Mwakoro 22
N boong aika kaitira, e na kateaki Tion ma ana titeiki, ao e na ikotaki Iteraera ibukin te nanoanga ao te marau n nano—A na tokanikai—Kabootaua ma Itaia 54. Uakaan ma 34 N.K.
1 Ao ngkanne e na koro bukin te bwai are e koreaki: Anene, O are ko kanoaboo, ngkoe are ko aki kariki uaa; takarua n aanene, man tang n takarua, ngkoe are ko aki marakina marakin te bung, bwa a mwaiti riki natin are e kamaroaa nakon natin te aine are e mareaki, e taku te Uea.
2 Kabwabwaka nnen am umwanrianna, ao ke a karenaa rokin am tabo; tai katautau, kananaui ami bwai ni kabaebae ao kamatoatoai ami atiteiki.
3 Bwa ko na koburake n te angatai ao n te angamaing, ao kanoami a na bwainiia aTientaire ao a na karaoi kaawa aika a kamaroa bwa ana maekanaki.
4 Tai maaku, bwa ko na bon aki bwainrang; ao e na bon aki naba kabaeaki newem bwa ko na aki akamamaeaki; bwa ko na mwaninga maamaam n am tai n rikirake, ko na aki uringa ribakim n am tai n rikirake, ao ko na manga aki uringa ribakim ngke e mate buum.
5 Bwa te tia karikiko, are kaainabam, aia Uea Taanga ni Buaka bon arana; ao am Tia Kabomwi, Teuare e Tabu mai Iteraera—e na weteaki bwa Atuaia te aonaba ni kabuta.
6 Bwa e a tia te Uea n araniko bwa te aine ngkoe ae ko mwanuokinaki ma ni karawawataki tamneim, ao te buu ae ko ataei ngkoe, n te tai are ko aki butimwaeaki iai, e taku Atuam.
7 I a tia ni mwanuokiniko i nanon te tai ae uarereke, ma N na manga ikotiko ma au nanoanga ae korakora.
8 I bukin uniu ae uarereke ao I karaba matau mai iroum, ma ibukin te akoi ae aki totoki ao I ananoangaiko, e taku te Uea ae am Tia Kabomwi.
9 I bukin aaei, ao aiaron tain te bieka n ana tai Noa, bwa n aron are I a tia ni berita bwa e na manga aki oki n iekaki te aonaba n aekan te ieka are n ana tai Noa, ao I a tia ni berita bwa N na aki un iroum.
10 Bwa a na nako amaunga ao a na kamwaingaki tabuki, ma au akoi e bon aki kona ni bkitaniko, ao e aki kamwaingaki au berita n rau ae tabu, e taku te Uea are e nanoangaiko.
11 O ngkoe ae ko karawawataki, ma ni kibakiba n te angibuaka, man aki karauaki nanom! Nooria, N na akawenei atiibum aika a tamaroa mataia, ma ni katamaroai aan am kateitei n taian tabwaea.
12 Ao N na karaoa am winto man taian akate, ao am mataroa man atibu aika a raneanea man ura, ao tokin tiam man atibu aika a tamaroa.
13 Ao a na abane n reiakinaki ami ataei taekan te Uea; ao e na korakora rauiia ami ataei.
14 Ko na kateaki i nanon te araoiroi; ao ko na raroanako man te karawawataki bwa ko na bon aki maaku, ao man te kakamaku bwa e na bon aki roko ni kaaniko.
15 Nooria, a na bon ikotaki ni kaatarako, tiaki mai irou; ane e ikotaki ni kaaitarako e na bon bwaka ibukim.
16 Nooria, I a tia ni karika te tia karao biti are e na uka te atibu n te ai, are e na karika te bwai ni mwakuri ibukin a na mwakuri; ao I a tia ni karika te tia urubwai bwa e na urubwai.
17 Bon akea te bwai ni buaka ae karaoaki bwa e na kaaitarako ae e na tokanikai; ao ni kabane te newe ae e na taetae ni kabuakakako ni motikitaeka ko na bon kabuakaka. Aio bon te bwai ae a bwaibwai iai ana toro te Uea, ao raoiroia bon mai irou, e taku te Uea.