Mga Minugbo nga Balita sa Kalibutan

Si Elder Bednar Nakighimamat sa mga Sakop sa Scottish Parliament

Si Elder David A. Bednar sa Korum sa Napulog Duha ka mga Apostoles nakighimamat sa mga ministro sa Scottish Parliament sulod sa duha ka oras niadtong Septyembre aron sa paghisgot kon sa unsang paagi ang mga miyembro nga Scottish makasuporta sa moral nga mga isyu ug sa paghatag og gibug-aton sa mga pagtulun-an sa Simbahan mahitungod sa ka-importante sa pamilya. Ang miting didto sa Building sa Holyrood Parliament sa Edinburgh naglakip sa lima ka mga ministro sa Parliament. Si Elder Bednar ug ang ubang mga lider sa Simbahan mibisita usab sa Ireland alang sa ubay-ubay nga mga miting sa Simbahan.

Bag-ong Area Presidency Gipahibalo

Ang Unang Kapangulohan mipahibalo sa kausaban sa Pacific Area Presidency sugod niadtong Oktubre 2009. Si Elder David S. Baxter sa Seventy, Presidente sa area sukad niadtong Agosto 2008, bag-ohay lang nga gioperahan didto sa Siyudad sa Salt Lake ug gibalhin ang iyang assignment ngadto sa Church headquarters. Si Elder Tad R. Callister sa Seventy moalagad isip Presidente sa area, kauban ni Elder James J. Hamula isip First Counselor ug ni Elder Brent H. Nielson isip Second Counselor.

LDS nga mga Dili Minyo Nangalagad sa Guatemala

Ang Santos sa Ulahing mga Adlaw nga mga dili minyo gikan sa Washington, D.C., USA, nagpundok sa layo nga Polochic Valley sa Guatemala niadtong Agosto 2009 aron sa pagserbisyo sa katawhan sa Q’eqchi’. Nakigtambayayong sa dili pangwarta nga organisasyon, mitabang sila sa pagtukod og usa ka eskwelahan [middle school] ug librarya, mibansay og mga magtutudlo, ug miapud-apod og mga bitamina. Mihimo usab sila og mga workshop alang sa pagpanglimpyo, nutrisyon, pag-atiman sa ngipon, personal nga panalapi, ug sa agrikultura ngadto sa 300 ka mga lumulupyo ug misugod sa pagtukod og usa ka kusina sa eskwelahan, klinika sa panglawas, ug sistema sa patubig alang sa komunidad.

Si Elder David A. Bednar nakighimamat sa mga sakop sa Scottish Parliament.