1 Áádóó shí, Abraham, Urim dóó Thummim naashjaah, éí Bóhólníihii shiDiyin God sheenínil, éí Urgi Chaldee dineʼé kéédahatʼį́įdi;

2 Áádóó sǫʼ deiłtsá, áko ayóó ádanolnin, áádóó łaʼ éí Diyin God dah sidáhígi bíighahgi siʼą́; áádóó ląʼí ayóó ádaatʼéii áadi bíighahgi naazį́;

3 Áádóó Diyin Bóhólníihii áshíłní: Díí naatʼáanii bídahólníihii ádaatʼį́; áádóó íiyisíí ayóó átʼéhígíí éí Kolob wolyé, háálá shí éí shíighahgi bił hazʼą́, háálá shí éí nihiDiyin God Bóhólníihii nishłį́: Ei bikááʼ sínízinígíí sǫ́ dah sinilígíí tʼáá ałtso yikʼi bóhólníihgo íishłaa.

4 Áádóó Diyin Bóhólníihii áshíłní, Urim dóó Thummim bikʼehgo, áko Kolob éí Diyin Bóhólníihii yikʼehgo éʼéłʼį́, éí hoogáłígíí dóó ałʼąą ánáhooʼníłígíí bikʼehgo ahééh hákááh; tʼááłáʼí ahééh hwiilzhííshígíí éí Diyin Bóhólníihii biʼtááłáʼí ajínígíí átʼé, díí bikʼehgo hoolzhish, éí tʼááłáhídi mííl yázhí nínáhahgo éí niʼ bikááʼ sínízinígíí biʼoolkił átʼé. Díí éí Diyin Bóhólníihii biʼoolkiłígíí átʼé, éí Kolob bikʼehgo hoolzhishígíí átʼé.

5 Áádóó Diyin Bóhólníihii áshíłní: Jóhonaaʼéí yináádáłígíí aʼohgo adíníłdínígíí, éí jį́, dóó tłʼééʼ yiʼohgo adíníłdínígíí, éí bikááʼ sínízinígíí bilááhgóó éí doodago ayóó átʼéego bikʼehgo hoolzhish, éí hazhóóʼígo bił hoolzhish; díí éí bikʼehgo hoolzhish háálá éí nahasdzáán bikááʼ sínízinígíí yikááʼ hódahgo dah sizį́, éí bąą bikʼehgo hoolzhishígíí éí jį́, dóó nináhidizííd, dóó nináháhááh doo ląʼída.

6 Áádóó Diyin Bóhólníihii áshíłní: Kʼad, Abraham, díí naakigo tʼáá aaníí átʼé, áko shooh ninááʼ bee yíníʼį́; náásgóó ádahodooníłígíí nił bééhózin dooleeł, dóó oolkiłígíí ndi, aooʼ, nahasdzáán bikáaʼgi sínízį́įgi áhodooníłígíí, dóó aláahgo adinídíín ádooníłígíí éí jį́ yikʼi bóhólnííh dooleeł, áádóó tʼáá achʼįʼgo adinídíín ádoolníłígíí éí tłʼééʼ náhádleehígíí yikʼi bóhólnííh dooleeł.

7 Áádóó kʼad achʼįʼgo adinídíín náhádleeh dooleełígíí éí nízaadgóó náhádleeh dooleeł éí nahasdzáán bikáaʼgi sínízinígi náhádleeh dooleeł.

8 Áádóó díí naakigo tʼáá aaníí hólónígíí, éí tʼáá aaníí biláahgo łaʼ nááhódlǫ́, áko éí éiyá, nahasdzáán nahalingo łaʼ dah náánástʼą́ą dooleeł éí bikáaʼgi tʼáá nízaadgóó oolkił dooleeł;

9 Áádóó áko nahasdzáán ndahalingo dah naaznilígíí ałkééʼ daʼílkeed áłʼąą ádaatʼée doo, áádóó Kolob baa hodoolzhish, éí Kolob Diyin Bóhólníihii bił oolkiłígíí bikʼehgo oolkił dooleeł; éí Kolob éí Diyin God dah sidáhígi bił aheełtʼé, éí tʼáá átʼé nahasdzáán nahalingo ałkééʼ ndaaznilígíí yikʼi bóhólnííh dooleeł bikááʼ sínízinígi átʼáo.

10 Áádóó tʼáá ałtso sǫʼ ánízáád daʼdiníłdíín dooleełígíí nił bééhózin doo, éí Diyin God dah sidáádóó bíighahjįʼ yíníyáa doo.

11 Áko Shí, Abraham, Diyin Bóhólníihii bił yááłtiʼ, tʼáá áyídíjįʼ, diné łaʼ bichʼįʼ yáʼátiʼígi átʼáo; áádóó bílaʼ yee naanish áyiilaaígíí yee shił hoolneʼ;

12 Áádóó kóshidííniid: Shiyeʼ, shiyeʼ (bigaan yee shichʼįʼ dah doolnih), áko shooh díí tʼáá ałtso nił ííshją́ą́ ádeeshłííł. Dóó bílaʼ yee shinááʼ yidoolchid, áádóó bílaʼ yee áyiilaayę́ę deiiłtsą́, éí tsʼídá tʼóó ahayóí; dóó shinááʼ bidáahgi ałʼąą ánéilą́ą́ selį́į́ʼ, áko doo nineelʼą́ą́góó yiiłtsą́.

13 Áádóó áshidííniid: Díí Shinehah átʼé, éí jóhonaaʼéí átʼé. Áádóó áshidííniid: Kokob, éí sǫʼ átʼé. Áádóó áshidííniid: Olea, éí ooljééʼ óólyé. Áádóó áshidííniid: Kokaubeam, éí sǫʼ ádaatʼé, éí doodago tʼáá ałtso ayóó átʼáo daʼdinídínígíí, éí yáʼąąsh hazʼą́ądi ndaaznil.

14 Áko Diyin Bóhólníihii éí tłʼéeʼgo díí saad yee shichʼįʼ haadzííʼ: Kʼeeʼąą danoohtʼį́į́łgo ánihideeshłííł, dóó nikééʼdóó nílástsiiʼ dahodooleełígíí, díí bedaałtʼée doo; áádóó séí doo wóltaʼ ánéelą́ą́ʼgóó, nílástsiiʼ ánéílą́ʼígíí ałdóʼ tʼáá ákótʼéii doo.

15 Áádóó Diyin Bóhólníihii áshíłní: Abraham, tʼah doo Egyptgóó dah diinááhdą́ą́ʼ díí nił ííshją́ą́ ádadeeshłííł, áko díí saad tʼáá átʼé baa náhodíílnih.

16 Áko díí naakigo hólǫ́ǫgo, dóó łaʼ tʼah biláahgo átʼéego, éí tʼáh biláahgooígíí hólǫ́ǫ doo; éí bąą Kolob éí tsʼídá aláahgo Kokaubeam yiniłtsʼánígíí átʼé, háálá éí éiyá tsʼídá shííghahgi hólǫ́.

17 Áko kʼad, naakigooígíí hólǫ́ǫgo, dóó łaʼ aláahgi átʼáo, áádóó ooljééʼ éí nahasdzáán biláahdi dah siʼą́, áádóó nááná łaʼ nahasdzáán nahalinígíí éí doodago sǫʼ yiláahdi átʼée doo; áádóó nihiDiyin God Bóhólníihii doo łaʼ yínánéídooʼááł da tʼáá hazhóʼí íidoolíiłgo tʼéiyá.

18 Ákótʼée ndi bí éí aláahgo sǫʼígíí áyiilaa; áádóó, ałdóʼ ákótʼáo, naaki iiʼ sizíinii hólǫ́ǫgo, łaʼ aláahgo bił ééhózingo, ákondi díí naakigo iiʼ sizíinii, azhą́ łaʼ aláahgo bił ééhózin ndi, tʼáá áłah hahoolzhiizh bee ádin; tʼáá ałkʼidą́ą́ʼ hólǫ́, áko doo bee nihonítʼiʼ da, tʼáá náás hólǫ́ǫ dooleeł, háálá gnolaum, éí doodago hoolʼáágóó hináa doo.

19 Áádóó Diyin Bóhólníihii áshíłní: Díí naakigo tʼáá ááníinii hólǫ́, áko naakigo iiʼ sizíinii hólǫ́, łaʼ aláahgo bił ééhózin; áádóó nááná łaʼ éí tʼáá áłah biláahgo bił ééhózin doo; Shí éí nihiDiyin God Bóhólníihii nishłį́, Shí éí tsʼídá tʼáá átʼé biláahgo shił ééhózin.

20 NihiDiyin God Bóhólníihii bá naalʼaʼí nichʼįʼ ayííłʼaʼ éí Elkenah bi nááʼiiłniihii yitsʼą́ą́dóó yisdánidoolóós biniyé.

21 Shí éí tʼáá ałtso bitah honishłǫ́; éí bąą, Shí éí kʼad, nichʼįʼ adááyá áko shílaʼ bee ádaashłaaígíí bee nił hodeeshnih biniyé, háálá shił ééhózingíí tsʼídá tʼáá ałtso biláahgo átʼé, háálá yáʼąąshdi shóhólnííh, áádóó nahasdzáán biyaagi, tʼáá ałtso hódzą́ą́ dóó yáʼátʼéehgo ntsáʼákees, tʼáá ałtso iiʼ naazíinii hodeeyáádą́ą́ʼ yiniłtsánígíí; hodeeyáádą́ą́ʼ tʼáá ałtso iiʼ naazíinii yiniłtsánígíí bichʼįʼ adááyá.

22 Áko kʼad shí Abraham, éí Diyin Bóhólníihii shił ííshją́ą́ áyiilaa, éí hodeeyáádą́ą́ʼ, iiʼ naazíinii tʼáh doo nahasdzáán álnéhę́ędą́ą́ʼ bikʼidahodiiniiʼ; áádóó éí tʼáá ałtso bitah ląʼída aláahdi naatʼáanii dóó ayóó ádaatʼéii danilį́;

23 Áádóó Diyin God díí iiʼ naazíinii yiyiiłtsą́ dóó danizhóní niizį́į́ʼ, dóó yitahgi yiizįʼ, áádóó kwíidííniid: Shí éí díí akʼih bídahólníihii danilį́įgo ádeeshłííł; háálá iiʼ sizíinii danilínígíí yitahdóó yiizįʼ, áádóó éí bił yáʼátʼéehgo yiyiiłtsą́; áádóó kóshidííniid: Abraham, ni éí éí bitah nílį́; tʼah doo niʼdichííhyę́ędą́ą́ʼ bee nikʼihodiiniiʼ.

24 Áádóó łaʼ Diyin God yináłtʼéego bitah sizį́, áádóó yił dahólónígíí kwíidííniid: Ákóyaaʼí diikah, háálá ákweʼé łaʼ hazʼą́, áádóó díí bee hadadidiilníłígíí ákóyaaʼí bichʼįʼ kódoolnííł, éí nahasdzáán bikááʼ dahináa doogo bá hashtʼedahodiilnííł;

25 Áádóó díí bee ndabidiníitaał, tʼáá ałtsoní biDiyin Bóhólníihii ábíłnínígíí daatsʼí yedaʼdoolííł;

26 Áádóó tʼóó áłtsé kéédahatʼínéedi Diyin yikʼeh dahoolaaígíí bikʼidahojidoodliił; áádóó tʼóó áłtsé kéédahatʼínéedi doo akʼeh dahoolaaígíí éí doo ayóó átʼéii bichʼįʼ kódadoolnííł da éí tʼóó áłtsé kéédahatʼínéedi akʼeh dahoolaayę́ęgi átʼáo; áádóó naaki góneʼ kéédahatʼį́ tʼáá akʼeh dahoolaaígíí éí hoolʼáágóó ayóó ádaatʼéii bee bikʼidahojidoodliił.

27 Áádóó Diyin Bóhólníihii ání: Háíshąʼ ákǫ́ǫ́h deeshʼaał? Áádóó łaʼ Diné Silį́įʼii nahalingo ádííniid: Kǫ́ǫ́ honishłǫ́, shí ashíłʼaah. Áádóó łaʼígíí haadzííʼ dóó kóní: Kǫ́ǫ́ honishłǫ́, shí ashíłʼaah. Áádóó Diyin Bóhólníihii ání: Áłtséhígíí ákǫ́ǫ́h deeshʼaał.

28 Áádóó naaki góneʼígíí báhóóchįįd, tʼóó áłtsé kééhatʼínéedi doo yikʼeh áhoolaa da; dóó, éí bijį́įdi, ląʼída bikééʼ dah diikai.