Kabanata 24
Dapat Turuan ng mga Magulang ang Kanilang mga Anak
(Nobyembre 1831)
Sinabi ni Jesus na ang mga bata ay dapat mabinyagan kapag sila ay walong taong gulang na. Inutusan ni Jesus ang mga magulang na turuan ang kanilang mga anak ng ebanghelyo bago sila mabinyagan.
Dapat matutuhan ng mga bata ang tungkol kay Jesus. Dapat silang magkaroon ng pananampalataya sa kanya.
Dapat matutuhan ng mga bata kung paano magsisi.
Dapat matutuhan ng mga bata ang tungkol sa pagbibinyag. Dapat nilang matutuhan kung paano maging mabuting miyembro ng Simbahan.
Dapat matutuhan ng mga bata kung paano manalangin. Dapat nilang malaman kung paano makinig sa Espiritu Santo.
Dapat matutuhan ng mga bata ang mga kautusan ng Diyos. Dapat nilang sundin ang mga kautusan.
Kinakailangang ituro ng mga magulang sa kanilang mga anak ang mga bagay na ito. Ang mga magulang ang masisisi sa mga kasalanan ng kanilang mga anak kung hindi nila ituturo sa kanila ang ebanghelyo.