1 Ao ngkai e a koro bukina bwa ngke e a tia Iesu n taekin taeka aikai e rairaki ni manga taraia aomata ake a uanao akekei, ao e kaurea wiina nakoia riki, ni kangai: E koaua, e koaua, I tuangkami, ^aTai motikitaeka, bwa mwiina ao e na motikaki taekami.

2 ^aBwa ane kam motikitaeka iai, ao e na manga motikaki taekami iai; ao ane kam babaire iai, ao e na manga baireaki taekami iai.

3 Ao e aera ngkai ko noora te aneke are i nanon matan tarim, ao ko aki taraa moa te oka ane i nanon matam?

4 Ao ko na kanga ni kangai nakon tarim: Anganai bwa N na kanakoa te aneke ane i nanon matam—ao nooria, iai te oka i nanon matam?

5 Bon ngkoe te tia mwaamwana te aba, kanakoa moa te ^aoka ane imatam; ao ngkanne ko na kona ni kanakoa te aneke mai i nanon matan tarim.

6 Tai angan te kamea te bwai ae ^atabu, ao tai tewenakoi ami bwaeao nakoia beeki, bwa mwiina a toubekai i aan waeia, ma n rairakiiko n raebitiko.

7 ^aBubuti ao ko na anganaki; ukeuke, ao e na reke iroum; karebwerebwe ao e na kaukaki nakoim.

8 Bwa ane e bubuti ao e na anganaki; ao ane e ukeuke, ao e na reke irouna; ao ane e karebwerebwe, ao e na bon kaukaki nakoina.

9 Bwa antai te aomata i buakomi, ngkana e bubutiaki iroun natina te mwaane te kariki, ao e anganna te atibu?

10 Ke ngkana e butiaki te ika, ao e anganna te naeta?

11 Ngkana ngkami aika kam buakaka, kam rabakau n anga bwaintangira aika a raraoi nakoia natimi, ao ai mwaitira riki are e na anganingkami Tamami are i karawa bwaai aika a raraoi ake kam butiia?

12 Mangaia are, bwaai ni kabane ake ko tangiria aomata bwa a na karaoia nakoimi, ao ^akaraoia naba nakoia, bwa aio te tua ao aia taeka burabeti.

13 Kam na rinnako man te ^amataroa ae eti; bwa e raababa te mataroa, ao e ^braababa te kawai, are e kaineti nakon te mate, ao a mwaiti ake a a na rin iai.

14 Ao ibukina bwa e wariki te ^amataroa, ao e ^birariki te kawai, are e kaineti nakon te maiu, ao bon ti ^ctabeman ake a na kunea.

15 Tarataraingkami mai irouia ^aburabeti ni kewe, ake a nakoimi n aia kunnikai tiibu, ma bon taian kameaanti inanoia.

16 Kam na kinaaia man uaaia. Bwa aomata a rikorikoi kurebe man te kateketeke, ke taian biiku man aroka aika a kateketeke?

17 Ao ai aroia naba kaai aika a raraoi bwa a kariki uaa aika a raraoi: ma te kai ae buakaka e karika uaana ae buakaka.

18 Te kai ae raoiroi e bon aki kona ni karika uaana ae buakaka, ao te kai ae buakaka e bon aki kona ni karika uaana ae raoiroi.

19 Ni kabane kaai aika a aki ^akariki uaaia aika a raraoi a na bane ni koreaki, ma n teweaki nako nanon te ai.

20 Mangaia are, kam na kinaaia man ^auaaia.

21 Tiaki ni kabane ake a kangai nakoiu, Te Uea te Uea, a na rin n aban uean karawa; ma teuare e karaoa nanon Tamau are i karawa.

22 A mwaiti aika a na ^akangai nakoiu n te bong arei: Te Uea, te Uea, tiaki bwa ti taetae ni burabeti n aram, ao ti kanakoia riaboro n aram, ao ti karaoi mwakuri aika a mwaiti aika a raraoi n aram?

23 Ao ngkanne N na kangai nakoia: I bon aki ^akinaingkami; ^bnako mai irou, ngkami aika kam kakaraoi mwakuri aika a bubuaka.

24 Mangaia are, ane e ongo au taeka aikai ma ni karaoi, ao e katotonga te aomata ae wanawana, are e katea batana i aon te ^abwa—

25 Ao e bwaka te ^akarau, ao e waerake te ieka, ao e kare te ang, man orea te bata arei; ao e bon aki ^bbwaka, bwa e kateaki iaon te bwa.

26 Ao ni kabane naake a ongo au taeka aikai ao aki karaoi a katotonga te aomata ae burababa, ae e katea batana iaon te ^atano—

27 Ao e bwaka te karau, ao e waerake te ieka, ao e kare te ang, ma n orea te bata arei; ao e bwaka, ao bon moan te korakora bwakana.