Mensahe sa Visiting Teaching
Pagdumala sa mga Kapanguhaan sa Maalamong Paagi ug Paglikay sa Utang
Itudlo kini nga mga kasulatan ug mga kinutlo o, kon gikinahanglan, pagtudlo og lain nga baruganan nga mopanalangin sa mga sister nga inyong bisitahan. Pagpamatuod kabahin sa doktrina. Dapita kadtong inyong gitudloan sa pagpakigbahin unsay ilang nabati ug nakat-unan.
Pagdumala sa mga KapanguhaanAng “‘madaginuton
nga pagpuyo’ … nagpasabut sa [pagtipig] sa atong mga kapanguhaan, sa maalamon nga pagplano sa pinansyal nga mga butang, hingpit nga pagsangkap alang sa personal nga panglawas, ug igong pagpangandam alang sa edukasyon ug pagpalambo sa kabuhian, paghatag og saktong pagtagad sa produksyon ug pagtipig diha sa panimalay ingon man usab sa pagpalambo sa katakus sa pagpabalik sa normal nga pagbati human sa problema. … Kon kita magpakabuhi sa maalamon ug madaginutong paagi, kita mahimong luwas sama nga gisapnay sa Iyang mga kamot.”1
Presidente Spencer W. Kimball (1895–1985).
“Unsa nga mga kahanas ang atong gikinahanglan aron matabangan kita nga mahimong mapaningkamuton sa kaugalingon? … Sa unang mga adlaw sa Simbahan si Brigham Young mihangyo sa mga sister sa pagkat-on nga malikay sa mga sakit diha sa mga pamilya, pagtukod og mga panginabuhian diha sa panimalay, ug pagkat-on og accounting ug bookkeeping ug ubang magamit nga mga kahanas. Kadto nga mga baruganan magamit gihapon sa karon. Ang edukasyon nagpadayon nga importante kaayo. …
“Daghan ko og gipangutana nga mga bishop unsa nga mga kahanas sa pagpaningkamot sa kaugalingon ang gikinahanglan kaayo sa mga sister sa ilang mga ward, ug sila miingon ang pagbadyet. Ang mga babaye nagkinahanglan nga makasabut sa gipasabut sa pagpalit nga inutang ug pagpuyo subay sa badyet. Ang ikaduhang kahanas nga gilista sa mga bishop mao ang pagpangluto. Ang mga pagkaon nga giandam ug gikaon diha sa panimalay minus og gasto, mas makahimsog, ug naghatag og mas lig-on nga pakigdait sa pamilya.”2
Julie B. Beck, kinatibuk-ang presidente sa Relief Society.
Paglikay sa Utang
“Motanyag ko og lima ka mga paagi sa pinansyal nga kagawasan. …
“Una, bayri ang inyong ikanapulo. …
“Ikaduha, ayaw hutda ang inyong kinitaan. …
“Ikatulo, pagkat-on sa pagtigum. …
“Ikaupat, bayri ang inyong pinansyal nga mga obligasyon. …
“Ikalima, tudloi ang inyong mga anak sa pagsunod sa inyong ehemplo.”3
Elder Joseph B. Wirthlin (1917–2008) sa Korum sa Napulog Duha ka mga Apostoles.
“Kon kita mangutang, atong gisugal ang pipila sa atong bililhon, dili mabayaran nga kabubut-on ug gibutang ang atong mga kaugalingon nga piniriso tungod sa atong kaugalingong mga binuhatan. Atong giobligar ang atong panahon, kusog, ug mga kapanguhaan aron sa pagbayad unsa ang atong gihulaman—mga kapanguhaan nga unta mahimo natong magamit sa pagtabang sa atong kaugalingon, sa atong mga pamilya, ug sa uban. …
“Aron mabayaran ang atong mga utang karon ug aron malikayan ang utang sa umaabut nagkinahanglan kita nga mogamit sa atong hugot nga pagtuo sa Manluluwas—dili lamang sa pagbuhat og mas maayo apan maningkamot nga mahimong mas maayo. Nagkinahanglan gayud og hugot nga pagtuo sa paglitok niining yano nga mga pulong, ‘Dili kita makapalit niini.’ Nagkinahanglan og hugot nga pagtuo ang pagsalig nga ang kinabuhi mahimong mas maayo kon atong isakripisyo ang atong mga gusto aron makab-ot ang atong kaugalingong panginahanglan ug sa uban.4
Elder Robert D. Hales sa Korum sa Napulog Duha ka mga Apostoles.
Gilitratohan ni Matthew Reier