Inona no ao an-tsainao?

Nahoana no zava-dehibe tokoa ny zavatra jereko na henoiko? Tsy mandratra na iza na iza izany.

—Olona iray tsy manan-tsiny ao Helsinki

Sary

Tantara amin’ny endrika PDF

Sary nataon’i Shawna J. C. Tenney

Ry ilay “Olona iray tsy manan-tsiny” malala,

Ny zavatra rehetra jerenao na henonao dia misy fiantraikany amin’ny eritreritrao sy ny fihetseham-ponao ary ny asanao. Ary izany dia misy fiantraikany amin’ny maha-ianao anao ankehitriny.

Mba hahatonga anao ho ilay olona tsara indrindra dia ny zavatra tsara indrindra no jereo sy henoy. Nampianarina isika hikatsaka ireo zavatra izay “mendrika, maha-te ho tia, tsara laza na mendri-piderana” (Fanekem-pinoana 1:13). Ary afaka mahafantatra isika fa tsara ny zavatra iray raha mahatonga antsika haniry hanao ny tsara sy “hino an’i Kristy” izany (Môrônia 7:16). Tena zava-dehibe ny zavatra jerenao na henoinao satria manan-danja tokoa ianao.

Amim-pitiavana,

Ny Namana

Lisitra fanamarinana ireo haino vaky jery tsara

Ampiasao ity lisitra fanamarinana ity mba hahazoana antoka fa haino vaky jery mahafinaritra ihany no ampidirinao ao amin’ny atidohanao mahafinaritra!

Mampahery izany ary manampy ahy hanana fahatsapana tsara ao anatiko.
Mampianatra ahy zavatra tsara izany.
Manampy ahy haniry hankatò ireo didin’ Andriamanitra izany.
Manentana ahy hanao zavatra tsara izany.
Manaja ary mifanaraka amin’ny fenitra arahin’ny ny fianakaviako izany.