1 Ongora, O ngkami Tientaire, ao ongo ana taeka Iesu Kristo, Natin te Atua ae maiu, are e a tia n ^atuangai bwa N na taekinna ni kaineti ma ngkoe, bwa nooria e tuangai bwa N na taetae ni kaineti ma ngkami, bwa, nooria, e tuangai bwa N na koroboki ni kangai:

2 Tannako, ngkami ni kabane ^aTientaire, man aromi aika a bubuaka; ao ^brairinanomi man ami mwakuri aika a bubuaka, man ami kewe ao ami mwaamwana te aba, ao ami mwakuri ni kabekaau, ao ami mwakuri aika bati n ribaki aika raba; ao ami waaki n taromauri bouananti, ao ami tiritiri, ao nakoa n ibonga aika kewe, ao ami bakantang, ao ami ikakaiwi, ao man ami buakaka ni kabane ma ami mwakuri aika bati n ribaki, ao nakomai nakoiu, ma ni bwabetitoaki n arau, bwa e aonga n reke iroumi kamaunan ami bure, ao kam kaonaki n te Tamnei ae Raoiroi, bwa kam aonga ni ^cwarekaki ma au botanaomata ake kaain te bata are Iteraera.