1 Ao e koaua, e koaua, I tuangkami bwa iai riki au ^atiibu tabemwaang, ake tiaki kaaina te aba aio, ao tiaki naba kaain Ierutarem, ao tiaki naba man aaba ake a uakaan ake I nako buoakoia ni buokiia.

2 Bwa naake I taekiniia bon naake a bon tuai man ongo bwanaau; ao I bon tuai naba ma ni kaotai nakoia.

3 Ma I a tia ni karekea te tua mai iroun te Tama bwa N na ^akawaria, ao a na ongo bwanaau, ao a na warekaki i buakoia au tiibu, bwa e na ti teuana te nanai ao ti temanna te tia kaawakin tiibu; ngaia are I a nako ni kaotai nakoia.

4 Ao I anga te tua nakoimi bwa kam na karaoi ^ataeka aikai i mwina ngkana I a nako, bwa ngkana arona bwa au botanaomata ake i Ierutarem ake a tia n noorai ma ni mena i rarikiu n au tai ni mwakuri, a aki bubutia te Tama n arau, bwa a na karekea te ataibwai ibukimi mai iroun te Tamnei ae Raoiroi, ao ibukiia naba baronga ake tabeua are aki atai taekaia, bwa taeka aika kam na karaoi aikai a na kawakinaki ao a na kaotaki nakoia ^bTientaire, bwa rinanon bwaninia Tientaire, ake nikiraia kanoaia, ake a na kamaenakoaki i aon te aba ibukin aia kakewekewe, a na uotaki ni karokoaki, ke a na kairaki nakon te ^cataibwai ibukiu, ae aia Tia Kabomwi.

5 Ao ngkanne N na ^aikotiia ma ni maninginingin te aonaba ake aua; ao ngkanne N na kakoroa bukin te ^bberita ae tabu are e a tia te Tama ni karaoia ma te botanaomata ni kabane ake kaain te ^cbata are Iteraera.

6 Ao a na kakabwaiaki ^aTientaire, ibukina bwa a kakoauai, ma te ^bTamnei ae Raoiroi, are e kakoaua nakoia ibukiu ao te Tama.

7 Nooria, ibukina bwa a kakoauaai, e taku te Tama, ao ibukin te kakewekewe iroumi, O te bata are Iteraera, ni ^aboong aika kaitira ao e na roko te koaua nakoia Tientaire, bwa bwaninin bwaai ni kabane a na kaotaki nakoia.

8 Ma e na iai te maraia nakoia Tientaire ake a kakewekewe—bwa e ngae ngke a tia n roko nakon te aba aei, ma ni ^akamaenakoia au botanaomata ake kaain te bata are Iteraera; ao au botanaomata ake kaain te bata are Iteraera a tia n ^bteweaki nako mai buakoia, ao a tiaa n toubekaki i aan waeia irouia.

9 Ao ibukin ana nanoanga te Tama nakoia Tientaire, ao a na motikitaeka te Tama i aoia au botanaomata ake kaain te bata are Iteraera, e koaua, e koaua, ae I tuangkami, bwa i mwin bwaai aikai ni kabane, ao I a tia ni karekea te anga are au botanaomata ake kaain te bata are Iteraera a na oreaki, ao a na karawawataki, ao a na ^atiringaki, ma n teweaki nako mai i buakomi, ma n ribaki irouia, ao a na riki bwa bwaai n ribaki ma ni kungtaki i buakoia—

10 Ao e anga te tua te Tama bwa N na kangai nakoimi: N te bong are a na bure iai Tientaire ni kaaitara au euangkerio, ma n rawa ni butimwaea bwaninin au euangkerio, man ^atabekakirake n te kainikatonga inanoia i aoia aaba nako, ao i aoia te botanaomata ni kabane n te aonaba ae bwanin, ma ni kaonaki n aekan te kewe nako, ma te mwaamwanateaba, ao te tokonono nako, ao aekan waaki nako ni bwaritaio, ao waaki n tiriaomata, ma ^bnakoanibonga aika kewe, ma waaki ni kabekaau, ma mwakuri aika bati n ribaki aika a raba; ao ngkana a karaoi bwaai aikai ni kabane, ma n rawa ni butimwaea bwaninin au euangkerio, nooria, e taku te Tama, N na uotanako bwaninin au euangkerio mai irouia.

11 Ao ngkanne N na ^auringa au berita ae tabu are I karaoia ma au botanaomata, O te bata are Iteraera, ao N na uota au euangkerio nakoia.

12 Ao N na kaotia nakoimi, O te bata are Iteraera, bwa a na akea mwaakaia Tientaire iaomi; man N na uringa au berita ae tabu nakoimi, O te bata are Iteraera, ao kam na kairaki nakon te ^aatatai ibukin bwaninin au euangkerio.

13 Ao ngkana a rairinanoia Tientaire man okirai, e taku te Tama, nooria a na ^awarekaki i buakoia au botanaomata, O te bata are Iteraera.

14 Ao I aki tangiriia au botanaomata, ake kaain te bata are Iteraera, bwa a na ribuakoia ma n toubekaia i nano, e taku te Tama.

15 Ma ngkana aki rairaki nakoiu, ma n ongo ni bwanaau, N na kariaia, eng, N na kariaia bwa au botanaomata, O te bata are Iteraera, a na ribuakoia, ma n ^atoubekaia, ao a na riki n ai aron te taoro are akea taorona, are akea bonganana ma e na ti teweaki nako, ma n toubekaki i aan waeia au botanaomata O te bata are Iteraera.

16 E koaua, e koaua, I tuangkami, bwa e a tia te Tama n anganai te tua—bwa N na anganiia te botanaomata aio te aba aei bwa aia bwai.

17 Ao ngkanne e na kakoroaki bukin ana ^ataeka te burabeti are Itaia, are e kangai:

18 ^aA na tabekirake bwanaia ^btaan tararua; ao a na ikoti bwanaia ma n anene, bwa a na nooria n oin mataia kaokan Tion iroun te Uea.

19 Takarua ni kimwareirei, ikotaki n anene, ngkami aika taabo aika a kamaroa i Ierutarem; bwa e a tia ni karau nanoia ana botanaomata te Uea, e a tia ni kabooa Ierutarem.

20 E a tia ni kaota baina ae tabu te Uea imataia aaba nako; ao a na noora a na kamaiu te Atua tokin aonaba.