« តើយើងអាចធ្វើអ្វីខ្លះដើម្បី ‹ ប្រុងត្រចៀក [ របស់យើង ] ស្តាប់តាមប្រាជ្ញា › ? » លីអាហូណា ខែ កញ្ញា ឆ្នាំ ២០២២ ។
ចូរមកតាមខ្ញុំ
តើយើងអាចធ្វើអ្វីខ្លះដើម្បី « ប្រុងត្រចៀក [ របស់យើង ] ស្តាប់តាមប្រាជ្ញា » ?
ដោយមានព័ត៌មានមិនពិតជាច្រើននៅក្នុងពិភពលោកនេះ នោះវាអាចពិបាកនៅក្នុងការស្វែងយល់ពីរឿងទាំងអស់ ដើម្បីរកឃើញនូវសេចក្ដីពិតដ៏នៅអស់កល្បជានិច្ចណាស់ ។ ព្រះវរបិតាសួគ៌ទ្រង់ជ្រាបអំពីរឿងនេះ ហើយទ្រង់ជ្រាបថាបុត្រាបុត្រីរបស់ទ្រង់កំពុងស្វែងរកចម្លើយទាំងនោះ ។ ជាសំណាងល្អ ចម្លើយជាច្រើនចំពោះសំណួរពិបាកបំផុតក្នុងជីវិតអាចរកឃើញនៅក្នុងបទគម្ពីរ នៅក្នុងសុន្ទរកថាសន្និសីទទូទៅ ឬតាមរយៈវិវរណៈផ្ទាល់ខ្លួន ។ ព្រះវរបិតាសួគ៌នឹងមិនដឹកនាំយើងឲ្យវង្វេងនោះទេ ។
សកម្មភាព
នៅក្នុងគម្ពីរសុភាសិត យើងតែងតែអានអំពីប្រាជ្ញា ។ សូមអានជំពូក ២ និង ៣ រៀងៗខ្លួន ឬអានជាក្រុម ហើយរកមើលខគម្ពីរដែលពិភាក្សាអំពីរបៀបដែលយើងស្វែងរកប្រាជ្ញា ។ ជាឧទាហរណ៍ សុភាសិត ១:៥ និយាយថា « ប្រយោជន៍ឲ្យមនុស្សប្រាជ្ញបានស្តាប់ ហើយចម្រើនចំណេះឡើង ឲ្យអ្នកណាដែលមានយោបល់បានដឹងដល់សេចក្តីទូន្មានមាំទាំ » ។