Fānau Lotoʻofá
Ko e Vahevahe ʻo e ʻOfá ki he Kaungāmeʻá
Mālō e lelei! Ko hoku hingoá ko Lenitalini. ʻOku ou nofo ʻi he kiʻi motu ko Ueno ʻi he Tahi Pasifikí. Ko e taha ia e fanga kiʻi motu ʻi he Fangaʻuta ko Sukí. ʻOku ou fakahaaʻi ʻeku ʻofa hoku kaungāmeʻá heʻeku tauʻolunga mo kinautolú, hiva fakataha mo kinautolu pea mo fakaafeʻi kinautolu ki he lotú.
Ngaahi Hiva ʻo e ʻOfá
ʻOku ou manako ke hiva fakataha mo hoku ngaahi kaungāmeʻá. Ko e fanga kiʻi hiva ʻoku ou manako taha aí, ko e “Kamata ʻIate au e Angaʻofá,” “Fānau Au ʻa e ʻOtua,” pea mo e “Fie Siofia ha Temipalé.” ʻOku ou ʻofa hoku fāmilí pea ʻoku ou fie ʻalu ki he temipalé ʻo sila mo kinautolu.
Ko Hono Fakaafeʻi Hoku Ngaahi Kaungāmeʻá
ʻOku ou fakaafeʻi hoku kaungāmeʻa ko Tamina mo Siná ki he lotú pea ʻoku mau faʻa ō he taimi ʻe niʻihi. ʻOku ou ʻamanaki pē te nau papitaiso ha ʻaho.
Ko ha Tauʻolunga ki he Kaungāmeʻá
ʻOku ou ako mo hoku kaungāmeʻá ha tauʻolunga pēlei meia Sisitā Haati, ko e taha ʻo e kau faifekaú. ʻOku mau akoʻi ha pēlei fekauʻaki mo ha kiʻi taʻahine ko Lili naʻe hē ʻi ha motu pea naʻá ne fie maʻu ke fakahaaʻi ange ʻe hono kaungāmeʻá e halá.
Ko e ʻAʻahi Ki Hoku Ngaahi Tokoiá
ʻOku ou ʻofa hoku ngaahi tokoua! ʻOku ou folau vaka ke ʻaʻahi kiate kinautolu ʻi he motu ko Lomēinamú. ʻOku fakaʻuli vaka ʻeku faʻētangatá mo ʻene fānaú. ʻOku nau ʻave holo foki e kau faifekaú he ʻotu motú.