1 Ao e a koro bukina bwa ngke a mwananga ana reirei Iesu ma ni kabwarabwarai bwaai ake a tia n ongo man noori, ma ni bwabetito n aran Iesu, e a koro bukina bwa a ikotaki ana reirei ma ni ^akatiteuanaki n te tataro are korakora ma te ^baki mamatam.

2 Ao Iesu e ^akaota rabwatana nakoia, bwa a bon tataro nakon te Tama n arana; ao e roko Iesu man tei i buakoia, ao e taku nakoia: Tera ae kam tangiria bwa N na anganingkami?

3 Ao a taku nakoina: Te Uea, ti tangiria bwa ko na tuangira te ara are ti na arana iai te ekaretia aio; bwa bon iai te itabaraaraa i buakoia aomata ni kaineti ma te bwai aio.

4 Ao e taku te Uea nakoia: E koaua, e koaua, ae I tuangkami, e aera ngkai a na ngurengure man itabaraaraa te botanaomata aio ti ibukin te bwai aei?

5 A tuai ni wareki koroboki aika tabu, are e taku bwa kam na katokaa i aomi ^aaran Kristo, are bon arau? Bwa kam na weteaki n te ara aei n te kabanea ni bong;

6 Ao ane e katokaa iaona arau, man ^ateimatoa n uaa te toki, ao e na bon kamaiuaki n te kabanea ni bong.

7 Ngaia are, ane kam na karaoia, ao kam na karaoia n arau; ngaia are kam na arana te ekaretia n arau; ao kam na wetea te Tama n arau bwa e na kakabwaia te ekaretia ibukiu.

8 Ao e na kanga n ae ^aau ^bekaretia ngkana e aki aranaki n arau? Bwa ngkana e aranaki te ekaretia n aran Mote ao ngkanne bon ana ekaretia Mote; ke ngkana e aranaki n aran te aomata ao ngkanne bon ana ekaretia te aomata; ma ngkana e aranaki n arau ao ngkanne bon au ekaretia, ngkana a kateitei iaon au euangkerio.

9 E koaua ae I tuangkami, bwa kam kateaki iaon au euangkerio; ngaia are kam na aranii bwaai ake kam aranii, n arau; ngaia are ngkana kam wetea te Tama, ibukin te ekaretia, ngkana kam karaoia n arau ao e na ongo te Tama iroumi;

10 Ao ngkana e kateaki te ekaretia iaon au euangkerio ao ngkanne e na kaoti oin ana mwakuri te Tama iai.

11 Ma ngkana e aki kateaki iaon au euangkerio, ma e kateaki iaon aia mwakuri aomata, ke iaon ana mwakuri te riaboro, e koaua ae I tuangkami a bon kimwareirei n aia mwakuri i nanon te tai ae aki maan, ao teutana i mwin teutana ao e na roko te toki, ao a na ^akoreaki man teweaki nako nanon te ai, are akea te oki ma iai.

12 Bwa aia mwakuri a ^atou mwiia, bwa a bon koreaki ibukin aia mwakuri; ngaia are uring bwaai ake I a tia n tuangkami.

13 Nooria I a tia n angani ngkami au ^aeuangkerio, ao aio te euangkerio are I a tia n anganingkami—bwa I roko nakon te aonaba ni karaoa ^bnanon Tamau, ibukina bwa e kanakomaiai Tamau.

14 Ao e kanakomaiai Tamau bwa I aonga n ^atabekaki rake iaon te kaibangaki; ao i mwina ngkana I tabekaki rake iaon te kaibangaki, N na ^bburimaunia aomata nakoiu, bwa ngkai I a tia n tabekaki rake irouia aomata ao aomata a na manga tabekaki rake iroun te Tama, bwa a na tei imatau, ni ^cmotikaki taekaia man aia mwakuri, bwa a raoiroi ke a buakaka—

15 Ao aio bukin ae I ^atabekaki rake iai; ngaia are, ibukin mwaakan te Tama ao N na burimaunia aomata nakoiu, bwa a na motikaki taekaia n aron aia mwakuri.

16 Ao e na koro bukina bwa ane e ^arairananona ma ni ^bbwabetitoaki n arau e na nuai; ao ngkana e ^cteimatoa n uaa te toki, nooria, e na bon akea ana bure imatan Tamau n te bong arei ngkana I tei ni motika taekan te aonaba.

17 Ao ane e aki teimatoa n uaa te toki, e na bon koreaki man teweaki nako nanon te ai, are akea te karairaki ma iai, ibukin ana ^amomotiraoi te Tama.

18 Ao aio te taeka are e a tia n anganiia natia aomata. Ao ibukin aio ao e kakoroi bukin taeka ake e a tia n anga, ao e aki kewe, ma e kakoroi bukin ana taeka ni kabane.

19 Ao ^aakea te bwai ae bareka ae kona n rin n ueana; ngaia are akea ae kona n rin i nanon ana ^brau ma ti naake a tia n ^cteboki aia kunnikai n raraau, ibukin aia onimaki, ao aia rairannano man aia bure, ao aia kakaonimaki n uaa te toki.

20 Ao ngkai aio te tua: ^aRairinanomi ngkami tokin aonaba, ao nako mai nakoiu ma ni ^bbwabetitoaki n arau, bwa kam aonga ni ^ckatabuaki ngkana kam butimwaea te Tamnei ae Raoiroi, bwa kam aonga n tei n ^dakea barekami imatau n te kabanea ni bong.

21 E koaua, e koaua, ae I tuangkami, aio bon au euangkerio; ao kam atai bwaai ake kam riai ni karaoi i nanon au ekaretia; bwa mwakuri ake kam noorai ni karaoi ao anne ae kam riai naba ni karaoi: bwa te bwai are kam noorai ni karaoia ao anne naba are kam na karaoia.

22 Ngaia are ngkana kam karaoi bwaai aikai ao kam na kakabwaiaki, bwa kam na uotaki rake n te kabanea ni bong.

23 Koroi bwaai aikai ake kam a tia n noori man ongo, ma tai karaoi ake a ^atabuaki.

24 Koroi aia mwakuri te botanaomata aio, are a na karaoi, n aron are a tia ni koreaki, ake bwaai ake a tia n riki.

25 Bwa nooria, a na ^amotikaki taekaia te botanaomata aio, man taian boki ake a tia ni koreaki, ao ake a na koreaki, bwa man boki aikai ao a na ataaki aia ^bmwakuri irouia aomata.

26 Ao nooria, a bane ni ^akoreaki bwaai iroun te Tama; ngaia are man taian boki ake a koreaki ao e na motikaki iai taekan te aonaba.

27 Ao kam ataia bwa ^akam na riki bwa taan motika taekaia te botanaomata aio, n aron te motikitaeka are N na angani ngkami, are e momotiraoi. Ngaia are ^baekan aomata raa ngkami? E koaua ae I tuangkami, kam na riki n ^cai arou.

28 Ao ngkai N na ^anakon te Tama. Ao e koaua ae I tuangkami, bwa bwaai ni kabane ake kam na tuanga te Tama n arau kam na bon anganaki.

29 Ngaia are, ^abubuti ao kam na anganaki; karebwerebwe ao e na kaukaki nakoim; bwa ane e bubuti, e na reke irouna; ao nakon ane e karebwerebwe ao e na kaukaki.

30 Ao ngkai, nooria, e a korakora au kimwareirei, n te aro are e a onrake, ibukimi, ao te roro aio; eng, ao e bon kimwareirei te Tama, ao ana anera aika a tabu ni kabane ibukimi ao te roro aio; bwa ^aakea ma i buakoia ae bua.

31 Nooria, I tangiria bwa kam na oota; bwa I kananonaia ake a maiu ^angkai ake kaain te ^broro aio; ao akea ma i buakoia ae bua; ao e bon bwanin ^ckimwareireiu irouia.

32 Ma nooria, i nanokawaki ibukin te ^akaaua n roro man te roro aio, bwa a kairaki nako ni kabureaki iroun are bon natin betetion; bwa a na kaboai nako n te tirewa ao te koora, ao ibukin are e na kanna te ^bkoa ao are a kona n urua taan iraa ma ni kimoaia. Ao n te bong arei N na kawaria, ma ni kaoka oin aia mwakuri iaon atuuia.

33 Ao e a koro bukina bwa ngke e a tia Iesu ni katoki taeka aikai e taku nakoia ana reirei: Riin n te ^amataroa are e eti; bwa e wariki te mataroa, ao e irariki te kawai are e kaineti nakon te maiu; ao ti tabeman ake a na kunea; ao e rababa te kawai are e kaineti nakon te mate, ao a mwaiti ake a na toua, ni karokoa e roko te bong, are akea aomata ae a kona ni beku iai.