Diichiłí Agháahgo Ílíinii Naaltsoos Bízhiʼ Saad Bee Ąą ÁlnéehiiDiichiłí Agháahgo Ílíinii éí Jesus Christ Bisodizin Bá Hooghan Akée’di Hoolzhishdi Yá Naazínígíí lą’í alą́ąjį’ bina’nitin dóó deiyoodlą́ągo bídadéét’i’ígíí át’é. Díí éí Diyin Yá Yáłti’í Joseph Smith Bilagáanak’ehjí áyiilaa áádóó naaltsoos bee si’ą́ągo áyiilaa, áádóó lą’í éí Diyin Bisodizin Bá Hooghan naaltsoos hane’ bee hahinidéhígíí íídą́ą́’ biyi’ baa náhánih ńt’ę́ę́’. Moses Naaltsoos Biyiʼ Siláhígíí Moses 1Diyin God éí Moses yich’į’ ííshją́ą́ ídiilyaa—Moses éí hózhǫ́ diyingo ábi’diilyaa—Ch’į́įdii éí hach’į’ saad hóółǫǫd—Moses éí lą’í nahasdzáángi ádaat’ée nihokáá’ diné’é yikáá’ kéédahat’į́įgo yiyiiłtsą́—Nahasdzáán doo wólta’ ánéelą́ą́’góó Diyin God biYe’ haidiilaa—Diyin God binaanish dóó bi’ayóó át’éii éí nihokáá’ dine’é doo náádinóonééłgóó dóó hool’áágóó iiná bá hólǫ́ǫ doogo íídoolííł. Moses 2Diyin God éí yá’ąąsh ádaat’éii dóó nahasdzáán haidiilaa—T’óó ahayóí ał’ąą dahináanii ádaalyaa—Diyin God nihokáá’ dine’é haidiilaa áádóó t’áá ałtsoní yik’i bóhólnííh doogo áyiilaa. Moses 3Diyin God éí t’ahdoo nahasdzáán bikáá’ ats’íseek’ehgo dahaleehyę́ędą́ą́’ t’áá ałtsoní ii’sizíiniik’ehgo haidiilaa—Nahasdzáán bikáá’, nihokáá’ dine’é haidiilaa, ts’ídá áłtsé hináanii—Asdzání éí hastiin yił ahíłkáʼanáhiʼnilchééh dooleeł. Moses 4Hait’áo Satan ch’į́įdii silį́į́’—Eve yizánííyí’aahgo yaa ńdiidzá—Adam dóó Eve bąąhági át’éii ííł’į́ silį́į́’, áádóó nahasdzáán biyi’ anoonééł hazlį́į́’. Moses 5Adam dóó Eve ba’áłchíní hazlį́į́’—Adam Diyin God yich’į’ náá’iisnii’ dóó yá naalnish—Cain dóó Abel yizhchį́—Cain ak’ijį’ silį́į́’, Diyin God bilááh Ch’į́įdii ayóó’áyóó’ní, áko Perdition silį́į́’—Na’atseed dóó bąąhági ádaat’éii baa na’aldeehgo bitah hazlį́į́’—Nahatʼá bee yisdáʼiildéehii hodeeyáádą́ą́’ bee nida’neeztą́ą́’. Moses 6Adam bílástsii’ éí naaltsoos bee ééhaniihii deiníʼą́—Ba’áłchíní dahodoolééłígíí éí Diyin yikéé’ deiyíkáhígíí ádaa ńda’oohkąąh daaníigo yee nda’nitin—Diyin God éí Enoch yich’į’ ííshjání Í’diilyaa—Enoch éí diyin bina’nitin bee yisdá’iildéehii yee na’neeztą́ą́’—Diyin bina’nitin bee yisdá’iildéehii bihoot’ááł éí Adam bił ííshją́ą́ ályaa—Éí tó bee alzį́į́h dóó Diyin bibe’adziilii beiyílyá. Moses 7Enoch na’nitin, diné yinaat’áanii nilį́įgo yoo’ish, dóó dził naaznílígíí neiyiisnáá’—Ziondi bikin dah shijaa’ hadilyaa—Enoch éí náasdi Diné Silį́į’ii doogááłgo yiyiiłtsą́, Bitsʼíís yee ayóó át’éego ti’hooznii’ígíí, Diyin Yikéé’ Naazíinii náádidoojah—Ti’hooznii’go Niná’doolyééłígíí, Ahíná’iidiyooldah, Christ Nínáádoodááł Bijį́įdi, áádóó Zion háádiilyaaígíí yiyiiłtsą́. Moses 8Methuselah diyingo ádahodooníłígíí yaa halne’—Noah dóó biye’ké Diyin bina’nitin bee yisdá’iildéehii yee nda’nitin—Ayóó Át’áo bąąhági át’eii baa na’aldeeh haz’lį́į́—Ádaa ńda’oohkąąh ha’nínée doo deiyóósts’ą́ą́’ da—Diyin God t’áá ałtso bits’íís dahólóonii Tó ndabidoołtsxiłgo yee haadzíí’.