« តើអេសាយបានបង្រៀនអ្វីខ្លះអំពីការធ្វើជាអ្នកបម្រើរបស់ព្រះអម្ចាស់ ? » លីអាហូណា ខែ កញ្ញា ឆ្នាំ ២០២២ ។
ចូរមកតាមខ្ញុំ
តើអេសាយបានបង្រៀនអ្វីខ្លះអំពីការធ្វើជាអ្នកបម្រើរបស់ព្រះអម្ចាស់ ?
ជានិច្ចជាកាលព្រះអម្ចាស់ហៅអ្នកដើរតាមទ្រង់ថាជាអ្នកបម្រើ ឬជាសាក្សីរបស់ទ្រង់ ។ ពាក្យទាំងនេះគឺជាពាក្យសាមញ្ញដែលមានទូទាំងបទគម្ពីរ ហើយសូម្បីតែនៅក្នុងគម្ពីរអេសាយក៏មានផងដែរ ។ នៅក្នុងព្រះគម្ពីរសញ្ញាចាស់ ក៏ដូចជានៅសព្វថ្ងៃនេះ ព្រះអម្ចាស់បានប្រទានដល់មនុស្សនូវឱកាសជាច្រើនដើម្បីបម្រើទ្រង់ ហើយធ្វើជាសាក្សីដល់ទ្រង់ ។
-
នៅពេលបងប្អូនអានអេសាយជំពូក ៤០–៤៩ សូមរកមើលពេលដែលព្រះអម្ចាស់មានបន្ទូលថា « អ្នកបម្រើ » ឬ « សាក្សី » ។ តើទ្រង់សំដៅទៅលើអ្នកណា ? សូមរកមើលខគម្ពីរទាំងឡាយដែលបង្រៀនបងប្អូនពីរបៀបដែលបងប្អូនអាចធ្វើជាសាក្សី និងជាអ្នកបម្រើដល់ព្រះអម្ចាស់បាន ដូចជានៅក្នុង អេសាយ ៤៤:២ ជាដើម ។
រូបភាពយ៉ូសែប ស្ម៊ីធ កំពុងផ្សព្វផ្សាយយ៉ូសែប ស៊្មីធ កំពុងផ្សព្វផ្សាយ ដោយ ស៊ែម ឡឡឺរ៍ © ២០០១
-
បន្ទាប់មក នៅពេលបងប្អូនអានជំពូក ៤១–៤៤ បងប្អូនអាចស្រាវជ្រាវខគម្ពីរដែលអាចអនុវត្តចំពោះការហៅ ឬការងារបម្រើរបស់បងប្អូនបាន ។ តើព្រះអម្ចាស់សុំឲ្យបងប្អូនធ្វើអ្វីខ្លះ ហើយតើទ្រង់នឹងជួយដល់បងប្អូនដោយរបៀបណា ?
រូបភាពយុវនារីបីនាក់កំពុងញញឹម -
តើបងប្អូនធ្លាប់មានឱកាសអ្វីខ្លះដើម្បីធ្វើជាអ្នកបម្រើ ឬសាក្សីរបស់ព្រះអម្ចាស់ ? ឧទាហរណ៍អាចមានដូចជាការហៅ បេសកកម្ម ការបង្រៀនគ្រួសាររបស់បងប្អូន ឬការបម្រើផ្សេងទៀត ។ បងប្អូនអាចរ៉ាយរ៉ាប់ពីបទពិសោធន៍ទាំងនោះចូលក្នុងសៀវភៅកំណត់ហេតុរបស់បងប្អូនបាន ។ តើបងប្អូនបានរៀនអ្វីខ្លះពីវា ? តើព្រះអម្ចាស់បានជួយបងប្អូនដោយរបៀបណា ?
រូបភាពពួកអ្នកផ្សព្វផ្សាយសាសនាកំពុងបម្រើ