Alma

Pwuhk Sarawih kan

Pwuhk en Mormon

Audepeh kan
Mehn Kapehse oh Kadehde kan
1 Nihpai
2 Nihpai
Seikop
Inos
Serom
Omnai
Mahsen kan en Mormon
Mosaia
Alma
Ilemen
3 Nihpai
4 Nihpai
Mormon
Ihder
Moronai
Mehn Kaweid Pisetik ong Pwuhk en Mormon

Alma

Iralaud 1
Nior padahngki padahk likamw kan, wiahda ehu mwomwohdiso, tapiada prihskrap, oh kemehla Kidion—Nior kamakamkihla dipe kan—Doadoahk en prihskrap kan oh kehnaudok doupesengehr rehn aramas akan—Samworo kan kin pein kamakamour pein irail, aramas akan sewese me semwehmwe kan, oh Mwomwohdiso kekeirda. Ele Sounpar 91–88 Mwohn Krais.
Iralaud 2
Amilisai song en wiahla nanmwarki oh aramas akan soikala—Irail akan me kin idawehn ih kasapwiladahng en wia arail nanmwarki—Mehn Amilisai kan mahweniong Mehn Nihpai kan oh lohdi—Mehn Leimen kan oh Mehn Amilisai kan ehupene oh lohdi—Alma kemehla Amilisai. Ele Sounpar 87 Mwohn Krais.
Iralaud 3
Mehn Amilisai kan wiadahr kilel ehu pohn kilirail nin duwen mahsen en kokohpo—Mehn Leimen kan riahkihla arail kahngohdi—Aramas akan pein keriahla pein irail—Mehn Nihpai kan pilehu powehdi sounpei en Mehn Leimen kan. Ele Sounpar 87–86 Mwohn Krais.
Iralaud 4
Alma papidaisihala kiden aramas me weliakapwala—Wiewia suwed lel nan Mwomwohdiso, oh kekeiridahn Mwomwohdiso pweiek—Nihpaia wiahla sounkopwung lapalap—Alma, ni eh wia samworo lapalap, poadidiong wia doadoahk en kalohk. Ele Sounpar 86–83 Mwohn Krais.
Iralaud 5
Aramas anahne koluhla oh kapwaiada kosonned akan, ipwsapahl, kamwakelehda arail karmend kan sang ni ntahn Krais, karakarahk oh kihsang irail pohnmwahso oh noahrok, oh wia doadoahk pwung kan pwe irail en kak komourla—Silepen Sihpw Mwahuo ekehker Sapwellime aramas akan—Irail akan me kin wia doadoahk en tepil iei seri en tepilo—Alma kadehdehki duwen mehlel en eh padahk oh luke aramas akan en koluhla—Eden aramas me kin mour pwung kan pahn ntingdi nan pwuhk en komouro. Ele Sounpar 83 Mwohn Krais.
Iralaud 6
Mwomwohdiso nan Saraemla kamwakelda oh koasoansoandi—Alma kohla nan Kidion pwe en kalohk. Ele Sounpar 83 Mwohn Krais.
Iralaud 7
Krais pahn ipwidisang Mery—E pahn ketin sapwadada sahl en mehla oh ketikihda dipen Sapwellime aramas akan—Irail akan me koluhla, papidaisla, oh kapwaiada kosonned akan pahn alehdi mour soutuk—Me samin sohte kak sohsohki wehin Koht—Momouriki karakarahk, pwoson, koapwoaroapwoar, oh limpoak unsek anahnepe. Ele Sounpar 83 Mwohn Krais.
Iralaud 8
Alma kalohk oh wia papidais nan Mihlek—Mehn Amonaia kan soikala oh ih kohkohla—Tohnleng men mahsanihong en pwurala oh kalohngkihong aramas akan en koluhla—Amulek kasamwo ih, oh ira riemen kalohk nan Amonaia. Ele Sounpar 82 Mwohn Krais.
Iralaud 9
Alma mahsanihong aramas en Amonaia re en koluhla—Kauno pahn mahkohng Mehn Leimen kan ni imwin rahn akan—Ma Mehn Nihpai kan pahn soikala maraino, irail pahn kamwomwomwla pahn Mehn Leimen kan—Sapwellimen Kohto kereniongehr ketido—E pahn komourala me pahn koluhla, oh papidaisla, oh pwoson Mwarehu. Ele Sounpar 82 Mwohn Krais.
Iralaud 10
Lihai wia kadaudok en Manase—Amulek koasoiahda mahsen en tohnlengo me e pahn sewese Alma—Kapakap en me mour pwung kan kin doarehla aramas akan—Sounsawas en kosonned oh sounkopwung mour mwersuwed kan kin wihwiahda poahsoan en kamwomwomwlahn aramas akan. Ele Sounpar 82 Mwohn Krais.
Iralaud 11
Koasoandi en Mwohni en Mehn Nihpai kan kawehwehda—Amulek akamaiong Sihesrom—Krais sohte pahn kamourala aramas akan nan diparail akan—Ihte me pahn sohsohki wehin nanleng me pahn komourla—Aramas koaros pahn iasadahng mour poatoapoat—Sohte mehla mwurin Iasadao. Ele Sounpar 82 Mwohn Krais.
Iralaud 12
Alma koasoiong Sihesrom—Sapwellimen Koht me rir kan kin kohiengete me loaloapwoat kan—Aramas pahn pakadeikda sang ni arail madamadau kan, dahme re kamehlele kan, koasoi kan, oh wiewia kan—Me suwed kan pahn lokolongki mehlahn palingehn—Mour wet iei ahnsou en kaunopada—Koasoandi en poadoandoarlao me kahrehiong Iasadao oh, sang ni pwoson, lapwepen dihp akan—Me koluhla kan pahn ale mahk sang Iehroso. Ele Sounpar 82 Mwohn Krais.
Iralaud 13
Ohl akan kin malipilipda nin duwen samworo lapalap pwehki arail pwoson mehlel oh arail doadoahk mwahu kan—Irail pahn kin padahngki kosonned akan—Sang ni arail mour pwung irail pahn sarawihkihla oh pidelong nan sapwellimen Kauno wasahn komoal—Melkisedek iei emen irail—Tohnleng kan wie kalokalohngki rongamwahu nan sahpw akan—Re pahn pakairkihda ahnsou en ketidohn Krais. Ele Sounpar 82 Mwohn Krais.
Iralaud 14
Alma oh Amulek selidi oh kamakam—Aramas pwoson kan oh neirail pwuhk sarawi kan isihsla—Kauno ketin alehda irail akan me kamakamkihla ahr kadehde nan sapwellime lingan—Dihd en imwetengo pwalpeseng oh mweredi—Alma oh Amulek kasaledekla, oh sounkaloke ira kan kamakamala. Ele Sounpar 82–81 Mwohn Krais.
Iralaud 15
Alma oh Amulek kohla Saidom oh wiahda mwomwohdiso—Alma kakehlahda Sihesrom, me iangala Mwomwohdiso—Tohto me papdaisla, oh Mwomwohdiso keirda—Alma oh Amulek kohla Saraemla. Ele Sounpar 81 Mwohn Krais.
Iralaud 16
Mehn Leimen kan kamwomwala Mehn Amonaia kan—Soram kahluwa Mehn Nihpai kan oh kalowehdi Mehn Leimen kan—Alma oh Amulek oh aramas tohto kalohngki mahseno—Irail padahngki me mwurin Sapwellimen Krais Iasadao e pahn ketin pwarohng Mehn Nihpai kan. Ele Sounpar 81–77 Mwohn Krais.
Iralaud 17
Nein Mosaia pwutangko ahneki ngehn en kokohp oh kaudiahl—Irail kohpeseng kekeid nan ahl akan pwe re en kalohki mahseno ong Mehn Leimen kan—Amon kohla nan sahpw en Ismael oh wiahla ladu en Nanmwarki Lemonai—Amon doarehla sapwellimen nanmwarkio pelin mahn kan oh kemehla eh imwintihtih kan ni pihl en Sihpus. Sang ire tikitik 1–3, ele sounpar 77 Mwohn Krais; ire tikitik 4, ele sounpar 91–77 Mwohn Krais; oh sang ire tikitik 5–39, ele sounpar 91 Mwohn Krais.
Iralaud 18
Nanmwarki Lemonai wiahki me Amon iei Eni Lapo—Amon padahkihong nanmwarkio duwen Kepikipiko, Sapwellimen Koht doadoahk ong aramas, oh poadoandoarala me pahn sang Krais—Lemonai kamehlele oh pwupwidi nan pwehlo ni mwomwen me e mehla. Ele Sounpar 90 Mwohn Krais.
Iralaud 19
Lemonai alehdi kamarain en mour poatoapoat oh kilangada Soundoaro—Tohn tehnpese koaros lupungumasala oh irail tohto kilangada tohnleng kan—Amon poadoandoarala sang ni manaman kapwuriamwei—E ahpw papidaisihla aramas tohto oh wiahda mwomwohdiso rehrail. Ele Sounpar 90 Mwohn Krais.
Iralaud 20
Kauno ketin kadaralahng Amon nan Midonai pwe en kapitala rie kan me selidi—Amon oh Lemonai tuhwongidi semen Lemonaio, me wia nanmwarki en nan sahpwo pwon—Amon idingohng nanmwarkio en mweidada kapidoi rie kan sang imweteng. Ele Sounpar 90 Mwohn Krais.
Iralaud 21
Aron padahkihong Mehn Amalekai kan duwen Krais oh Sapwellime Tomwo—Aron oh riehkan selidi nan Midonai—Mwurin arail kasaledekla, irail padahk nan sinakoke kan oh karehiong me tohto weliakapwala—Lemonai mweidada saledek en pelien lamalam ong aramas akan nan sahpw en Ismael. Ele Sounpar 90–77 Mwohn Krais.
Iralaud 22
Aron padahkihong semen Lemonaio duwen Kepikipikdao, Pwupwidi en Adam, oh koasoandi en poadoandoarlao me pahn kohsang Krais—Nanmwarkio oh tohn tehnpese koaros weliakapwala—Katohrohrpeseng en sahpw nanpwungen Mehn Nihpai oh Mehn Leimen kan kawehwehda. Ele Sounpar 90–77 Mwohn Krais.
Iralaud 23
Saledek en lamalam kalohkda—Mehn Leimen kan nan sahpw isuh oh kahnihmw kan wiliakapwala—Irail kahdanikin irail Andai-Nihpai-Lihai oh saledek sang keriao—Mehn Amalekai kan oh Mehn Amulon kan kasohwe mehlelo. Ele Sounpar 90–77 Mwohn Krais.
Iralaud 24
Mehn Leimen kan kohdohng mahweniong sapwellimen Koht aramas akan—Mehn Andai-Nihpai-Lihai kan perenki Krais oh tohnleng kan pwarohng irail—Irail pilada mweidala irail en mehla sang arail pahn doarehla pein irail—Tohto Mehn Leimen kan pil wiliakapwala. Ele Sounpar 90–77 Mwohn Krais.
Iralaud 25
Mwekid keper kan en Mehn Leimen kan doupesengehr—Kadaudok en samworo en Noha kan kamakamala nin duwen me Apinadai kohpadahiero—Mehn Leimen tohto wiliakapwala oh towehla Mehn Andai-Nihpai-Lihai—Irail kamehlele Krais oh kapwaiada kosonned en Moses. Ele Sounpar 90–77 Mwohn Krais.
Iralaud 26
Amon kin peliki Kauno—Kauno kin ketin kakehlakahla me loaloapwoat kan oh ketikihong irail marain—Sang ni pwoson aramas kak sewese aramas kid en koluhla—Koht sapwellimaniki manaman oh mwahngih soahng koaros. Ele Sounpar 90–77 Mwohn Krais.
Iralaud 27
Kauno mahsanihong Amon en kahrehlahng aramas en Andai-Nihpai-Lihai wasa onepek mwahu—Ansouo me re tuhwongidi Alma, ahn Amon peren daulihla uwen e kehl—Mehn Nihpai kan kihong Mehn Andai-Nihpai-Lihai kan sahpw en Terson—Irail kin kahdaniki aramas en Amon. Ele Sounpar 90–77 Mwohn Krais.
Iralaud 28
Mehn Leimen kan lohdi nan lapalahn mahwen—Aramas nen kei kamakamala—Me suwed kan kolahng nan mour en paisuwed me sohte imwi; me pwung kan alehdi mour peren kohkohlahte. Ele Sounpar 77–76 Mwohn Krais.
Iralaud 29
Alma inangih kalohki koluhla duwehte tohnleng men eh kin loalenohng—Kauno kin ketikihong wehi koaros sounpadahk kan—Alma perenki sapwellimen Kauno doadoahk oh pweidahn Amon oh rie kan. Ele Sounpar 76 Mwohn Krais.
Iralaud 30
Koriohr, imwintihtien Krais, kepitiki Krais, Tomwo, oh ngehn en kaudiahl—E padahngki me sohte Koht, sohte pwupwidi en aramas, sohte kalokepen dihp, oh sohte Krais—Alma kadehdehki me Krais pahn ketido oh mehkoaros kasalehda me mie Koht—Koriohr ngidingidki en kasalehda ehu kilel oh ih eri lohtengla tepilo pwarohng Koriohr ni mwomwen tohnleng men oh padahkihong soahng kan me e pahn nda—Mehn Soram kan tiakpene Koriohr oh kemehla. Ele Sounpar 76–74 Mwohn Krais.
Iralaud 31
Alma kaunda doadoahk en misin ehu ong kapwurehdo Mehn Soram me salongalahr kan—Mehn Soram kan kahmahmki Krais, irail kamehlele padahk likamw ehu me irail aramas pilipilda kei, oh kin kaudongki kapakap me re wadlikihla—Misineri kan direkihla Ngehn Sarawi—Arail perenkihda Krais powehdi arail lokolok kan. Ele Sounpar 74 Mwohn Krais.
Iralaud 32
Alma padahkih me semwehmwe kan me karakarahkalahr pwehki arail kahpwal akan—Pwoson iei koapwoaroapwoariki dahme ke sohte kin kilang ahpw mehlel—Alma kadehdehda me tohnleng kan kin pwarohng ohl akan, lih akan, oh seri kan—Alma karasahieng mahseno kisin weren tuhke ehu—E pahn anahne poadidi oh epwelda—E ahpw pahn osada wiahla tuhke me ke pahn dolung wahn mour soutuk. Ele Sounpar 74 Mwohn Krais.
Iralaud 33
Sihnos padahngki me aramas anahne kapakap oh kaudok wasa koaros, oh me kalokolok en kopwungo kin uhdi pwehki Sapwellimeo—Sihnok padahngki me sapwellimen Kohto me ketikihda kupwur kalahngan—Nan sapwtehno Moses kolada kilel en karasaras ehu me kasalehda Sapwellimen Koht Iehroso. Ele Sounpar 74 Mwohn Krais.
Iralaud 34
Amulek kadehdehki me mahseno me kin pwilisang rehn Krais kin komourala aramas—Ma tomwo sohte wiawi, aramas koaros pahn mwomwla—Kosonned en Moses pwon kasalehda meirong en Sapwellimen Koht Iehroso—Koasoandi soutuk en poadoandoarlao poahsoanki pwoson oh koluhla—Kapakapki kapai en paliwar oh palingehn—Mour wet iei ahnsou me aramas pahn kaunopada en tuhwong Koht—Kumwail koadoahke komourpamwail ni amwail lemmwiki Koht. Ele Sounpar 74 Mwohn Krais.
Iralaud 35
Kalohk en mahseno kauwehla ehn Mehn Soram kan ahr loalokong widingan—Irail kausala me weliakapwala kan, oh re uhd iangala nein Amon aramas akan nan Terson—Alma pahtoukihla wiewia suwed en aramas akan. Ele Sounpar 74 Mwohn Krais.
Iralaud 36
Alma kadehdehiong Ilemen duwen eh wiliakapwala mwurin tohnlengo eh pwarohng—E lokolongki medek en lekdeklahn palingehn; e ahpw eker mwaren Sises, oh e ahpw ipwisang rehn Koht—Palingene direkihla peren mehlel—E kilangada karis en tohnleng kan kapikapinga Koht—Tohto me wiliakapw mehlel kehnehr oh kilangehr duwen dahme e kehn oh kilang. Ele Sounpar 74 Mwohn Krais.
Iralaud 37
Pirahs pileit ko oh pil pwuhksarawi kan kin nekinek pwe en kak sewese aramas akan komourla—Mehn Sared kan kamwomwomwla pwehki arail wiewia suwed kan—Arail kahula oh inou rir kan pahn anahne ekieksang aramas akan—Ale kaweid rehn Kauno nan mehkoaros me ke pahn kin wia—Nin duwen Liaona e kaweid Mehn Nihpai kan, duwehte mahsen en Krais e pahn kahluwa aramas kohlahng mour soutuk. Ele Sounpar 74 Mwohn Krais.
Iralaud 38
Siplon lokolongki eh mour pwung—Komourla kin kohsang Krais, me iei mour oh marain en sampah—Kaunda amwail ineng kan koaros. Ele Sounpar 74 Mwohn Krais.
Iralaud 39
Dipen nenek iei tiahk suwed ehu—Dipen Koriandon kahrehda Mehn Soram kan ahr sohte men alehda mahseno—Sapwellimen Krais poadoandoaro pahn kamourla aramas loaloapwoat akan me kohdo mwowe. Ele Sounpar 74 Mwohn Krais.
Iralaud 40
Krais me ketikihda iasadahn aramas koaros—Aramas mwahu me mehla pahn kohla nan paradais oh me suwed kan pahn kohla nan wasa rotorot mosul pwe re en awih rahn en arail iasadao—Soahng koaros pahn pwuralahng ni pwungen dewe oh kakon unsek ni ahnsou en iasadao. Ele Sounpar 74 Mwohn Krais.
Iralaud 41
Nan Iasadao aramas akan pahn iasadahng nan mour en peren poatoapoat de pahtou poatoapoat—Mour suwed sohte kin elehiong peren—Aramas me kin momourki mour en sampah sohte iang ahneki Koht nan sampah—Nan Kopwurupwurdohu aramas koaros pahn pwurehng alehdi mwomwen arail mour me re koadoahkehda nan mour wet. Ele Sounpar 74 Mwohn Krais.
Iralaud 42
Nan mour wet iei ahnsou en songosong me mweidohng aramas en kak koluhla oh papah Koht—Pwupwidio kahrehda mehlahn paliwar oh palingehn ong aramas koaros—Koluhla me kahrehiong aramas kak komourla—Koht pein tomwkihla dipen sampah—Kupwurkalahngan pahn kohieng irail akan me pahn koluhla—Koaros me pahn luhwehdi pahn mihla pahn manaman en sapwellimen Koht kopwung—Mie kupwurkalahngan pwehki Tomwo—Ihte irail me koluhla mehlel me pahn komourla. Ele Sounpar 74 Mwohn Krais.
Iralaud 43
Alma oh nah pwutak kan kalohki mahseno—Mehn Soram kan oh ekei Mehn Nihpai me kahngohdi kan iangala Mehn Leimen kan—Mehn Leimen ko kohdohng mahweniong Mehn Nihpai kan—Moronai kihong Mehn Nihpai kan tehtehn mahwen—Kauno ketin kasalehiong Alma en Mehn Leimen ahr koasoandi en mahwen kan—Mehn Nihpai kan doare imwarail akan, arail saledek, arail peneinei kan, oh arail pelien lamalam—Nein Moronai oh Lihai sounpei ko kapilpene Mehn Leimen kan. Ele Sounpar 74 Mwohn Krais.
Iralaud 44
Moronai ndahiong Mehn Leimen ko re en wiahda inou en popohl de ma soh re pahn kamakamala—Saraemna soikala eh pekipeko, oh mahweno ahpw doula—Nein Moronai sounpei ko kalowehdi Mehn Leimen ko. Ele Sounpar 74–73 Mwohn Krais.
Iralaud 45
Ilemen kamehlele mahsen en Alma kan—Alma kohpada duwen kamwomwomwlahn Mehn Nihpai kan—E kapaiada oh keriahla sahpwo—Mweinele Ngehno ketikihdahla Alma nanleng, duwehte Moses—Aramas me kohkohsang oh uhwong mwomwohdiso tohtohla. Ele Sounpar 73 Mwohn Krais.
Iralaud 46
Amelekaia song en wiahla nanmwarki—Moronai kauwada pilaik en saledek—E kihpene aramas akan pwe re en doare arail pelien lamalam—Aramas pwoson mehlel kan kin adaniki Kristian—Luhwen kadaudok en Sosep pahn mourla—Amelekaia oh me kahngohdi kan sopohla nan sahpw en Nihpai—Irail akan me sohte pahn uhpalihki doadoahk en mour saledek pahn kamakamala. Ele Sounpar 73–72 Mwohn Krais.
Iralaud 47
Amelekaia doadoahngki koasoandi en mwersuwed, kamaramas, oh likamw pwe en kak wiahla nanmwarki en Mehn Leimen kan—Mehn Nihpai me kohkohla oh uhwong irail kan kin ahneki mour suwed oh kamasepwehk laudsang Mehn Leimen kan. Ele Sounpar 72 Mwohn Krais.
Iralaud 48
Amelekaia kamwarongehda Mehn Leimen kan en uhwong Mehn Nihpai kan—Moronai kaunopada nah aramas akan pwe re en doare doadoahk en aramas Kristian kan—E kin perenki mour saledek oh mour maiau oh e wia ohlen Koht kehlail men. Ele Sounpar 72 Mwohn Krais.
Iralaud 49
Mehn Leimen kan me kodohn mahwen sohte kak kalowehdi kahnihmw kehlail en Amonaia oh Noha—Amelekaia lahlahwe Koht oh kahukihla me e pahn nim ntahn Moronai—Ilemen oh rie ko usehla kakehlakahda Mwomwohdiso. Ele Sounpar 72 Mwohn Krais.
Iralaud 50
Moronai wiahda kehl kehlail nan sahpw en Mehn Nihpai kan—Irail kauwada kahnihmw tohto—Mahwen kan oh kamwomwomwla kan wiawihong Mehn Nihpai kan ni ahnsoun ahr wiewia suwed oh tiahk suwed kan—Dienkom kalowehdi Moriandon oh nah aramas me kahngohdi kan—Nihpaia mehla, oh nah pwutak Paoran me uhd wiliandi wiahla sounkopwungo. Ele Sounpar 72–67 Mwohn Krais.
Iralaud 51
Aramas me kin uhpalihki nanmwarki song en wekidala kosonnedo oh koasoanehdi en mie nanmwarki—Sang ni usuhs aramas akan utungada Paoran oh aramas me kin uhpalihki saledek—Moronai idingki aramas me kin uhpalihki nanmwarki irail en doarehla arail wehi, ma soh, irail pahn kamakamala—Amelekaia oh Mehn Leimen ko kalowehdi kahnihmw kehlail tohto—Dienkom peiong Mehn Leimen kan oh kemehla Amelekaia nan sapwellime impwalo. Ele Sounpar 67–66 Mwohn Krais.
Iralaud 52
Amohrohn wiliandi Amelekaia wiahla nanmwarki en Mehn Leimen kan—Moronai, Dienkom, oh Lihai kaunda Mehn Nihpai kan ni ahr powehdi Mehn Leimen kan nan mahwen—Kahnihmw en Miulek pwurehng lohdi, oh Seikop, Mehn Soram kamakamala. Ele Sounpar 66–64 Mwohn Krais.
Iralaud 53
Mehn Leimen me selidi kan wia doadoahk en kakehlaka kahnihmw en Rahk—Uhpeneh kan nan pwungen Mehn Nihpai kan kahrehda Mehn Leimen kan ahr kin pweida—Ilemen kaunda nein Amon aramas akan neirail pwutak pwulopwul riekido. Ele Sounpar 64–63 Mwohn Krais.
Iralaud 54
Amohrohn oh Moronai pehngidkipene re en kaweliali neirail me selidi kan—Moronai ruwesehki Mehn Leimen kan re en pweiekla oh uhdihsang arail kamaramas suwed kan—Amohrohn ruwesehki Mehn Nihpai kan re en pwilikihdi neirail dipwisou en mahwin kan oh mih pahn manaman en Mehn Leimen kan. Ele Sounpar 63 Mwohn Krais.
Iralaud 55
Moronai soikala kaweliali en me selidi kan—Nein Mehn Leimen soun silasil kan lohdieng nan kasakaula, oh Mehn Nihpai me sensel kan saledekla—Kahnihmw en Kid lohdi ni sohte nta keredi. Ele Sounpar 63–62 Mwohn Krais.
Iralaud 56
Ilemen kadarala kisin likou ehu rehn Moronai, soiahda duwen irair en mahwin ong Mehn Leimen kan—Andipus oh Ilemen kalowehdi Mehn Leimen kan—Nein Ilemen pwutak mwahnakapw riekido mahwin sang ni manaman kapwuriamwei, oh sohte emen rehrail mehla. Ire tikitik 1, Ele Sounpar 62 Mwohn Krais; ire tikitik 2–19, Ele Sounpar 66 Mwohn Krais; oh ire tikitik 20–57, Ele Sounpar 65–64 Mwohn Krais.
Iralaud 57
Ilemen koasoiahda arail kalowehdi Andipara oh lohdi en Kumenai oh mwuhr poadoandoarepe—Nah mwahnakapw en Mehn Amon kan loaloapwoatieng mahwin; koaros ohla, ahpw sohte emen mehla—Kid pakairkihdo duwen kamakamalahn Mehn Leimen me selidi kan oh arail pitila. Ele Sounpar 63 Mwohn Krais.
Iralaud 58
Ilemen, Kid, oh Diomner kalowehdi kahnihmw en Mandai sang ni wiepen koasondi ehu—Mehn Leimen kan pweiekla—Nein aramas en Amon pwutak ko poadoandoarala ni ahr kehlail en doare arail saledek en mour oh pwoson. Ele Sounpar 63–62 Mwohn Krais.
Iralaud 59
Moronai ndahiong Paoran en kakehlakahla nein Ilemen sounpei kan—Mehn Leimen kan kalowehdi Nihpaia—Moronai lingeringer pahn koapworment. Ele Sounpar 62 Mwohn Krais.
Iralaud 60
Moronai kaulimkihong Paoran duwen koapworment ahr soukautihong apwalih sounpei kan—Kauno kin mweidala me pwung kan re en kamakamala—Mehn Nihpai kan anahne wia uwen arail kak koaros oh wiepe koaros pwe re en doareirailsang arail imwintihti kan—Moronai kamasangki koapworment me e pahn mahweniong irail ma re sohte pahn sewese nah sounpei kan. Ele Sounpar 62 Mwohn Krais.
Iralaud 61
Paoran koasoiahiong Moronai duwen ehn aramas akan moromorada oh kahngohdiong koapworment—Aramas ako me uhpalihki nanmwarki kalowehdi Saraemla oh ehuiong Mehn Leimen kan—Paoran peki sawas en sounpei en pelian me uhwong irail kan. Ele Sounpar 62 Mwohn Krais.
Iralaud 62
Moronai kohla nan sahpw en Kidion pwe en sewese Paoran—Aramas akan me kin uhpalihki nanmwarki me sohte men doare arail wehi kamakamala—Paoran oh Moronai pwurehng kalowehdi Nihpaia—Tohto Mehn Leimen iangala nein Amon aramas akan—Dienkom kemehla Amohrohn oh mwuri kamakamala—Mehn Leimen kan pakasarasang nan sahpwo, oh popohl miehda—Ilemen pwuralahng doadoahk en kalohk oh koasoanehdi Mwomwohdiso. Ele Sounpar 62–57 Mwohn Krais.
Iralaud 63
Siplon oh mwurin Ilemen alehdi poadoapoad sarawi ko—Tohto Mehn Nihpai kan seiloakla nan sahpw en paliepeng—Eikod wiahda sohp kan, me seiloakla nan sehd palikapi—Moronaia powehdi Mehn Leimen kan nan mahwin. Ele Sounpar 56–52 Mwohn Krais.