Komentaryo
Kini Miusab sa Akong Kinabuhi
Mibasa ako sa Liahona sukad ako nahimong miyembro sa Simbahan dihang ako 14 anyos pa. Ang magasin sa tinuoray miusab sa akong personal nga kinabuhi ug sa kinabuhi sa mga sakop sa akong pamilya. Miserbisyo ako og misyon, ug kon makabunyag kami og bag-o, hatagan nako sila og subskripsyon sa magasin tungod kay nasayud ako nga makatabang kini kanila sama sa nahimo niini kanako.
Yormys Gonzalez, Venezuela
Akong Nakat-unan ang Kahulugan sa Kinabuhi
Ang Liahona nga magasin nakahatag kanako og kahibalo, ug kini nga kahibalo nakatabang kanako sa akong relasyon ngadto sa uban. Ako mobati sa mga istorya nga akong nabasa, ilabi na ang “Pagpangandam alang sa usa ka Misyon” (Okt. 2008, F14) ug “Ayaw Gayud Kalimot Nga Ikaw usa ka Mormon” (Ene. 2009, 44). Ang magasin nakatabang kanako nga makahibalo sa kahulugan sa kinabuhi; kini nakahatag kanako og gahum.
Hilbert A. Guzman, Philippines
Usa ka Espiritu sa Kalinaw
Gibasa nako ang mensahe gikan ni Presidente Thomas S. Monson sa Disyembre 2008 nga Liahona (“Ang Labing Nindot nga Pasko Sukad,” 2), ug ako napuno sa espiritu sa kamanggihatagon ug kalinaw. Ang akong panghuna-huna nagpunting ngadto kang Kristo ug sa paglakaw subay sa Iyang mga tunob. Salamat sa Liahona, nga midala og dakong kahayag ug kalinaw sa atong mga kalag.
Cristiano Robson Prestes, Brazil