Panahon sa Pagpakigbahin
Si Jesukristo Mao ang Akong Manluluwas ug Manunubos
Manluluwas ug Manunubos mao ang mga pangalan ug mga tawag alang kang Jesukristo. Naghulagway kini sa Iyang nahimo alang sa tanang mga anak sa Dios.
Tungod sa Pagkapukan ni Adan ug Eva, ang matag usa makasinati og pisikal nga kamatayon. Kon kita mamatay, ang atong espiritu ug ang atong lawas magbulag. Sa dihang nabanhaw si Jesukristo, ang Iyang lawas ug Iyang espiritu naghiusa, dili na gayud magkabulag pag-usab. Tungod kay Iya kining gihimo, kitang tanan mabanhaw.
Si Jesus usab mibayad sa kantidad alang sa atong mga sala aron, kon kita maghinulsol, kita mapasaylo ug mopuyo pag-usab uban Kaniya ug sa Langitnong Amahan. Kini nga sakripisyo nailhan isip ang Pag-ula ni Jesukristo. Tungod sa Iyang sakripisyo, si Jesus mao ang atong Manluluwas ug Manunubos. Ang Pag-ula mao ang mahinungdanon kaayong pagpahayag sa gugma sa Langitnong Amahan alang kanato. Kini usab ang labing taas nga pagpahayag sa gugma sa Manluluwas alang sa Langitnong Amahan ug alang sa matag usa kanato.
Ang kasulatan alang niini nga bulan nagtudlo kanato mahitungod sa Pag-ula ug sa dakong gugma sa Dios alang kanato. Unta ang inyong kasingkasing mapuno sa gugma ug pasalamat alang sa mahinungdanon kaayo nga gasa sa Dios kanato: ang Iyang Anak, si Jesurkristo.
Pebrero 2010 Journal alang sa Kasulatan
Basaha ang Juan 3:16 sa Bag-ong Tugon.
Pag-ampo aron masayud nga kining kasulatan tinuod. Pangayo aron mabati ang gugma sa Dios alang kaninyo.
Memoryaha kini nga kasulatan.
Pagpili og usa niini nga mga kalihokan, o paghimo og imong kaugalingon:
-
Ang kanta sa Primary nga “He Sent His Son” (Children’s Songbook, 34–35) nagtudlo kon giunsa sa Langitnong Amahan sa pagpakita ang Iyang gugma alang kanato. Kat-uni ang kanta, ug sulayi sa paghimo ang gisulti niini aron sa pagpakita sa inyong gugma ug pasalamat alang sa Manluluwas nga si Jesukristo.
-
Guntinga ug himoa ang puzzle (sa tuo) nga nagpakita kon unsa ang nahimo sa Pag-ula alang sa matag usa kanato. Ipakigbahin kini sa inyong pamilya.
Sa unsang paagi nga ang inyong nahimo nakatabang kaninyo nga makasabut niini nga kasulatan?
Isulat sa inyong journal o pagdrowing og litrato mahitungod sa inyong nahimo.
Makauban nato ang Langitnong Amahan ug si Jesus tungod sa Pag-ula ni Jesukristo.
Yuta
Pag-ula
Langitnong Amahan ug si Jesukristo
“Kay gihigugma gayud sa Dios ang kalibutan nga tungod niana gihatag niya ang iyang bugtong Anak, aron ang tanan nga mosalig kaniya dili malaglag, kon dili may kinabuhing dayon.” (Juan 3:16).
Paghulagway pinaagi ni James Johnson