Arahaba avy any Papouasie-Nouvelle-Guinée!

Fantaro ireo zanaky ny Ray any An-danitra manerana izao tontolo izao.

I Papouasie-Nouvelle-Guinée dia nosy iray izay firenena ao amin’ny Ranomasimbe Pasifika. Mandrakotra ny antsasaky ny nosy Nouvelle-Guinée izy io. Olona mihoatra ny 8 tapitrisa no monina any!

Ireo fiteny

alt text

I Papouasie-Nouvelle-Guinée dia manana fiteny maro kokoa noho ny firenena rehetra eran-tany — fiteny 840 eo ho eo!

Yu stap gut?

Midika izany hoe “manao ahoana ianao?” amin’ny fiteny Tok Pisin!

trano fiangonana

alt text

Matetika no misy tondra-drano any Papouasie-Nouvelle-Guinée. Noho izany dia aorina eo ambony tsato-kazo ny trano fiangonana any. Rehefa tonga ny tondra-drano, dia afaka mivoy ny lakany hatreo am-baravarana ny mpikambana!

Vorona an’ala

alt text

Ireo Voro-Paradisa dia vorona an’ala saro-kenatra. Ny lahy dia manana elatra tena kanto sy maro loko. Misy Voro-Paradisa Raggiana eo amin’ny sainam-pirenena.

Sing-Sings

alt text

Mivory ireo foko any Papouasie-Nouvelle-Guinée mba hihira, handihy, hizara fomban-drazana, ary mba hahazo namana. Foko 100 mahery no mandray anjara amin’ny sing-sing lehibe indrindra isan-taona!

Sahanasa

Lolo goavambe

alt text

I Papouasie-Nouvelle-Guinée no manana karazana lolo lehibe indrindra! Manamboara lolo ho anao. Manangona hazo, ravinkazo ary voninkazo hanamboarana ny endriny. Ampiasao ny fitsipika eo an-kavanana mba hampitahana ny haben’ny elatry ny lolonao.

Ny halavan’ny elatr’ilay lolo antsoina hoe Papillon de la Reine Alexandra: 28 sm.

Fomba fahandroan-tsakafo

Chicken Pot (Nahandro milaro akoho)

alt text

Izy io dia fomba fahandroan-tsakafo nentim-paharazana any Papouasie-Nouvelle-Guinée. Inty misy karazany azonao andramana!

1. Mandrotsaha akoho voatetika 2 1/2 livres na 1kg ao anaty vilany miaraka amin’ny menaka fahandro 1/2 sotro fihinanana Ampio curry vovony 1 sotrokely sy sira 1 sotrokely.

2. Miteteha ovy 1 (na legioma izay safidianao) ary fehezana tongolo maitso iray. Arotsahy ao anaty vilany miaraka amin’ny voan-katsaka 1 kaopy.

3. Andraraho hero-dronono vita avy amin’ny voanio 1/2 kaopy eo ambonin’ireo legioma sy hena. Sarony ny vilany ary ampangotraho amin’ny afo tsy dia mafy. Avelao hiketrika mandritra ny 30 hatramin’ny 40 minitra.

Ataovy izay hahazoana fanampiana avy amina olon-dehibe iray!

Tantara amin’ny endrika PDF

Sary nataon’i Zhen Liu