʻe he ʻEikí ha ngaahi mana lalahi ʻi heʻetau moʻuí ʻo fakatatau mo ʻetau tuí (vakai, 2 Nīfai 26:13). ʻE tokoni ʻa e tui kia Sīsū Kalaisí ke tau maʻu ai ha fakamoʻui fakalaumālie mo fakatuʻasino tuʻunga ʻi Heʻene Fakaleleí (vakai, 3 Nīfai 9:13–14). Ka hoko mai ʻa e taimi ʻo e ʻahiʻahí, ʻe lava ʻe he tuí ʻo ʻomi ha ivi ke tau laka ki muʻa mo fehangahangai mo ʻetau ngaahi faingataʻá ʻi he loto-toʻa. Naʻa mo e taimi ʻe hā ngali taʻepau ai e kahaʻú, ʻe lava ʻe heʻetau tui ki he Fakamoʻuí ʻo ʻomi ha nonga (vakai, Loma 5:1; Hilamani 5:47).
Fakatupulaki ʻEtau Tuí
Ko e tuí ko ha meʻaʻofa ia mei he ʻOtuá, ka kuo pau ke tau tanumaki ʻetau tuí ke mālohi ai pē. ʻOku hangē ʻa e tuí ko ha uouá. Ka fakamālohisinoʻi, ʻe fakaʻau ke mālohi. Ka taʻengāueʻi, ʻe fakaʻau ke vaivai.
Te tau lava ʻo tanumaki ʻa e meʻafoaki ʻo e tuí ʻaki haʻatau lotu ki he Tamai Hēvaní ʻi he huafa ʻo Sīsū Kalaisí. ʻI heʻetau fakahaaʻi ʻetau houngaʻia ki heʻetau Tamaí pea mo tautapa kiate Ia ki ha ngaahi tāpuaki ʻoku tau fie maʻu mo e niʻihi kehé, te tau ʻunu ai ʻo ofi ange kiate Ia. Te tau ʻunu ʻo ofi ange ki he Fakamoʻuí, ʻa ē ʻoku hanga ʻe Heʻene Fakaleleí ʻo fakaʻatā kitautolu ke tau kole ha ʻaloʻofá (vakai, ʻAlamā 33:11). Te tau toe ongoʻingofua foki ai ʻa e fakahinohino leʻosiʻi ʻa e Laumālie Māʻoniʻoní.
Te tau lava ʻo fakamālohia ʻetau tuí ʻaki ʻetau tauhi ʻa e ngaahi fekaú. Pea hangē ko hono toenga ʻo e ngaahi tāpuaki mei he ʻOtuá, ʻoku maʻu mo fakatupulaki ʻa e tuí ʻi he talangofua mo e tōʻonga angatonu fakafoʻituituí. Kapau te tau loto ke fakalahi ʻetau tuí ki he tuʻunga taupotu taha ʻe lavá, kuo pau ke tau tauhi ʻa e ngaahi fuakava kuo tau fakahokó.
Te tau lava foki ʻo fakatupulaki ʻa e tuí ʻaki hano ako ʻa e folofolá pea mo e ngaahi lea ʻo e kau palōfita ʻi he ngaahi ʻaho kimui ní. Naʻe akoʻi mai ʻe he palōfita ko ʻAlamaá ʻoku tokoni ʻa e folofola ʻa e ʻOtuá ke fakamālohia ʻa e tuí. ʻI hono fakatatau ʻa e folofolá ki ha tengaʻiʻakau, naʻá ne pehē ʻoku lava ʻe he “holi pē ke tuí” ʻo taki kitautolu ke “fakaʻatā ha potu” ki he folofolá ke “tō [ʻi hotau] lotó.” Pea te tau ongoʻi leva ʻoku lelei ʻa e folofolá, he ʻe kamata ke ne fakaleleiʻi hotau lotó mo fakamaama hotau ʻatamaí. ʻE fakamālohia ʻe he meʻá ni ʻetau tuí. ʻI heʻetau hokohoko atu ke tanumaki ʻa e folofolá ʻi hotau lotó, “ʻi he faivelenga lahi, pea mo e faʻa kātaki, ʻo ʻamanaki ki hono fuá, ʻe tupu hono aká; pea vakai, ʻe hoko ia ko ha fuʻu ʻakau ʻoku tupu hake ki he moʻui taʻengatá.” (Vakai, ʻAlamā 32:26–43.)
Ngaahi Tefito Fekauʻakí
Ngaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Tuí”
Ngaahi Pōpoaki mei he Kau Taki ʻo e Siasí
Ngaahi Pōpoaki Lahi Angé
Ngaahi Vitioó
“Tui Haohaoa mo Faingofuá”
“Jesus Heals a Woman of Faith”
“Leap of Faith—Kiran”
“Wherefore Didst Thou Doubt?”
“Ko e Finangalo ʻo e ʻOtuá”
Ngaahi Vitiō ʻa e Kuaea Tāpanekalé
“Come, Follow Me (Muimui ʻIate Au)”
“How Great Thou Art (ʻE ʻOtua ko e Tapuhā)”
Ngaahi Maʻuʻanga Tokoni Fakaakó.
Ngaahi Maʻuʻanga Tokoni Fakalūkufuá
“Jesus Christ,” ComeUntoChrist.org
Ngaahi Makasini ʻa e Siasí
“Ko e Fononga ki he Fonua ʻo e Talaʻofá,” Liahona, ʻOkatopa 2016
Anne-Mette Howland, “Taki Au, Fakahinohinoʻi Au,” Liahona, Siulai 2010
Patricia R. Jones, “The Opposite of Fear,” Liahona, January 2007
Ngaahi Tohi Lēsoni Akó
Ngaahi Akonaki ʻa e Kau Palesiteni ʻo e Siasí
Ngaahi Talanoá
Ngaahi Maʻuʻanga Tokoni Ki Hono Akoʻí
Ngaahi Fokotuʻutuʻu Ki Hono Akoʻí
Mītiá