Kabanata 1
Si Joseph Smith At Ang Kanyang Mag-Anak
(1805–1820)
Ipinanganak si Joseph Smith noong ika-23 ng Disyembre 1805. Ang kanyang mag-anak ay tumira sa estado ng Vermont. Ang Vermont ay nasa Estados Unidos ng Amerika. Joseph din ang pangalan ng ama ni Joseph Smith. Ang pangalan ng kanyangina ay Lucy.
Si Joseph ay may anim na kapatid na lalaki at tatlong kapatid na babae.
Ang ama at ina ni Joseph ay mabubuting tao. Mahal nila ang kanilang mga anak. Sila ay nagsumikap upang maitaguyod ang kanilang mga anak.
Noong si Joseph ay bata pa, nagkaroon siya nang malubhang sugat sa kanyang paa. Sinikap ng mga doktor na pagalingin ito, subalit hindi nila nagawa.
Si Hyrum Smith ay nakatatandang kapatid ni Joseph. Mahal niya si Joseph. Ikinalungkot ni Hyrum ang matinding kirot sa paa ni Joseph. Umupo siya sa tabi ng kama ni Joseph. Sinikap niyang tulungan si Joseph na bumuti ang pakiramdam.
Ibig putulin ng mga doktor ang paa ni Joseph. Subalit hindi sila pinahintulutan ng kanyang ina. Kaya nagpasiya silang kunin lamang ang kapirasong bahagi ng kanyang buto.Alam ni Joseph na masasaktan siya kapag hiniwa ng mga doktor angkanyang paa. Subalit siya ay may pananampalataya. Alam niyang tutulungan siya ng Ama sa Langit.
Hiniling ng mga doktor kay Joseph na uminom ng alak upang hindi maging matindi ang sakit na kanyang mararamdaman. Ayaw inumin ni Joseph ang alak. Hiniling ni Joseph na lumabas ang kanyang ina. Ayaw niyang makita ng kanyang ina ang paghiwa ng mga doktor sa kanyang paa.
Hiniling ni Joseph na hawakan siya ng kanyang ama. Hiniwa ng mga doktor ang paa ni Joseph. Inalis nila ang may diperensiyang bahagi ng buto sa kanyang paa. Nasaktan nang husto si Joseph. Subalit napakatapang niya. Pagkaraan ngmaraming araw ay magaling-galing na ang kanyang paa.
Nang tumanda-tanda na si Joseph, lumipat ang kanyang maganak sa estado ng New York. Tumira sila sa isang bahay na troso sa sakahang malapit sa Palmyra.
Mahirap lamang ang mag-anak ni Joseph. Kinailangan nilang magsumikap upang mabayaran nila ang sakahan. Tinulungan ng mga batang lalaki ang kanilang ama na magtanim. Inalagaan nila ang mga hayop. Ang mga batang babae namanay tumulong sa gawain ng kanilang ina.
Si Joseph ay mabuting bata. Masaya siya. Mahilig siyang tumawa at magsaya.