1 Áádóó baa hoolzhiizh Diyin Bóhólníihii Moses yichʼįʼ haadzííʼ, kóníigo: Áko shooh, Shí éí díí yáʼąąshdi, dóó díí nahasdzáán bídadéétʼiʼígíí nił ííshją́ą́ áshłééh; saad bee hadeesdzihígíí náhidíízoh. Bee hahooyaii dóó bee nihoníyaii nishłį́, Diyin God Ayóó Ábóodziilii; éí Tʼáá Éí Tʼéiyá Shá Yizhchíinii binahjįʼ díí tʼáá ałtso ádeeshłaa; aooʼ, hodeeyáádą́ą́ʼ Shí yáʼąąsh íishłaa, dóó díí nahasdzáán bikááʼ sínízinígíí ałdóʼ hadiishłaa.

2 Áádóó nahasdzáán doo hadilyaa da, ádin doo bikááʼ siláhí da; áádóó chahałheeł díí ayóó íníłtsogo hazʼánígíí biyiʼ hólǫ́ǫgo íishłaa; áádóó shiʼIiʼ Sizį́ Diyinii tó bikáaʼgi nahaleʼ doo; háálá Shí éí Diyin God nishłį́.

3 Áádóó Shí, Diyin God, ádíshní: Adinídíín hódooleeł; áádóó adinídíín hazlį́į́ʼ.

4 Áádóó Shí, Diyin God, adinídíín yiiłtsą́; áádóó éí adinídíínígíí yáʼátʼééh. Áádóó Shí, Diyin God, adínídíín dóó chahałheeł ałtsʼánínil.

5 Áádóó Shí, Diyin God, adinídíín Jį́ bee yízhiʼ; áádóó chahałheeł, Tłʼééʼ bee yízhiʼ; áádóó díí éí bohooshłaa sheʼadziilii bitsʼą́ą́dę́ę́ʼ saadígíí bee, áádóó bee yáshtiʼígíí bikʼehgo bidahoolyaa; áádóó iʼííʼą́ dóó abiníjįʼ éí tsʼídá áłtsé jį́ azlį́į́ʼ.

6 Áádóó nááná, Shí, Diyin, ánáádíshní: Tó bitaʼgi hazʼą́ą doo, áádóó tʼáá yáshtiʼígíí, bikʼehgo bohoolyaa; áádóó ádíshní: Nááná łaʼ tó ádaatʼéii ałtsʼá deidiyoonił; áádóó éí bohoolyaa;

7 Áádóó Shí, Diyin God, tóhígíí ałtsʼą́ądi naazyį́įgo bitaʼgi nahazʼą́ągo íishłaa, aooʼ, yáʼąąshdi tónteel dóó yáʼąąsh biyaagi tó yádiłhił bitaʼ hazʼánígíí bee ałtsʼádoohnił, áádóó éí bohoolyaa tʼáá bee yáshtiʼgo.

8 Áádóó Shí, Diyin God, Yáʼąąshdi hazʼą́ yízhiʼ; áádóó Iʼííʼą́ dóó abíníjį́ naaki jį́ ázlį́į́ʼ.

9 Áádóó Shí, Diyin God, ádíshní: Tó ádaatʼéii yáʼąąsh biyaadi tʼááłáhíjįʼ ałhaʼádadoonííł, áádóó éí bohoolyaa; áádóó Shí, Diyin God, ádííniid: Kéyah bikááʼ hółtsei doo; áádóó éí bohoolyaa.

10 Áádóó Shí, Diyin God, niʼ hółtseiígíí Nahasdzáán bee yízhiʼ; áádóó tó ádaatʼéii tʼááłáhíjįʼ ałhaʼádeeshłaaígíí éí, Shí Tónteel bee yízhiʼ; áádóó Shí, Diyin God, tʼáá ałtsoní íishłaaígíí yiiltsą́ągo danizhóní yeeʼ.

11 Áádóó Shí, Diyin God, ádíshní: Nahasdzáán bikááʼ tłʼoh hadinóosééł, chʼil azeeʼ bílástsiiʼ náhoodleeł doo, tsin bineestʼąʼ éí tsin bineestʼąʼ bąąh nídahadleeh doo, tʼáá bináłtʼéego, áádóó éí tsinígíí bineestʼąʼ ánéiyoodlííł dooleeł, éí bílástsiiʼ nahasdzáán bikáaʼgi biyiʼ siláa dooleeł, áádóó tʼáá yáshtiʼígíí bikʼehgo bohoolyaa.

12 Áádóó nahasdzáán bikááʼ tłʼoh hadaníísą́, tʼáá ałtso chʼil azeeʼ bílástsiiʼ ałʼąą ádaatʼéego tʼáá bináłtʼéego náhoodleeł, tsinígíí bineestʼąʼ ánéiyoodlííł dooleeł, éí bílástsiiʼ nahasdzáán bikáaʼgi biyiʼ siláa dooleeł, tʼáá bináłtʼéego; áádóó Shí, Diyin God, tʼáá ałtsoní íishłaaígíí yiiltsą́ągo danizhóní yeeʼ;

13 Áádóó iʼííʼą́ dóó abíníjįʼ éí tʼágíjį́ azlį́į́ʼ.

14 Áádóó Shí, Diyin God, ádíshní: Yáʼąąsh hazʼą́ądi daʼdinídíín doo yádiłhił bitaʼ hazʼánígi daʼdinídíindgo ádoohłííł, éí jį́ dóó tłʼééʼ bee áłtsʼádooʼnił, áádóó éí bee béédahózin doo, dį́į́ʼgo ałʼąą ánáhooʼnílígíí bá, áádóó daajínígíí bá, áádóó ninádahahááhígíí bá;

15 Áádóó yáʼąąshdį hazʼą́ągi daʼdinídíín doo nahasdzáán yikááʼ adiníłdíín doo; áádóó bohoolyaa.

16 Áádóó Shí, Diyin God, naakigo ayóó átʼáo adinídíingo íishłaa; ayóó átʼáo adinídíín éí jį́ bee bóhólnííh, áádóó tʼáá achʼįʼgo adinídíín éí tłʼééʼ bee bóhólnííh, áádóó ayóó átʼáo adinídíín éí jóhonaaʼéí doo, áádóó tʼáá achʼįʼgo adinídíínígíí éí ooljééʼ átʼée doo; áádóó tsǫʼ ádaatʼéii éí ałdóʼ saad bee yástiʼígíí bikʼehgo ádaalyaa.

17 Áádóó Shí, Diyin God, yáʼąąshdi hazʼą́ądi siláago íishłaa éí nahasdzáán bikáaʼgi yidiʼníłdíín doo,

18 Áádóó jóhonaaʼéí jį́ yikʼi bóhólnííh dooleeł, áádóó ooljééʼ tłʼééʼ yikʼi bóhólnííh dooleeł, áádóó adinídíín dóó chahałheeł ałtsʼánil; áádóó Shí, Diyin God, tʼáá ałtsoní íishłaaígíí yiiltsą́ągo danizhóní yeeʼ;

19 Áádóó iʼííʼą́ dóó abíníjįʼ éí dį́ʼíjį́ azlį́į́ʼ.

20 Áádóó Shí, Diyin God, ádíshní: Tó ádaatʼéhígíí éí ndahaʼnánígíí ląʼígo íidoolííł éí dahinánígíí, áádóó hódahgo tsídii nidaatʼaʼígíí nahasdzáán yikááʼ ndaatʼaʼ doo yáʼąąshdi hazʼánígíí biyiʼdi.

21 Áádóó Shí, Diyin God, łóóʼtsoh ayóó ádaatʼéii hadadiishłaa, áádóó tʼáá ałtso dahináanii ndahaʼnáanii éí, tó dabiyiʼ ląʼígo ndahwiizlį́į́ʼ, tʼáá binídaałtʼéego, áádóó tsʼídii bitʼaʼ dahólónígíí tʼáá átʼé tʼáá binídaałtʼéego; Shí, Diyin God, tʼáá ałtsoní íishłaaígíí yiiltsą́ągo danizhóní yeeʼ.

22 Áádóó Shí, Diyin God, díí bikʼidahosísdliʼ, kódíshníigo: Náásgóó nihaʼáłchíní náhoodleeł doo, dóó kʼeeʼąą danoohtʼį́į́ł, áádóó tónteel biyiʼ ląʼígo íidoolííł; áádóó tsʼídii ndaatʼaʼígíí ałʼąą dínóotʼį́į́ł nahasdzáán bikááʼ;

23 Áádóó iʼííʼą́ dóó abíníjįʼ éí ashdlaʼ jį́ azlį́į́ʼ.

24 Áádóó Shí, Diyin God, ádíshní: Nahasdzáán bikááʼ dahináanii tʼáá binídaałtʼéego íidoolííł, béégashii, dóó ndaanaʼii, dóó nahasdzáán bikááʼ ndaaldlooshii daʼałchinígíí tʼáá binídaałtʼéego, áádóó bohoolyaa;

25 Áádóó Shí, Diyin God, nahasdzáán bikáaʼgi naaldlooshii daʼałchiní íishłaa tʼáá binídaałtʼéego, áádóó béégashii tʼáá binídaałtʼéego, áádóó tʼáá ałtso nahasdzáán bikáaʼgi nidaaʼnaʼii éí binídaałtʼéego; áádóó Shí, Diyin God, díí tʼáá ałtsoní yiiltsą́ągo shił yáʼíítʼééh.

26 Áádóó Shí, Diyin God, Tʼáá Éí Tʼéiyá Shá Yizhchíinii ábidishní, háálá éí hodeeyáádą́ą́ʼ shił hólǫ́: Nihokááʼ dineʼé tʼáá nihínáłtʼéego ádadiilnííł, tʼáá nihínoolningo; áádóó bohoolyaa. Áádóó Shí, Diyin God, ádíshní: Łóóʼ tónteel biyiʼ dahólónígíí yikʼi bóhólníih doo, áádóó hódahgo tsídii nidaatʼaʼígíí, yikʼi bóhólnííh doo, dóó béégashii, dóó tʼáá ałtso nahasdzáán yikʼi bóhólnííh doo, áádóó tʼáá ałtso nahasdzáán yikááʼ ndaaʼnaʼígíí yikʼi bóhólnííh doo

27 Áádóó Shí, Diyin God, nihokááʼ dineʼé tʼáá shináłtʼéego íishłaa, éí Tʼáá Éí Tʼéiyá Shá Yizhchíinii yináłtʼéego íishłaa; hastiin dóó asdzą́ą́ hadiishłaa.

28 Áádóó Shí, Diyin God, bikʼidahoshísdliʼ, áádóó kódabidííniid: Náásgóó nihaʼáłchíní náhoodleeł doo, dóó kʼeeʼąą danoohtʼį́į́ł doo, áádóó nahasdzáán bikááʼ náhoohdleeł, dóó bikʼi nihídahólnííh dooleeł, dóó łóóʼ tónteel biyiʼ dahólónígíí bikʼi nihídahólnííh doo, áádóó hódahgo tsídii nidaatʼaʼígíí bikʼi nihídahólnííh doo, áádóó tʼáá ałtso dahináanii nahasdzáán yikááʼ ndaanaʼígíí bikʼi nihídahólnííh dooleeł.

29 Áádóó Shí, Diyin God, nihokááʼ dineʼé ábidishní: Áko shooh, tʼáá ałtso chʼil azeeʼ bílástsiiʼ ałʼąą ádaatʼéego tʼáá bináłtʼéego náhoodleełgo nihaa nishłé, éí tʼáá ałtso nahasdzáán bikááʼgóó dahólǫ́, áádóó éí tsinígíí bineestʼąʼ ánéiyoodlííł dooleeł éí bílástsiiʼ nahasdzáán bikáaʼgi biyiʼ siláa dooleeł; éí nihí nihichʼįʼjigo atsįʼ nihá átʼée doo.

30 Áádóó tʼáá ałtsoní nahasdzáán bikáaʼgi naaldlooshii daʼałchinígíí, áádóó tʼáá ałtsoní hódahgo tsídii nidaatʼaʼígíí, áádóó tʼáá ałtso nahasdzáán yikááʼ ndaaʼnaʼígíí, éí iiná biyiʼ dahólǫ́ǫgo bee lą́ aséłį́į́ʼ, áádóó chʼil yáʼádaatʼéhígíí éí bichʼiiyąʼ dooleeł; áádóó tʼáá yáshtiʼígíí bikʼehgo, bohoolyaa.

31 Áádóó Shí, Diyin God, tʼáá ałtsoní hadiishłaaígíí yiiłtsą́, áádóó, áko shooh, tʼáá ałtso ádeeshłaaígíí tsʼída danizhóní yeeʼ; áádóó iʼííʼą́ dóó hanááyííłką́ąjį́ hastą́ą́ jį́ azlį́į́ʼ.