Koroboki Aika Tabu
3 Nibwaai 2


Mwakoro 2

E rikirake te buakaka ma mwakuri aika bati n ribaki i buakoia aomata—A bon ikotaki Nibwaite ma Reimwanaite bwa a na tararuaia mai irouia ana taan iraa Kateanton—Reimwanaite ake a rairaki a bon riki ni mainaina ao a bon aranaki bwa Nibwaite. Uakaan ma 5–16 N.K.

1 Ao e a koro bukina bwa ikai are e a toki naba te karuabwi ma nimaua n ririki naba, ao aomata a manga mwaninga taian kanikina ma taian kamimi ake a tia n ongo taekaia, ao a moanna n aki tabeakina te kanikina ma te kamimi ma i karawa, n te aro are a moanna ni matoatoa nanoia, ma ni mataki n aia iango, ma ni moanna n aki kakoauai bwaai ni kabane ake a ongo man noori—

2 A kaitarai nako taian bwai aika akea manenaia i nanoia, ake a karaoaki irouia aomata ao te riaboro, bwa ana kairiia nako ma ni amwaamwanai nanoia aomata; ao ngaia are Tatan e a manga bon reke tauan nanoia aomata i rouna, n te aro are e kamataki mataia ma ni kairiia nako bwa a na kakoaua bwa reirei ibukin Kristo bon te bwai ae burababa man akea manena.

3 Ao e a koro bukina bwa aomata a moanna ni matoatoa riki n te buakaka ma mwakuri aika bati n ribaki; ao a bon aki kakoaua bwa e na iai riki taian kanikina ma kamimi aika a na manga anganaki; ao Tatan e bon amwananga, ni kairia nako nanoia aomata, ni kariria ma ni karekea te anga are a na karaoa te buakaka ae korakora i aon te aba.

4 Ao e a koro bukina bwa e a bane te karuabwi ma onoua n ririki; ao te karuabwi ma itiua n ririki naba; ao te karuabwi ma waniua n ririki; ao te karuabwi ma ruaiwa n ririki;

5 Ao riki bon tebubua te ririki ae e a tia n nako man ana tai aMotiaea, are te uea i aoia te botanaomata ae Nibwaite.

6 Ao e a bon tia ni bane onobubua ma ruaiwa te ririki man te tai are Riaai e kitana iai Ierutarem.

7 Ao ruaiwa te ririki ae bane man te tai are a anganaki iai te kanikina, are e taekinaki irouia burabeti, bwa e na roko Kristo nakon te aonaba.

8 Ao ngkanne Nibwaite a waaki n tautaua te tai man te tai are anganaki iai te kanikina, ke man rokon Kristo; ngaia are, ruaiwa te ririki ae e a tia ni bane.

9 Ao Nibwaai, are taman Nibwaai, are e mwiokoaki n taian rongorongo, e abon aki okira te aba are Taraemera, ao e bon aki kona ni kuneaki ni kabuta te aba.

10 Ao e a koro bukina bwa aomata a bon tiku naba n aroia ni buakaka, e ngae ngke e bati te kabwarabwara ao te taetae ni burabeti are e kanakoaki i buakoia; ao ngaia are e bane te katebwina n ririki naba; ao e bon bane naba te katebwi ma teuana n ririki i nanon te buakaka.

11 Ao e a koro bukina bwa n te katebwi ma teniua n ririki ao e a waaki te bubuaka ao te itabaraaraa ni kabuta te aba; bwa e a bon rang korakora mwaitia ana taan iraa Kateanton, ao a tiringia aomata aika a rang mwaiti, man urui taian kaawa aika a mwaiti, ao a kabuta te mate ma te tiriaomata n aki akaaka ni kabuta te aba, ao e bon riai bwa aomata ni kabane, ake Nibwaite ao Reimwanaite, a na tabeki aia bwai ni buaka ni kaaitaraia.

12 Ngaia are, ni kabane Reimwanaite ake a tia n rairaki nakon te Uea a bon ikotaki ma tariia, ake Nibwaite, ao a bon kairoroaki, ibukin kawakinan maiuia ao aia aine ma natia, bwa a na tabeki aia bwai ni buaka ni kaaitaraia ana taan iraa Kateanton, eng, ma ni kawakina naba inaomataia, ao aroia n raka n aia ekaretia ma aroia n nebonebo, ma ainaomataia ao bkainaomatakiia.

13 Ao e a koro bukina bwa i i mwaain ae bane te katebwi ma teniua n ririki aio, a bon kakamaakaki Nibwaite n te urubwai ae korakora ibukin te buaka aio, are e bon rianako kananokawakina.

14 Ao e a koro bukina bwa Reimwanaite ake a ikotaki ma Nibwaite a bon warekaki i buakoia Nibwaite;

15 Ao e bon anaaki akamaraiakia mai irouia, ao kuniia e riki ni bmainaina n ai aroia Nibwaite;

16 Ao aia ataeinimwaane ma natia aine a rianako tamaroaia, ao a warekaki i buakoia Nibwaite, ao aranaki bwa Nibwaite. Ao ikai are e a toki iai te katebwi ma teniua n ririki.

17 Ao e a koro bukina bwa ni moan waakinan te katebwi ma aua n ririki, e bon reitinako te buaka imarenaia taan kamwarua ao ana aomata Nibwaai ao e rikirake kananokawakina; ma e ngae n anne, ao ana aomata Nibwaai e bon reke aia raka i aoia taan kamwarua, n te aro are a bon kakioia ni kaokia nakon abaia nakon taian maunga ao nakon aia tabo aika a raba.

18 Ao ikai are e a toki iai te katebwi ma aua n ririki. Ao n te katebwi ma nimaua n ririki a bon roko ni kaaitaraia ana botanaomata Nibwaai, ao aia itabaraaraa aika a mwaiti ma aia kakaun taeka, ao ana taan iraa Kateanton a bon karekea aia raka aika a mwaiti i aoia.

19 Ao ikai are e a toki iai te katebwi ma nimaua n ririki, ao ngaia are aomata a bon mena i nanon te aro ni karawawataki; ao akabaangin te kamaunaki e bon tine i aoia, n te aro are a bon kaitara n oreaki iai, ao aio ibukin aia bure.