1 Áko yádiłhił dóó nahasdzáán ałtso hadilyaa, áádóó tʼáá ałtso yikááʼ dahinánígíí.

2 Áádóó tsostsʼid jį́ góneʼ Shí, Diyin God, shinaanish ałtso íishłaa, áádóó tʼáá ałtsoní hadiishłaa; áádóó Shí éiyá tʼáá ałtso naanish íishłaago tsostsʼid yiską́ągo hanááshyį́į́ʼ, áádóó tʼáá ałtsoní íishłaayę́ę ałtso hadadilyaa, áádóó Shí, Diyin God, éí yáʼádaatʼéehgo yiiłtsą́;

3 Áádóó Shí, Diyin God, tsostsʼid jį́ bikʼihosisdliʼ, dóó haałtʼéego íishłaa; éí tʼáá ałtso shinaanish bitsʼą́ą́dóó hanááshyį́į́ʼ éí Shí, Diyin God, hadiishłaa dóó íishłaa.

4 Áádóó áko, shooh, Shí nihichʼįʼ haasdziih, áko díí éí yáʼąąshii dóó nahasdzáán kweʼé bił hoogááł, dóó hadilyaa, éí beiníłką́ągo Shí, Bóhólníihii Diyin God, yáʼąąsh dóó nahasdzáán íishłaa,

5 Áádóó tʼáá átʼé dáʼákʼehgi chʼil ndaniseʼ tʼahdoo nahasdzáán bikááʼ kʼidadilyéhę́ędą́ą́ʼ, áádóó tʼáá átʼé dáʼákʼehgi chʼil azeeʼ tʼahdoo hadanisééhgóó. Háálá Shí, Bóhólníihii Diyin God, baa haasdzíʼígíí, éí tʼáá ałtsoní, diyinkʼehgo hadadiishłaa, éí tʼahdoo nahasdzáán bikááʼ dahaleehyę́ędą́ą́ʼ. Háálá Shí, Bóhólníihii Diyin God, áko tʼáá ałtso nahasdzáán bikááʼ tʼahdoo nahałtingo áshłééhyę́ędą́ą́ʼ. Áádóó Shí, Bóhólníihii Diyin God, éí tʼáá ałtso nihokááʼ dineʼé hadiishłaa; akondi diné nahasdzáán yaa áhályą́ dooleełígíí éí tʼahdoo áshłéeh da; háálá yáʼąąshdi éí Shí hadadiishłaa; áko nahasdzáán bikááʼ, táyiʼ, áádóó níłchʼi biyiʼ ndi tʼahdoo hináanii ła hadadishłééh da;

6 Ákondi Shí, Bóhólníihii Diyin God, haasdzííʼ, áádóó nahasdzáán bikááʼdóó tózhool dego yildoh, dóó tʼáá ałtso niʼ nééstłééʼ.

7 Áádóó Shí, Bóhólníihii Diyin God, niʼ bitsʼą́ą́dóó łeezh bee diné hadiishłaa, áádóó shiyol bee binííʼ góneʼ bee iináanii bee ííyolgo; diné hwiiʼ sizíinii hinááh silį́į́ʼ, nahasdzáán bikááʼ tsʼídá áłtsé hináanii, áádóó ałdóʼ tsʼída áłtsé hastiin; ákótʼée ndi, tʼáá ałtsoní tʼáá bítsʼéedi hadadilyaa; ákondi áłtsé éí diyinkʼehgo hadadilyaa dóó shizaad bikʼehgo ádeeshłaa.

8 Áádóó Shí, Bóhólníihii Diyin God, dáʼákʼeh bá kʼidíílá Eden biyiʼ haʼaʼaahjigo, áádóó hastiin hadiishłaaígíí ákweʼé kééhatʼį́įgo ííshłáá.

9 Áádóó Shí, Bóhólníihii Diyin God, tʼáá ałtso tsin łeeyidę́ę́ʼ hadaniseʼgo íishłaa, dóó kʼidadíílá, áko nihokááʼ dineʼé bił danizhónígo; deinécdnłʼį́į doo. Áádóó ałdóʼ biʼiiʼ sizíinii yee hiná silį́į́ʼ. Háálá iiʼ sizíiniikʼehjí áłtsé hadiishłaa; háálá Shí Diyin God, hadiishłaaígi, tʼáá ákweʼégi hólǫ́, aooʼ, éí shí tʼáá ałtsoní nihokááʼ dineʼé chodeiyoołʼį́į doo biniyé hadiishłaa; áádóó diné yaa ákodaniizį́į́ʼ éí chʼiyáán doodįįłgo alyaaígíí. Áádóó ałdóʼ Shí, Bóhólníihii Diyin God, tsin bee iináanii dáʼákʼeh ałníiʼgi kʼidíílá, áádóó tsin bineestʼąʼ yáʼátʼééh dóó nichxǫ́ʼí bitsʼą́ą́dóó bééhoozįįhii.

10 Áádóó Shí, Bóhólníihii Diyin God, éí tooh Eden bitsʼą́ą́dóó nílį́įgo íishłaa éí dáʼákʼeh bá; dóó áádę́ę́ʼ ałtsʼádzoh, dóó dį́į́ʼgo ałtsʼánílį́ silį́į́ʼ.

11 Áádóó Shí, Bóhólníihii Diyin God, áłtsé tooh nílínígíí éí Pison bee yízhiʼ, dóó éí Havilah bikéyah tʼáá ałtso binaagóó nílį́, ákweʼé Shí, Bóhólníihii Diyin God, ląʼígo óola hadiishłaa;

12 Áádóó éí kéyah bikááʼ óolaígíí nizhóní, áádóó ałdóʼ ákweʼégi bdellium dóó onyx tséhígíí hólǫ́.

13 Áádóó naaki góneʼ tooh nílínígíí éí Gihon wolyé; tʼáá éí Ethiopia bikéyah tʼáá átʼé binaagóó nílį́.

14 Áádóó tááʼ góneʼ tooh nílínígíí éí Hiddekel wolyé; éí Assyriadóó haʼaʼaahjigo nílį́. Áádóó dį́į́ʼ góneʼ tooh nílínígíí éí Euphrates.

15 Áádóó Shí, Bóhólníihii Diyin God, hastiin nídiiłtį́, dóó Eden biDáʼákʼeh biyiʼ niníłtį́, haididoolííł, dóó yaa áhályą́ą doo biniyé.

16 Áádóó Shí, Bóhólníihii Diyin God, hastiin, kóbidishní:

17 Ákondi tsin bineestʼąʼ yáʼátʼééh dóó nichxǫ́ʼí bitsʼą́ą́dóó bééhoozįįhii, éí bąąhdóó doo adííyį́įł da, ákótʼée ndi, tʼáá ni bee níhólnííh doo, háálá éí bee nikʼihodiiniiʼ; ákondi, béénílniih shí dooda nidishní, háálá éí bijį́įdi bąąhdóó ííníyą́ąʼgo tʼáá aaníí dadiitsaał.

18 Áádóó Shí, Bóhólníihii Diyin God, Tʼáá Éí Tʼéiyá Shá Yizhchíinii ábidishní, diné tʼáá sáhígo doo yáʼátʼééh da; ákohgo, yił ahíłkáʼanáhiʼnilchééh dooleełii łaʼ bá ádeeshłííł.

19 Áádóó łeeyiʼdóó Shí, Bóhólníihii Diyin God, tʼáá ałtso naaldlooshii daʼałchiní dáʼákʼehgi dahólǫ́ǫ dooleełígíí hadiishłaa, áádóó tʼáá ałtso hódahgo tsídii nidaatʼaʼígíí ałdóʼ; áádóó éí Adam bichʼįʼ nihohkááh yidííniid, éí haitʼáo deídóozhiił nízingo; áádóó éí ałdóʼ dahiná; háálá Shí, Diyin God, binííʼ góneʼé níłchʼi iináanii bee biih yííyol, áádóó Adam éí tʼáá ałtso naaldlooshii tʼáá háʼátʼííshį́į́ yee deiyíízhiʼígíí, tʼáá éí bee dabízhiʼ dooleeł.

20 Áádóó Adam tʼáá ałtso naaldlooshii daʼałchínígíí yiyíízhiʼ, áádóó hódahgo tsídii nidaatʼaʼígíí ałdóʼ, áádóó tʼáá ałtso naaldlooshii daʼałʼchinii ałdóʼ; ákondi Adam éí, doo yił ahíłkáʼanáhiʼnilchééh dooleełígíí łaʼ bá haneeztą́ąʼ da.

21 Áádóó Shí, Bóhólníihii Diyin God, Adam yéego biʼiiłhaazh; dóó áłwoshgo, tʼááłáʼí bitsʼą́ą́ʼ háátʼą́ áádóó háátʼą́ągi bitsʼíís bidádiʼníłjééʼ;

22 Áádóó Shí, Bóhólníihii Diyin God, hastiin bitsʼą́ą́dóó átsą́ą́ʼ háátʼą́, éí bitsʼą́ą́dóó asdzání íishłaa, áádóó hastiin baa nílóóz.

23 Áádóó Adam kódííniid: Díí kʼad shił bééhozin éí shitsʼin bitsʼą́ą́dóó bitsʼin, áádóó shitsįʼígíí bitsʼą́ą́dóó bitsʼįʼ; áko Asdzání bee yídóojiił, jó diné bitsʼą́ą́dóó ábiʼdiilyaa.

24 Éí bąą diné jílíinii bizhéʼé dóó bimá yitsʼą́ą́dóó dahdidoogááł, áádóó beʼasdzą́ą́ tʼéiyá yił hináa doołeeł; áádóó łaʼ yił nilį́įgo yił hináa dooleeł.

25 Áádóó tʼáá áłah, hastiin dóó beʼasdzą́ą́ tʼáá łíchííʼ ńtʼę́ę́ʼ, dóó doo yaa yánízin da ńtʼę́ę́ʼ.