Ako ʻo e Tokāteliné
Akonakí (Lakanga Taula‘eiki Faka-ʻĒloné)
Vakai Fakalūkufuá
Ko e lakanga fakataulaʻeikí ko e mālohi mo e mafai ia ʻo e ʻOtuá. Ko e akonakí ko ha tuʻunga ia ʻi he Lakanga Taulaʻeiki Faka-ʻĒloné. ʻI he kamataʻanga ʻo Sānuali ʻo e taʻu ʻoku hoko ai honau taʻu 14, ʻe lava ke fakanofo ʻa e kau talavou moʻui tāú ki he lakanga akonakí—ko ha lakanga ʻoku nau faʻa maʻu ʻo aʻu ki he taʻu ʻoku hoko ai honau taʻu 16.
ʻOku fokotuʻutuʻu ʻa e kau akonakí ki he ngaahi kōlomu ʻi honau uōtí mo e koló. ʻOku tokangaʻi e kōlomu takitaha ʻe ha akonaki kuo vaheʻi ko ha palesiteni pea ʻoku nau maʻu e ngaahi kī ʻo e lakanga fakataulaʻeikí ke tataki e kōlomú (vakai, Tohi Tuʻutuʻuni Fika 2: Ko Hono Puleʻi ʻo e Siasí, 8.3.2; Tokāteline mo e Ngaahi Fuakava 107:86).
Ko e kau pīsopelikí ʻa e kau palesitenisī ʻo e Lakanga Taulaʻeiki Faka-ʻĒloné (vakai, Tokāteline mo e Ngaahi Fuakava 107:15). ʻOku feongoongoi e tokoni ʻuluaki ʻi he kau pīsopelikí mo e kau akonakí peá ne akoʻi kinautolu ki he ngaahi fatongia ʻo honau lakangá.
ʻOku maʻu ʻe he akonakí ʻa e ngaahi fatongia kotoa ʻo ha tīkoni. ʻOkú ne toe maʻu foki e ngaahi fatongia ko ʻení (vakai, Tohi Tuʻutuʻuni Fika 2, 8.1.1.2):
-
ʻOkú ne teuteuʻi e sākalamēnití.
-
ʻOkú ne “leʻohi ʻa e siasí maʻu ai pē, pea ke ne ʻiate kinautolu mo fakamālohia ʻa kinautolu” (Tokāteline mo e Ngaahi Fuakava 20:53). Ko ha founga ʻe taha ʻokú ne fakahoko ai ʻení ko haʻane hoko ko ha tangata ngāue fakaetauhi. ʻOku vahe ia ko ha hoa ki ha tokotaha maʻu Lakanga Taulaʻeiki Faka-Melekisētekí.
-
ʻOkú ne “tokanga ke ʻoua naʻa ʻi ai ha fai angahala ʻi he siasí, pe ko ha felotokoviʻaki ʻiate kinautolu, pe loi, pe lauʻikovi, pe lea kovi” (Tokāteline mo e Ngaahi Fuakava 20:54). ʻOku kau ʻi he fatongia ko ʻení haʻane hoko ko ha taha fai fakalelei pea hoko ko ha sīpinga ʻo e moʻui angatonú mo e faitotonú.
-
ʻOkú ne “tokangaʻi ʻoku faʻa fakataha ʻa e siasí, pea tokangaʻi foki ʻoku fai ʻe he kāingalotu kotoa pē ʻa honau fatongiá” (Tokāteline mo e Ngaahi Fuakava 20:55).
-
ʻOkú ne tokoni ki he pīsopé ʻi ha ngaahi founga kehe ʻoku fenāpasi mo hono lakanga ko e akonakí.
Lekooti e Ngaahi Ongo ʻOkú ke Maʻú
Ngaahi Tefito Fekauʻakí
Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Fakaakó
Ngaahi Makasini ʻa e Siasí
“The Teachers Quorum,” Liahona, Fepueli 2005