1 Áádóó áko yá’ąąsh ádaatʼéii dóó nahasdzáán, dóó tʼáá ałtso bił hadadítʼéhígíí ałtso ádadiilnííł.

2 Áádóó Diyin God Danilíinii ałchʼį’ hadaasdzííʼ: Tsostsʼid hoolzhish azlį́į́ʼ góneʼ nihinaanish, bindahosiitʼánée ałtso ádadiilnííł; dóó bindahosiitʼánée bik’ehgo tsostsʼid jį́ azlį́į́ʼ góneʼ tʼáá ałtso nihinaanish bindahosiit’ánée bits’ą́ą́dóó háádadiilyįh.

3 Áádóó Diyin God Danilíinii tsostsʼid hoolzhish góneʼ ałtso ndaashnish, háálá tsostsʼid hoolzhish góneʼ naanish (Diyin God Danilíinii) yindahazʼánée ałtso ádeiiyilaago háádaasyį́į́’; dóó diyingo deiyíísį́į́’. Áko ahíikaigo yindahazʼánée éí yá’ąąsh ádaatʼéii dóó nahasdzáán hadadidiilnííł dadííniid.

4 Áádóó Diyin God Danilíinii adáákai dóó ałkééʼ dahwéélzhííshgo yáʼąąsh dóó nahasdzáán hadeidiilaa, éí nahasdzáán dóó yá’ąąsh ádaalyaago Diyin God Danilíinii nahasdzáán dóó yá’ąąsh ádeiyiilaa,

5 Tʼáá ałtso chʼil dáʼákʼehdi tʼah doo nahasdzáán biyiʼ kʼidilyéhígíí bídadéétʼiʼígíí yaa hadahaasdzííʼ, dóó tʼáá ałtso chʼil azee’ tʼah doo dahdadíníísééhgóó; háálá Diyin God Danilíinii nahodoołtį́į́łgo yee ndahaz’ánée tʼah doo nahasdzáán yikááʼ nahałtingo ádeilééh da, dóó tʼah doo nihokááʼ dineʼé náhágodgo ádeilééh da.

6 Ákondi nahasdzáán bikáá’dóó tózhool dego yildoh, dóó ni’ bikáá’ t’áá át’é néístłéé’.

7 Áádóó Diyin God Danilíinii łeezh bits’ą́ą́dóó diné bits’íís hadeidiilaa, dóó bii’ siz’íinii (áko éí éí, diné bi’ii’ siz’íinii), éí biih dadiilyééł; niłch’i bee nídi’dzihii át’éego biníí’ góne’ biih dadiilyoł, ákót’áo diné hiná silį́į́’.

8 Áádóó Diyin Danilíinii éí díí da’ák’eh yá k’ideidíílá, Eden biyi’ ha’a’aahjigo, áádóó hastiin hadeidiilaaígíí ákwe’é kééhat’į́įgo ádeiyiilaa, éí bits’íís hadeidiilááígíí bi’ii’ sizį́ yiih deiyíílá.

9 Áádóó Diyin God Danilíinii ni’ biyi’dóó tsin k’ideidíílá éí nél’į́įgo nizhóní áádóó ch’iyáán át’éego ádeiyiilaa; tsin bee iináanii, éí ałdó’, dá’ák’eh ałníi’gi k’ideidíílá, tsin bineest’ą’ yáʼátʼééh dóó nichxǫ́ʼí bits’ą́ą́dóó bééhoozįįhii ałdó’.

10 Áádóó Eden bits’ą́ą́dóó tó nílį́, éí dá’ák’ehígíí bá, áádóó dį́į́’go ałts’á nílį́įgo ádeiyiilaa.

11 Áádóó Diyin God Danilíinii hastiin Eden biDá’ák’eh biyi’ nideistį́, haididoolííł dóó yaa áhályą́ą doo biniyé.

12 Áádóó Diyin God Danilíinii hastiin kódíínííł, deidííniid: T’áá ałtso tsin dá’ák’ehgi k’idoolyáhígíí t’áá ni nínízingo bąąhdóó áyą́ą doo,

13 Ákondi tsin bineest’ą’ yá’át’ééh dóó nichxǫ́’í bits’ą́ą́dóó bééhoozįįhii, éí doo bąąh adííyį́į́ł da; háálá bąąhdóó ííníyą́ą’go, t’áá aaníí dadíítsxaał. Áko Shí, Abraham, Diyin Bóhólníihii bik’ehgo hoolzhishígíí yiiłtsą́, éí éiyá Kolob wolyéhígíí bik’ehgo hoolzhish; háálá akó Diyin God Danilíinii éí áadi hoolzhishígíí Adam t’ah doo bił bééhoozįįhgó ádeiléeh da.

14 Áádóó Diyin God Danilíinii ádadííniid: Hastiin yił ahíłkáʼanáhiʼnilchééh dooleełii ła’ bá ádadiilnííł, háálá doo yá’át’ééh da diné t’áá sáhí naagháago, éí bąą yił ahíłkáʼanáhiʼnilchééh dooleełígíí ła’ bá ádádiilnííł.

15 Áádóó Diyin God Danilíinii Adam yéego yida’iiłhaazh; áko áłwoshgo, t’ááłá’í bitsą́ą́’ hadeiztą́, áádóó hadeiztą́ągi bits’íís yidáda’deeshjéé’;

16 Áádóó Diyin God Danilíinii hastiin booshk’iizhdę́ę́’ bitsą́ą́’ ła hadeizt’ánée, éí bits’ą́ą́dóó asdzání ádeiyiilaa, áádóó hastiin yaa deizlóóz.

17 Áádóó Adam kódííniid: Díí shits’in bits’ą́ą́dóó bits’in, áádóó shitsį’ígíí bits’ą́ą́dóó bits’į’; áko Asdzání bee yídóojiił, jó diné bits’ą́ą́dóó ábi’diilyaa;

18 Éí bąą diné jílíinii bizhé’é dóó bimá yits’ą́ą́dóó dahdidoogááł, áádóó be’asdzą́ą́ t’éiyá ayóó’áyó’níigo yił hináa doołeeł, áádóó ła’ yił nilį́įgo yił hináa dooleeł.

19 Áádóó t’áá áłah, hastiin dóó be’esdzáán t’áá łíchíí’ ńt’ę́ę́’, dóó doo yaa yánízin da ńt’ę́ę́’.

20 Áádóó łeeyi’dóó Diyin God Danilíinii t’áá ałtso naaldlooshii da’ałchiní dá’ák’ehgi dahólǫ́ǫgo hadeidiilaa, áádóó t’áá ałtso hódahgo tsídii nidaat’a’ígíí ałdó’, áádóó éí Adam yaa deiyiizlóóz hait’áo deídoozhiił danízingo; áádóó Adam éí t’áá ałtso naaldlooshii t’áá há’át’ííshį́į́ yee yiyíízhi’ígíí, t’áá éí bee dabízhi’ dooleeł.

21 Áádóó Adam t’áá ałtso naaldlooshii yízhi’ ádeiyiilaa, hódahgo tsídii nidaat’a’ígíí, t’áá ałtso naaldlooshii da’ałchiní dá’ák’ehgi dahólónígíí; áádóó Adam éí, yił ahíłkáʼanáhiʼnilchééh dooleełígíí łá’ bá nídiiltį́.