Wóltaʼii 1Diyin God éí Moses yichʼįʼ ííshją́ą́ ídiilyaa—Moses éí hózhǫ́ diyingo ábiʼdiilyaa—Chʼį́įdii éí hachʼįʼ saad hóółǫǫd—Moses éí ląʼí nahasdzáángi ádaatʼée nihokááʼ dineʼé yikááʼ kéédahatʼį́įgo yiyiiłtsą́—Nahasdzáán doo wóltaʼ ánéelą́ą́ʼgóó Diyin God biYeʼ haidiilaa—Diyin God binaanish dóó biʼayóó átʼéii éí nihokááʼ dineʼé doo náádinóonééłgóó dóó hoolʼáágóó iiná bá hólǫ́ǫ doogo íidoolííł. Wóltaʼii 2Diyin God éí yáʼąąsh ádaatʼéii dóó nahasdzáán haidiilaa—Tʼóó ahayóí ałʼąą dahináanii ádaalyaa—Diyin God nihokááʼ dineʼé haidiilaa áádóó tʼáá ałtsoní yikʼi bóhólnííh doogo áyiilaa. Wóltaʼii 3Diyin God éí tʼahdoo nahasdzáán bikááʼ atsʼíseekʼehgo dahaleehyę́ędą́ą́ʼ tʼáá ałtsoní iiʼsizíiniikʼehgo haidiilaa—Nahasdzáán bikááʼ, nihokááʼ dineʼé haidiilaa, tsʼídá áłtsé hináanii—Asdzání éí hastiin yił ahíłkáʼanáhiʼnilchééh dooleeł. Wóltaʼii 4Haitʼáo Satan chʼį́įdii silį́į́ʼ—Eve yizánííyíʼaahgo yaa ńdiidzá—Adam dóó Eve bąąhági átʼéii ííłʼį́ silį́į́ʼ, áádóó nahasdzáán biyiʼ anoonééł hazlį́į́ʼ. Wóltaʼii 5Adam dóó Eve baʼáłchíní hazlį́į́ʼ—Adam Diyin God yichʼįʼ nááʼiisniiʼ dóó yá naalnish—Cain dóó Abel yizhchį́—Cain akʼijįʼ silį́į́ʼ, Diyin God bilááh Chʼį́įdii ayóóʼáyóʼní, áko Perdition silį́į́ʼ—Naʼatseed dóó bąąhági ádaatʼéii baa naʼaldeehgo bitah hazlį́į́ʼ—Nahatʼá bee yisdáʼiildéehii hodeeyáádą́ą́ʼ bee nidaʼneeztą́ą́ʼ. Wóltaʼii 6Adam bílástsiiʼ éí naaltsoos bee ééhaniihii deiníʼą́—Baʼáłchíní dahodooleełígíí éí Diyin yikééʼ deíkáhígíí ádaa ńdaʼoohkąąh daaníigo yee ndaʼnitin—Diyin God éí Enoch yichʼįʼ ííshjání Íʼdiilyaa—Enoch éí diyin binaʼnitin bee yisdáʼiildéehii yee naʼneeztą́ą́ʼ—Diyin binaʼnitin bee yisdáʼiildéehii bihootʼááł éí Adam bił ííshją́ą́ ályaa—Éí tó bee alzį́į́h dóó Diyin bibeʼadziilii beiyílyá. Wóltaʼii 7Enoch naʼnitin, diné yinaatʼáanii nilį́įgo yooʼish, dóó dził naaznílígíí neiyiisnááʼ—Ziondi bikin dah shijaaʼ hadilyaa—Enoch éí náasdi Diné Silį́įʼii doogáałgo yiyiiłtsą́, Bitsʼíís yee ayóó átʼéego tiʼhoozniiʼígíí, Diyin Yikééʼ Naazíinii náádidoojah—Tiʼhoozniiʼgo Nináʼdoolyééłígíí, Ahínáʼiidiyooldah, Christ Nínáádoodááł Bijį́įdi, áádóó Zion háádiilyaaígíí yiyiiłtsą́. Wóltaʼii 8Methuselah diyingo ádahodooníłígíí yaa halneʼ—Noah dóó biyeʼké Diyin binaʼnitin bee yisdáʼiildéehii yee ndaʼnitin—Ayóó Átʼáo bąąhági átʼéii baa naʼaldeeh hazʼlį́į́—Ádaa ńdaʼoohkąąh haʼnínée doo deiyóóstsʼą́ą́ʼ da—Diyin God tʼáá ałtso bitsʼíís dahólóonii Tó ndabidoołtsxiłgo yee haadzííʼ.