Abraham biNaaltsoos biyi’ Naashch’ąą’go Béé’élyaaígíí

Naashch’ąą’ T’ááłá’ígíí. Kolob, éí ts’ídá áłtsé ádaalyaaígíí át’é, celestial haz’ą́ t’áá áhánígi, éí doodago Diyin God kééhat’į́įdi. Alą́ąjį’ bił haz’ą́ągo hoo’ááł, akéedi si’ą́ągo bik’ehgo da’ílkeed. Celestialdi oolkiłígíí bik’ehgo oo’ááł, éí celestial oolkiłígíí éí t’ááła’ajį́ éí ach’oozlaa’gi dóó ńléí álátahjį’ áníłtsoogo beełt’é. Kolobdi t’ááła’ajį́ náhádleehgo éí díí nahasdzáán bikáá’ t’ááłáhídi mííl yázhí nínáhah, éí Egypt dine’é kódeiłní Jah-oh-eh.

Naashch’ąą’ Naakiígíí. Egypt dine’é Oliblish deiłnínígíí éí, Kolob yíighahgi si’ą́, éí hadadilyaaígíí yá hoo’ááł éí celestial haz’ą́ t’áá áhánígi éí doodago Diyin God kééhat’į́įgi; éí adziilii bee ąą ńdítį́hí ałdó’ dahjoojih, éí nááná ła’ nahasdzáán nahalingo ałkéé’ ndaaznilígíí bedaałt’é; éí Diyin God Abraham yił ííshją́ą́ áyiilaa, éí bikáá’ náá’iiniihii yikáá’ náá’iiłniihgo, éí Diyin Bóhólníihii yich’į’ choyooł’į́įgo áyiilaa.

Naashch’ąą’ Tá’ígíí. Diyin God, bikááʼ dahʼasdáhí yikááʼ dah sidá nahalingo naashch’ąą’, adziilii dóó óhólnííh yee hadadít’éego; hool’áágóó adinídíín bitsiits’iin bikáagi dah si’ą́; Diyin Bibe’adziilii Dílzinígíí bizaad da’ílíinii aláahdi bee yáda’ati’ígíí beełt’é, éí Eden biDá’ák’ehgi Adam bił ííshją́ą́ ályaa, áádóó Seth dóó Noah dóó Melchizedek dóó Abraham dóó t’áá ałtso Diyin Bibe’adziilii bił ííshją́ą́ ádaalyaaígíí ałdó’.

Naashch’ąą’ Dį́’ígíí. Éí Hebrew dine’é bizaad Raukeeyang beełt’é, ntsaago haz’ą́ beełt’é, éí doodago yá’ąąsh haz’ą́ągi; nóomba ałdó’, Egypt dine’é bik’ehgo éí t’ááłáhádi mííl yázhí beełt’é; éí Oliblishdi oolkiłígíí beełt’é, éí Kolobdi ahééh hwiilzhííshígíí bił aheełt’é.

Naashch’ąą’ Ashdla’ígíí. Egypt dine’é bizaad bik’ehgo éí Enish-go-on-dosh wolyé; áádóó ałdó’ díí éí nahasdzáán nahalingo ałkéé’ ndaaznilígíí ła’ hoo’áłígíí át’é, áádóó Egypt dine’é ádaaníigo éí Jóhonaa’éí át’é, éí Kolob yits’ą́ą́dóó adinídíín choyooł’į́ éí Kae-e-vanrash biníkáá’ góne’, éí aláahdi Bee Ó’ool’įįł bee na’anishígíí át’é, éí doodago, kótʼáo ááłdeiłní, adziilii bee hoot’áłígíí, éí nááná ła’ nahasdzáán nahalingo ałkéé’ ndaaznilígíí éí doodago sǫ́ ádaat’éhígíí yik’i hoo’ááł, Floeese éí doodago Ooljéé’ ałdó’, Nahasdzáán dóó Jóhonaa’éí nínáhahgo ałhénát’ash. Díí nahasdzáán nahalingo si’ánígíí éí Kli-flos-is-es, éí doodago Hah-ko-kau-beam biníkáá’ góne’ be’adziil baa halyé, daasǫ́’ígíí éí naadiin naaki dóó naadiin táá’gi yaa halne’, éí Kolob ahénádááhgo bits’ádi’nídíínígíí baa halyé.

Naashch’ąą’ Hastánígíí. Éí díí nahasdzáán dį́įgo ahééh hwiilzhííshígíí beełt’é.

Naashch’ąą’ Tsosts’idígíí. Éí Diyin God bikááʼ dahʼasdáhí yikááʼ dah sidá nahalingo naashch’ąą’, Diyin Bibe’adziilii bizaad da’ílíinii aláahdi bee yáda’ati’ígíí yá’ąąsh biníkáá’ góne’ ííshją́ą́ ádaalyaa; éí, ałdó, Ii’ Sizį́ Diyinii bee yit’ínígíí éí Abraham bich’į’ kólyaa, éí hasbídí beełt’éego.

Naashch’ąą’ Tseebíí’ígíí. Díí nda’asdzo nihokáá’ dine’é doo bich’į’ ííshją́ą́ ádadoolnííł da; ákondi Diyin God Bighan Ntsaa Dílzinígíí t’éiyá biyi’ ííshją́ą́ ádadoolnííł.

Naashch’ąą’ Náhást’éíígíí. Díí éí k’ad hoolzhishgo doo ííshją́ą́ ádadoolnííł da.

Naashch’ąą’ Neeznááígíí. Áádóó díí ałdó’.

Naashch’ąą’ Ła’ts’áadahígíí. Áádóó díí ałdó’. Díí nóomba nihokáá’ dine’é bił béédahoozingo, t’áá áko doo. Amen.