Wóltaʼii 1Abraham hastóí Diyin bibeʼadziilii dahdeiyóléłígíí shikʼi dahozhdoodliił nízingo haintá—Chaldeadi náádaʼííłniih ádaʼdilʼínígíí atídabiłʼį́į́ ńtʼę́ę́ʼ—Jehovah yisdábííłtį́—Egyptdi biwááshindoon dóó haitʼáo hazlį́ʼígíí chʼétʼą́. Wóltaʼii 2Abraham éí Urdóó dah diiyá Canaangóó yigáałgo—Harangi Jehovah baa níya—Bílástsiiʼ dóó bílástsiiʼ binahjįʼ tʼáá ałtso diné haneʼ bee yisdáʼiildéehii bee bikʼidahojidoodliił—Áádóó Canaangóó níyá éí bikééʼdóó Egyptgóó níyá. Wóltaʼii 3Abraham éí jóhonaaʼéí, ooljééʼ, dóó sǫʼ yaa bił bééhoozin éí Urim dóó Thummim binahjįʼ—Diyin Bóhólníihii éí iiʼ naazíinii hoolʼáágóó dahinánígíí bił iishją́ą́ áyiilaa—Tʼah doo nahasdzáán álnééhyę́ędą́ą́ʼ hiniiʼnánée yaa bił bééhozin, dóó íídą́ą́ʼ bee akʼihodiiniiʼyę́ę, Tʼáá Ałtsoní Ádaalyaai, Nináʼnídláii bikʼi hodidoonihígíí, dóó nihokááʼ dineʼé naaki bił hazʼání góneʼ. Wóltaʼii 4Diyin God Danilíinii nahasdzáán dóó tʼáá ałtsoní yikááʼ dahináanii yindahazʼą́ągo hadeidiilaa—Nahasdzáán hadilnééh hastą́ą́jį́įjįʼ bee nohootʼánígíí kweʼé nihił chʼétʼaah. Wóltaʼii 5Diyin God Danilíinii tʼáá ałtso haitʼáo hadidoolníiłgo yindahazʼą́—Yindahazʼánígíí bikʼehgo Tʼáá Ałtsoní Ádeiyiilaa—Adam tʼáá ałtsoní dahináanii bízhiʼ hólǫ́ǫgo áyiilaa. Tʼóó Beʼelyaaígíí 1 Tʼóó Beʼelyaaígíí 2 Tʼóó Beʼelyaaígíí 3