« តើអេសាយបានបង្រៀនអ្វីខ្លះអំពីការប្រមូលសាសន៍អ៊ីស្រាអែល ? » លីអាហូណា ខែ កញ្ញា ឆ្នាំ ២០២២ ។
ចូរមកតាមខ្ញុំ
តើអេសាយបានបង្រៀនអ្វីខ្លះអំពីការប្រមូលសាសន៍អ៊ីស្រាអែល ?
ទេសភាពនៃជ្រលងភ្នំ សលត៍ លេក ដោយ ជេមស៍ ថៃលើរ ហាវ៉ូត
អេសាយបានប្រើនិមិត្តសញ្ញាដើម្បីបង្រៀនអំពីការប្រមូលសាសន៍អ៊ីស្រាអែល ។ សូមពិចារណាពីបទគម្ពីរនេះ ៖ « ទ្រង់នឹងលើកទង់ ១ ឡើងសម្រាប់អស់ទាំងសាសន៍ ហើយនឹងប្រមូលពួកព្រាត់ប្រាសនៃសាសន៍អ៊ីស្រាអែល ព្រមទាំងរួបរួមពួកខ្ចាត់ខ្ចាយរបស់សាសន៍យូដាមកពីទិសទាំងបួននៃផែនដី » ( ១១:១២ ) ។
ទង់មួយគឺជាទង់ជាតិ ឬបទដ្ឋានមួយ ។ អែលឌើរ ជែហ្វ្រី អ័រ ហូឡិន នៃកូរ៉ុមនៃពួកសាវកដប់ពីរនាក់បានចែលចាយរឿងមួយអំពីរបៀបដែលថ្នាក់ដឹកនាំសាសនាចក្រនៅក្នុងសម័យត្រួសត្រាយផ្លូវបានបង្កើតទង់មួយជា « ទង់ជាតិបណ្តោះអាសន្នមួយ ដោយប្រកាសថា ជ្រលងភ្នំសលត៍ លេក និងភ្នំដទៃទៀតដែលនៅជុំវិញនោះ ដែលជាកន្លែងដែលបានព្យាករពីព្រះបន្ទូលរបស់ព្រះអម្ចាស់ នឹងចេញទៅនៅថ្ងៃចុងក្រោយ » ។១
តើនិមិត្តសញ្ញា និងការយល់ដឹងអ្វីផ្សេងទៀត ដែលទាក់ទងទៅនឹងការខ្ចាត់ព្រាត់ និងការប្រមូលសាសន៍អ៊ីស្រាអែលដែលបងប្អូនអាចរកឃើញនៅក្នុងគម្ពីរអេសាយជំពូក ២, ៥ និង ១១ បាន ?
តើព្យាការីសម័យទំនើបរបស់យើងបានជួយយើងឲ្យយល់កាន់តែច្បាស់អំពីការម្រមូលសាសន៍អ៊ីស្រាអែលដោយរបៀបណា ?
វាអាចមានប្រយោជន៍ក្នុងការសិក្សាពីអ្វីដែលព្យាការីសម័យទំនើបបានមានប្រសាសន៍អំពីការបង្រៀនរបស់អេសាយ និងការប្រមូលសាសន៍អ៊ីស្រាអែល ។ សូមពិចារណារកមើលសុន្ទរកថាសន្និសីទទូទៅមួយរបស់ប្រធាន រ័សុល អិម ណិលសុន ហើយរ៉ាយរ៉ាប់ពីវិធីដែលបងប្អូនអាចជួយប្រមូលសាសន៍អ៊ីស្រាអែលបាន ៖
-
« Blessed Are the Peacemakers » Liahona ខែ វិច្ឆិកា ឆ្នាំ ២០០២ ទំព័រ ៣៩–៤២
-
« The Gathering of Scattered Israel » Liahona ខែ វិច្ឆិកា ឆ្នាំ ២០០៦ ទំព័រ ៧៩–៨២
-
« Let God Prevail » Liahona ខែ វិច្ឆិកា ឆ្នាំ ២០២០ ទំព័រ ៩២–៩៥